Temos a primeira fase do Programa Obseva_Acción lista!!!!!
O profesorado do centro que participa na convocatoria xerou novas formas e relacións de cooperación, colaboración e construción conxunta de aprendizaxe. Docentes do mesmo nivel, de distintas etapas e tamén o equipo directivo participaron desta experiencia que desenvolvemos no segundo trimestre do curso escolar. Aquí tedes esta infografía que resume o programa.
Imaxe autoeditada polo equipo do programa.
O Luns 20 marzo de 2023 contamos cunha visita moi especial. Vanesa Porto levaba anos sen pasear polos corredores do CPI Virxe da Cela. A última vez que estivo aquí, fai case dúas décadas, era unha adolescente que graduaba na ESO. Pasou o tempo, e agora é unha muller feita e dereita, que compaxina a súas labores como nai co mundo da ciencia e da investigación. Está doutorada pola universidade de Santiago, e precismante alí é onde realiza a súa vida académica e laboral, formando parte dun equipo que investiga e avanza cara ao tratamento do cancro. Vanesa deu unha charla ao alumnado de EP, transmitindo o seu entusiasmo pola aprendizaxe aos máis pequenos e tamén contando algunhas lembranzas da súa etapa como escolar no CPI Virxe da Cela. Vanesa xa ten unha placa honorífica nunha das aulas de primaria. Moitas grazas, Vanesa.
Achegamos durante este curso, para coñecemento da comunidade educativa do seu centro, información sobre o Concurso de videopoemas sobre composicións poéticas de Rosalía e Manuel María, que este ano chega á súa sexta edición. Este certame, que convoca a Casa-Museo Manuel María, está dirixido a alumnado galego de ensino non universitario a partir da ESO.
basesvideopoemas 23 by veracruces on Scribd
Ponte…nas ondas! promove a recuperación e posta en valor das fotografías para que poidan ser usadas no ámbito escolar, pola carga didáctica que atesouran, e para seren coñecidas polo público en xeral e contribuír así ao paso do ámbito analóxico ao entorno dixital. Para esta actividade será imprescindible a colaboración das familias do alumnado e do profesorado, que agradecemos de antemán. Inclúese unha categoría de PODCASTs relacionados coas imaxes do patrimonio.
BASES Certame Imaxes PNO by veracruces on Scribd
