Unha gradación chea de emoción e ledicia: 4º da ESO despide unha etapa inesquecible

 Unha gradación chea de emoción e ledicia: 4º da ESO despide unha etapa inesquecible

Este venres vivimos un acto de gradación cargado de sentimentos. O alumnado de 4º da ESO do CPI Plurilingüe Virxe da Cela celebrou o peche dunha etapa fundamental das súas vidas, rodeado de familias, profesorado, compañeiros e compañeiras e representantes dos concellos de Monfero e Irixoa.

Tras semanas de esforzo, exames e dedicación, chegou o momento máis agardado: despedir un capítulo cheo de aprendizaxes, amizades e vivencias que  acompañarán para sempre. Entre as paredes do noso centro, estas rapazas e rapaces medraron, e hoxe levan consigo a pegada imborrable da súa casa educativa.

A cerimonia foi un reflexo das súas traxectorias: nervios transformados en orgullo, alegría mesturada con agradecemento. Compartimos palabras fermosas, lembramos anécdotas, sorrimos... e mesmo algunha bágoa, porque despedir o vivido nunca é doado. A mesma, organizada polo alumnado de 3º da ESO e polo profesorado do centro con moito agarimo.

Imaxe autoeditada dos momentos finais da celegración.

Desde o CPI Plurilingüe Virxe da Cela:

Queremos expresar o noso máis sincero grazas. Grazas por compartir este camiño, pola vosa ilusión e pola marca que deixades nestas aulas. Que esta casa siga sendo sempre o voso fogar.

Á promoción 2025:

Desexámosvos toda a sorte do mundo nesta nova etapa. Enfrontádea coa mesma valentía e forza que vos trouxo ata aquí. E recordade: as nosas portas estarán sempre abertas. Porque, máis aló do tempo, sodes parte imborrable da nosa historia.

Boa viaxe, querida promoción. Ata sempre.

Imaxe autoeditada dos momentos finais da celegración.

Hot Wheels velocidad a tope!

Pista empregada neste obradoiro.

 Nos obradoiros de ciencia o alumnado de Física e Química  levaron a cabo unha actividade experimental
empregando pistas e autos Hot Wheels para estudar os diferentes movementos estudados na materia: 

• o movemento rectilíneo uniforme (MRU), 
• o movemento rectilíneo uniformemente acelerado (MRUA)
• e a caída libre e o movemento circular uniforme (MCU).

Esta actividade permitiunos visualizar e medir de forma práctica os conceptos físicos, facilitando a comprensión destes movementos fundamentais en cinemática.

Hot Wheels velocidad a tope! de Maria del Camino

Ovos no aire!

Dentro dos obradoiros científicos contamos cunha proposta para estudar o fenómeno da caída libre. A proposta consistía en deixar caer un ovo dende o primeiro andar do colexio co obxectivo de observar como actúan as forzas durante a caída e analizar os efectos do impacto.

Antes de levar a cabo o lanzamento o alumnado tiveron que deseñar varias estruturas protectoras para o ovo podendo empregar diversos materiais como o plástico de burbullas, téxtiles, ou calquera outro elemento que atopaban no laboratorio, para evitar que o ovo se rompera ao chegar ao chan.

Imaxes do proceso de preparación do lanzamento.

.

Vídeo Cuenta Atrás Números Animado Cinematográfico Negro de Maria del Camino

Olimpíada Matemática de AGAPEMA

O pasado xoves 24 de abril dous estudantes de 2º ESO do noso centro tiveron a oportunidade de participar na fase de zona da Olimpíada Matemática, organizada por AGAPEMA (Asociación Galega de Profesorado de Educación Matemática). A competición tivo lugar no IES de Canido, en Ferrol, a onde foron acompañados pola súa profesora de Matemáticas.

Nesta primeira fase da olimpíada o alumnado dispuxeron de dúas horas para intentar resolver cinco problemas matemáticos de forma individual. Estos problemas non requiren coñecementos especiais, senón a capacidade de aplicar os conceptos aprendidos en situacións novas e desafiantes.

A participación na Olimpíada Matemática tamén serviu como unha actividade motivacional moi positiva para os nosos estudantes. Non só os animou a mellorar as súas habilidades na materia, senón que tamén lles deu a oportunidade de descubrir novas formas de pensar e resolver problemas.

