Venres 16 decembro a partir das 11:00 h, as persoas que levan o programa da TVG Digocho-Eu. Terán unha charla con alumnado do 2º e 3º ciclo da Ed. Primaria e gravaran un programa co alumnado de 3º e 4º curso de Ed. Primaria.
Proxecto "21 Días co Galego"
Este mércores, día 14 de decembro, o alumnado de Educación Infantil puido gozar dun contacontos grazas á Asociación Euroeume en colaboración con Solidariedade Internacional de Galicia.
María, a contacontos, viaxou por todo o mundo. Puido coñecer varios países como Bolivia, Guatemala ou o Sahara que foi dos viaxes dos que nos falou.
Estas viaxes tiñan algo en especial e é que María quería coñecer as tradicións e costumes dos países aos que viaxaba a través dos cinco sentidos.
Unha moi boa idea!
É por elo que escoitamos a "Morenada" canción tradicional de Bolivia...achegándonos a este país a través do canal auditivo ou ben cun pau de chuvia, propio da zona dos Andes.
.jpg)
Co tacto, sentimos na nosa propia pel as cinzas dun volcán de Guatemala, que aínda está activo por si non o sabíades!
Coñecemos un pouco máis do deserto do Sahara a través das súas vestimentas, apreciamos as cores das "melhfas" e ata axudamos a que María fixera a súa.
Sen esquecer, que co sentido do gusto saberíamos moito máis das costumes dos saharauis a través dos tres tés: amargo, doce e suave.
Moitas grazas María pola túa recomendación, agora á hora de viaxar poñeremos os nosos cinco sentidos en alerta.
Ata a próxima!!
O xoves 1 de decembro de 2022, de 20:00 a 22:00 horas, o profesorado participante no proxecto "21 Días co Galego" mantivo unha reunión telemática (vía Webex) con Pilar Ponte para deseñar un plan de traballo conxunto para poder levar a cabo esta iniciativa que ten como obxectivo que a lingua galega sexa falada polo alumnado tanto dentro como fóra das aulas.
Pilar Ponte é docente e iniciou esta experiencia fai varios anos no IES A Pobra do Caramiñal, e posteriormente o goberno galego asumiuna como propia e extendeuna a outros centros educativos. No presente curso académico 2022-2023 o CPI Virxe da Cela será un dos 12 centros galegos que participará nesta iniciativa.
IMOS DE EXCURSIÓN ... Á UNIVERSIDADE!!
O alumnado de Educación Infantil foi convidado a participar nunhas xornadas na USC, na facultade de formación do profesorado de Lugo.
Dentro dunha das materias que se imparte no plan de estudos do Grao de Educación Infantil traballan sobre a organización dos espazos nas aulas e as propostas a presentar dentro do mesmo. Estando ao cargo a profesora Lina Iglesias, propuxo ao seu alumnado planificar propostas didácticas dentro dos ambientes que teñen na súa " aula laboratorio".
E por sorte, o noso alumnado tivo a oportunidade de desfrutar das propostas, ampliando así a súa experiencia no traballo por ambientes.
A experiencia foi moi enriquecedora e esperamos poder repetir.
Miudiño S.Coop.Galega impartiu ao alumnado de 1º, 2º, 3º e 4º da ESO un interesante obradoiro o pasado martes 29 de novembro de 2022. “Argallando” foi un obradoiro de liberdade creativa absoluta, no que a cativada aprendeu que ten a posibilidade, por si mesma, de transformar, modificar e crear os seus xoguetes, artefactos e demais inventos. Presentouse unha morea de material natural e ferramenta de verdade para que os nenos e nenas participantes deciciran que querían facer, como, canto e par qué. O coñecemento do risco tórnase elemento indispensable na aprendizaxe da manipulación da ferramenta. Só aprendendo a manexar lixas, punzón, serriñas, martelos…, podemos proporcionarlle á nosa cativada a liberdade necesaria para facer dos seus soños realidade. Nenos e nenas entrégaronse á causa, e sendo donos do seu tempo e corpo, foron quen de facernos reflexionar sobre a necesidade de confianza e asunción de riscos para o seu desenvolvemento e diversión.
