O alumnado de EI e EP, acompañado polos seus mestres/as, celebraron o Festival de Antroido o pasado venres 25 de febreiro 2022, de 12:00 a 13:00 da mañá. Este ano a temática elixida foi o mundo dos contos, de aí que cada clase veu disfrazada de contos e historias tan famosas como Vaiana, a Sirenita, Buscando a Nemo, Daniela Pirata, etc. Cada grupo, empezando polos máis pequenos, saiu ao escenario realizando a súa propia actuación, na que se conxugaron coreografías, obras de teatro e representacións. Non faltou un guiño á actualidade coa propia adaptación da famosa canción "Terra" das Tanxugueiras a través da interpretación de "A Terra do Xestal: queixas do Entroido". O broche final correu a cabo dun animado grupo de mestras que realizaron un chamativo espectáculo de baile rozando o profesional, con canón de fume incluído! Despois da deliberación, o xurado, formado por nais colaboradoras do comedor escolar, repartiu os premios. E de postre, xa no comedor escolar, degustamos os deliciosos doces de Antroido.
Premios Antroido 2022;
- Educación Infantil: Premio ao conto con mellores personaxes
- 1º EP: Premio ao conto máis creativo
- 2º EP: Premio ao conto máis realista
- 3º EP: Premio ao conto mellor versionado
- 4º EP: Premio ao conto máis divertido
- 5º EP: Premio ao conto máis reivindicativo
- 6º EP: Premio ao conto máis orixinal