En definitiva, a experiencia foi moi enriquecedora, tanto a nivel académico como persoal, e o alumnado quedou moi satisfeito coa súa participación. Este tipo de eventos son fundamentais para motivar aos estudantes a seguir explorando o mundo das Matemáticas e a afondar na súa capacidade de resolución de problemas.

Agardamos con ilusión as próximas edicións!

 

                                                                         Imaxes da xornada.

ESPAZO INTERXERACIONAL: FÁLAME DA EMIGRACIÓN

 

Outro curso máis, o noso centro está a participar no programa interxeracional que Afundación (Fundación Galicia Obra Social) realiza nos centros educativos. Esta iniciativa busca fomentar un encontro de diálogo e experiencias compartidas entre os maiores que emigraron en busca dunha vida mellor e o alumnado de ESO.

Na primeira sesión deste enriquecedor encontro, tivemos a sorte de contar con tres convidados moi especiais: Rosa, que emigrara a Francia; Ezequiel, que viviu en Arxentina e na República Dominicana; e Mª José, que fixo a súa vida en Suiza. Todos eles viñeron acompañados por Teresa Alonso, do Espazo+60 de Afundación de Pontedeume, quen facilitou a conexión entre as xeracións.

Os nosos visitantes compartiron con nós as súas vivencias, as diferentes motivacións que os levaron a deixar a súa terra e as dificultades que atoparon no camiño. Un dos aspectos que máis nos conmoveu foi a morriña que senten pola súa terra e pola familia que deixaron atrás en Galicia. Contaron anécdotas que nos fixeron reflexionar sobre o valor da familia e a importancia das raíces, así como sobre as experiencias que marcaron as súas vidas e, en consecuencia, o devir de moitas familias galegas.

Ao remate da sesión, todos xuntos degustamos unha pequena merenda, onde as risas e as conversas fluíron de maneira natural. Foi unha experiencia interxeracional totalmente enriquecedora, que nos deixou a todos con ganas de máis.

Agora, esperamos ansiosos a segunda sesión, que terá lugar a próxima semana. Nesta ocasión, será o alumnado quen investigue sobre a historia de vida das súas propias familias e comparta os seus traballos, narrando as vivencias de emigración que tiveron que afrontar os seus avós ou familiares.

Non podemos estar máis que agradecidos aos nosos e nosas visitantes por compartir e transmitir os seus coñecementos e experiencias. Este tipo de actividades non só benefician ao alumnado, senón que tamén enriquecen a toda a comunidade educativa, promovendo novas modalidades de aprendizaxe que favorecen o diálogo, a cooperación e o entendemento entre as distintas xeracións.

Traballamos pola igualdade: SAÍDA CULTURAL A BETANZOS

 A rapazada de 2º, 3º e 4º de ESO gozou dunha xornada cultural na vila brigantina. Para comezar a mañá, asistiron á representación “A Nai”, da compañía Amorodio Teatro, un espectáculo teatral multidisciplinar que emprega ferramentas do teatro documento e da autoficción, sen perder nunca o sentido do humor. O espectáculo explora, a través das figuras das irmás Lola, Julia e Amparo Touza, e as súas fazañas como salvadoras dunha cantidade estimada de 500 persoas durante o Holocausto, a posibilidade de sermos mellores persoas en tempos de degradación moral. 

Ao remate da función tiveron ocasión de realizar un roteiro guiado grazas a Elena, responsable da oficina de Turismo de Betanzos, que lles ensinou algúns dos lugares máis representativos da vila e da súa historia.

Fantástica xornada a de hoxe!!!

Día Internacional das Matemáticas

Para conmemorar o Día Internacional das matemáticas, tamén coñecido como o Día de Pi, sumámonos ao reto proposto dende o CFR de Ferrol para tratar de liberarnos sen soltar as cordas! Pasamos un moi bo rato e, sendo sinceros, a desesperación levounos a tratar de buscar unha solución en Google.

                                                                        Imaxes do reto Día do Pi.