Para conmemorar o 25 de Novembro, Día Internacional contra a Violencia de Xénero, o alumnado de educación primaria elaborou este podcast radiofónico, realizado grazas aos obradoiros de radio impartidos por Sergio Pascual.
O xoves 24 de novembro o alumnado de 4º, 5º e 6º de Educación Primaria participou nestes talleres de programación informática básica ofrecidos polo equipo do Servizo Educativo Afundación.
A través dos pequenos dispositivos educativos Micro : bit e os programas abertos de programación mediante bloques Scratch e Makecode, melloraron a súa competencia dixital ao mesmo tempo que adquirían novos coñecementos sobre o universo (4º e 5º) ou sobre o coidado da aves (6º).
O CPI Virxe da Cela presenta proposta "Flowers Coruxou S.L" ao concurso I-Comercio: Deseña o teu comercio Ideal. Foron varias semanas de traballo intenso tanto nas materias de Xeografía e Historia como en Educación Dixital, nas que o alumnado de 3º da ESO, dividido en dous grupos, ideaba a súa proposta de comercio ideal. Un dos grupos é o autor de "Flowers Coruxou S.L", unha idea de negocio floral que cabalga entre a tradición e a modernidade. O produto final elaborado para o concurso é un podcast radiofónico. Estoitade atentos e deixade voar a vosa imaxinación. Moita sorte aos participantes.
O mércores 16 celébrase o DÍA INTERNACIONAL DO PATRIMONIO e desde Ponte...nas ondas! convidamos a que os centros o celebren con algún programa de radio/vídeo que poden enviar posteriormente ao portal ESCOLAS NAS ONDAS.
Tamén podedes seguir en directo en liña desde a web de PNO! o propio evento do 16N que celebrararemos no Centro Cultural de Valadares, en Vigo. Alí entregaranse os premios do 5º Certame AS IMAXES DO PATRIMONIO que será retransmitido pola web de Ponte...nas ondas! Ao acto asistirán os gañadores dos centros educativos de toda a Eurorrexión, lerán os textos coa proxección das imaxes e a audición dos podcasts. Tamén haberá unha actuación musical con temas do patrimonio inmaterial galego-portugués. Participará no acto a Ministra de Educación, Pilar Alegría, o secretario xeral de Políticas Culturais, Anxo Lorenzo, a directora xeral do Patrimonio Cultural, Carmen Martínez Insua, e a a presidenta da Deputación de Pontevedra, Carmela Silva.
E recordámosvos que na web de PNO! tedes tamén materiais didácticos moi útiles para traballar nas aulas nesta semana do Día Mundial do Patrimonio, entre outros:
◦ O libro dixital interactivo Memoria e Patrimonio: http://pontenasondas.org/memoria-e-patrimonio/
◦ Test, trivial, interactivas sobre xogos tradicionais, descargables e interactivos sobre o ciclo anual do patrimonio, actividades sobre lingua, artesanía, oficios etc: http://pontenasondas.org/recursos/
Un saúdo e grazas pola vosa colaboración!
PNO! Modelo de Boas Prácticas by veracruces on Scribd
O venres 11 de novembro de 2022 o alumnado de 3º e 4ª de Educación Primaria tivo a oportunidade de iniciarse na creación poética e musical grazas a este obradoiro a cargo de Esther F. Carrodeaguas e Juanma Lodo.
A actividade, incluída dentro do programa "21 días co galego", desenvolveuse inicialmente en dous grupos, un por cada curso, que traballaron por quendas cos artistas para finalmente xuntarse e facer unha posta en común.
Cada aula logrou crear unha reivindicativa composición que moi pronto poderemos gozar.
.jpg)
Con este obradoiro dinamizado por Xandobela Xestión e Dinamización Sociocultural e, en concreto, por Nerea, o alumnado de 2º, 3º e 4º de Educación Primaria fíxose experto no noso patrimonio (martes 8 novembro 2022). Aprenderon a diferenciar entre o patrimonio material (como os edificios) e o inmaterial. Da man "da avoa Rosa" afondaron no coñecemento da nosa cultura a través de diferentes probas e retos.
Falaron do traxe tradicional (identificando os nomes das diferentes prendas: polainas, mandil, mantón...), dos contos de tradición oral (da santa compaña ou do lobishome), da mitoloxía (o basilisco, o nubeiro, o morralleiro ou home do saco, os trasnos..) e das cantigas. Todos e todas gañaron un carné especial que os acreditou como investigadores expertos da nosa cultura. Sen dúbida, esta proposta foi perfecta para achegar á rapazada a riqueza do noso patrimonio cultural inmaterial.
O Concurso “I-Comercio: Deseña o teu comercio ideal”, posto en marcha este primeiro trimestre do curso 2022-2023 a través da Vicepresidencia Primeira e Consellería de Economía, Industria e Innovación e da Consellería de Cultura, Educación, Formación profesional e Universidades (Xunta de Galicia) será o motor dun proxecto de colaboración no CPI Plurilingüe Virxe da Cela (Monfero, A Coruña) entre as materias de Educación Dixital e Ciencias Sociais no curso de 3º da ESO.
Os materiais editados pola Xunta de Galicia para o concurso servirán para traballar no diseño dun proxecto que conciencie ao noso alumnado da importancia do comercio local sostible desde un enfoque innovador en canto ao uso das novas tecnoloxías e a dixitalización.
Recursos educativos sobre o Camiño de Santiago
Recursoseducativos2022 Programa by veracruces on Scribd
XV Xornada de recursos educativos en galego. Facultade de Ciencias da Educación, 3 de novembro de 2022. A Comisión de Normalización Lingüística da Facultade de Ciencias da Educación organiza a XV Xornada "Os recursos educativos en galego", desta volta dedicada aos recursos educativos que toman como punto de partida ou eixe temático o Camiño de Santiago.
Participación de Sergio Pascual (Laboratorio Radiofónico). Expoñendo diferentes prácticas nas que se amosaba ao alumnado o Camiño de Santiago desde unha perspectiva pedagóxica. No caso do CPI Plurilingüe Virxe da Cela se presentou o podcast sobre "O Camiño", poñendo en valor a comunidade educativa, as interrelacións entre membros da comunidade( por exemplo Mario Cotelo que veu falar sobre o patrimonio que hai no Camiño), a concepción e a e consciencia que ten o alumnado da capacidade da súa contorna, das posiblidades do rural, todo isto sumado ao proceso de participación, busca de información, traballo en equipo, creatividade. Todo isto partindo dun proxecto de centro, neste caso do Xogo da Oca do Camiño, proposto pola mestra Carmen Espiñeira co seu alumnado. Especie de concurso podcastiano tratando de achegar o xogo á comunidade (participación das familias)
Venres de Samaín na escola.
Os nenos e nenas de Educación Infantil asistiron a unha particular “festa do medo”.
Entre unha terrorífica instalación que daba comezo á festa e unha música ambiente do máis arrepiante, os peques gozaron dunha xornada ben particular.
É máis, estes convidados vestían un tanto raro. Pois había bailes con esqueletes, vampiros bailaríns, cabazas andantes, bruxas cun gran sorriso...
Dálle ao “play” se tes curiosidade...
A festa rematou cunha rica merendola: zumo de sangue, ollos de monstruos, ricas cabazas de chocolate, arañas doces, tortiñas de millo arrepiantes...
Estades todos e todas convidados a do próximo ano.
Deica outra!
Na etapa de Educación Infantil están aproveitando ao máximo os novos espazos. Comezaron con moita enerxía este novo curso.
Seica
agora falan de ambientes de aprendizaxe.
Que
será iso?
Tranquilos!!!
é algo moito máis sinxelo do que pode soar.