Radio na Biblio: entrevistamos a Pedro Blanco Lobeiras, Delegado do goberno en Galicia

No CPI Virxe da Cela continuamos experimentando coa Radio na Biblio, nesta ocasión cun convidado moi especial. 

Nacido en Monfero nos anos 60 e cursando os estudos da EXB neste mesmo centro na época da súa inauguración (fai xa catro décadas), Pedro Blanco Lobeiras na actualidade é o  Delegado do Goberno na Comunidade Autónoma de Galicia. 

O alumnado de 4º da ESO elaborou unha interesante batería de preguntas, guiados pola súa profesora de galego Rocío Prego, as cales foron respondidas con todo detalle por Pedro Blanco, quen manifestou en todo momento a grande emoción de ter regresado a este centro escolar e poder observar todos os cambios que nel se deron, que fan do CPI Virxe da Cela un centro moderno, innovador, á par que conserva a súa propia identidade e os valores da súa contorna. 

Imaxe dun dos momentos da entrevista.

Radio na Biblio: cooperativa e creativa

 O alumnado de 2º e EP, coa colaboración das familias que axudaron a recoller as adiviñas; Álvaro, o mestre de práctcas; Verónica profe de música da ESO e o alumnado de 2º da ESO, gravaron estes programas de radio. Afinade os oídos e a ver se sodes quen de dar coas solucións!

Competición internacional Náboj Junior

Imaxe da participación do alumnado na iniciativa.

No día de hoxe, venres 22 de novembro, o alumnado de 2º e 3º da ESO participou conxuntamente na competición internacional de matemáticas e física Náboj Junior.

A actividade consistiu en resolver de maneira cooperativa, en grupos de ata 4 membros, a maior cantidade de problemas relacionados coas materias mencionadas anteriormente. Para iso dispuxeron de 120 minutos e de seis problemas iniciais, os cales, ao irse resolvendo, cambiábanse por outros novos de maior dificultade. Tratábase de que o alumnado puxese a proba a súa creatividade, razoamento lóxico e o seu enxeño, ao mesmo tempo que aprendían compartindo ideas entre eles e se lles amosaba a beleza das matemáticas e a física dun xeito lúdico.

 

Imaxes de toda unha experiencia de aprendizaxe.

A experiencia foi moi enriquecedora para todos os participantes, destacando o traballo cooperativo dos equipos, o entusiasmo demostrado e a satisfacción de conseguir resolver problemas por eles mesmos, coas habilidades e coñecementos adquiridos no pasado.

 

SAMÍN VERSUS HALLOWEN

Podcast realizado polo alumnado de 4º ESO  titulado: Samaín ou cómo Galicia venceu ao Halloween americano coa súa propia tradición.

    

Entrevista de radio do alumnado de 4º da ESO ao Delegado do Goberno en Galicia: Pedro Blanco Lobeiras

Dentro da visita ao centro de Pedro Blanco Lobeiras, Delegado do Goberno na Comunidade Autónoma de Galicia o noso alumnado de 4º da ESO entrevistouno dentro do programa de Radio escolar. 

Unha experiencia inesquecible que xa esta editada en formato audiovisual para que o conxunto da Comunidade educativa poida sentirse parte desta xornada tan especial.

Club de lectura e Radio na Biblio na emisora CUAC FM (A Coruña)

Un grupo de alumnos/as da ESO do CPI Plurilingüe Virxe da Cela, todos eles/as pertencentes ao Club de Lectura ao ao Club de Radio, visita o luns 30 de setembro de 2024 os estudos da emisora CUAC FM (A Coruña) para realizar a gravación dun programa radiofónico, grazas ao apoio da Fundación Ayuda en Acción que promoveu o pasado curso escolar 2023-2024 a creación du Club de Radio no noso centro. 

O guión deste programa radiofónico foi elaborado polo propio alumnado participante, e ten como fío conductor a lectura, así que vos animamos a que escoitedes este programa no que estes mozos e mozas falan da súa experiencia no Club de Lectura, fan recomendacións de libros, amosan os seus experimentos creativos e literarios, etc. 

LIBRO DE RECEITAS EN COLABORACIÓN ALUMNADO DE ESO E EDUCACIÓN INFANTIL

Libro receitas eso e infantil from satelite1