Desfrutar
con propostas lúdicas nos diferentes espazos nos que podemos experimentar,
sentir, facer, construír, deseñar, observar, crear, manipular...e sobre todo
APRENDER XOGANDO.
Doado,
non si?
Pois
ben, este primeiro mes dedicárono ao outono facendo unha morea de actividades
con elementos naturais.
Comezando
por minimundos con animais e elementos naturais que recolleron da contorna,
pasando por creacións propias con arxila, simetrías e trazos, experimentación sensorial,
xogos de luces con siluetas de follas e cores, retroproxección de elementos
típicos da estación...ata un bingo do outono e clasificacións de froitos secos.
En
definitiva, tempo para poder gozar coñecendo cousas novas desta época do ano.
Velaquí unha mostra do noso traballo nos espazos.
E
isto só é o principio...queda moito por diante!
Seguiremos
mostrando o noso traballo.
Xornada festiva no CPI Plurilingüe Virxe da Cela para celebrar o Samaín. Na xornada non faltaron os disfraces para ambientar a celebración. En horario de tarde todo o alumnado e profesorado do centro reuniuse no patio cuberto para desgustar unhas riquísimas castañas asadas e entregar os diplomas do concurso de "Decoración de portas Samaín".
Podedes ver un resumo no seguinte vídeo
.JPG)
O ambiente da Biblioteca Castelao é realmente e fantasmagórico durante esta semana adicada ao Samaín. Cada ano o equipo da biblioteca exprime ideas para crear estes ambientes arrepiantes, sempre creando escenografías de grande inxenio, creatividade e calidade. E si queredes afondar no mundo dos defuntos, dos mostros, das critauras terroríficas, tedes á vosa disposición varios recunchos que amosan bibliografía asociada a esta temática.
Convocatoria Concurso Letras Galegas 2023 by veracruces on Scribd
Con motivo da festividade de San Alberte Magno, patrón das Facultades de Bioloxía, Ciencias, Física, Matemáticas e Química da Universidade de Santiago de Compostela, convócase a IX edición do concurso “A Ciencia en Imaxe”, este ano ábrese a partición aos Centros de Ensino Medio de Galicia.
Cartel Ciencia Imaxe 1 by veracruces on Scribd
Bases Concurso Ciencia en Imaxe 2022 .Pdf_asinado by veracruces on Scribd
A Coordinadora de Traballadores/as de Normalización da Lingua (CTNL) acaba de presentar os IV Premios Mil Primaveras co fin de recoñecer e divulgar accións, programas, campañas ou proxectos que promovan o uso e prestixio da lingua galega. A data límite para inscribirse é o 31 de xaneiro de 2023.
Bases Dos IV Premios Mil Primaveras 2022 by veracruces on Scribd
Programa VII XOG by veracruces on Scribd
O compositor e cantante Xoán Curiel musicalizou varias cantigas medievais compostas por trobadores galegos vencellados dalgún xeito a autores dos lugares polos que transcorre o Camiño de Santiago. Xunto coa cantante e filóloga Iris Gey, realizou unha revisión e unha abordaxe contemporánea das cantigas medievais galegas para crear este novo traballo discográfico: Treides Comigo.
Treidescomigo Ud (1) by veracruces on Scribd
Iniciamos un novo curso escolar 2022-2023 continuando o noso proxecto colaborativo coa entidade Euroeume, unha asociación de desenvolvemento rural da Comarca do Eume coa que xa traballamos o pasado curso académico. Entre outras moitas actividades planificadas para este curso, o xoves 29 de setembro de 2022 o alumnado de 5º e 6º de EP recibiron a charla "Enraizadas" impartida por Andrea Rico. A partir desta charla informativa e orientativa, os rapaces e rapazas terán que realizar entrevistas a mulleres significativas da súa contorna ou da súa familia, que servan de exemplos da importancia na súa educación, cultura e valores.
Informacion-Deseña o Teu Comercio by veracruces on Scribd
