Ambientes de aprendizaxe na Ed. Infantil: mes de marzo

AMBIENTES MARZO

No ambiente simbólico-construtivo, ao longo deste mes, experimentamos co PlayforMake co cal fixemos buratos en cartón e madeira, estimulamos a nosa imaxinación e a motricidade fina creando formas xeométricas e diferentes figuras coas pezas de construción, promovemos o xogo simbólico co minimundos de dinosaurios e, montamos a Peluquería Monfero onde levamos a cabo actividades de vida práctica. Sen dúbida, pasámolo xenial!

No ambiente de luces e sombras ao longo de este mes, empregamos pezas translúcidas para experimentar con diferentes texturas a través do tacto, concretamente dos pés, tamén traballamos co retroproxector onde dispuxemos de figuras xeométricas coas que traballar as formas, as cores e as construcións, na mesa de luz xogamos a buscar e compoñer os nomes dos nosos compañeiros/as con culleres de xeado, e por último contamos con unha proposta artística no espazo da luz negra onde realizar obras de arte con cable fluorescente e deixar voar a nosa imaxinación.

No ambiente artístico e sensorial, realizamos creacións libres con libros, tapóns e paus. Por outra banda, desenvolvemos a creatividade e motricidade fina realizando composicións libres con retais e barro empregando ferramentas como paletas, rodillos… Por último, na mesa de luz fixemos caras con tornillos e chaves. Pasárono xenial!!

Por último, no ambiente de lecto, mates e ciencia contamos co xeoplano na pizarra dixital interactiva. Ademais, empregamos o recuncho da biblioteca para simular que éramos mestres e mestras, dispoñendo de material de diversa índole como, por exemplo: dados, grafismos creativos, libros, a ruleta co abecedario, material de refugallo…co fin de desenvolver diferentes actividades formuladas polo neno/a que semellaba ser o/a docente. Por outra banda, contamos coas letras de lixa onde, coa axuda de pezas soltas, realizamos o seu percorrido. E por último, en relación á lóxica matemática, realizamos simetrías que, posteriormente, picamos.

Ata o vindeiro mes, familias!

Falamos +: concerto Cé Orquestra Pantasma.

 Como festa final do programa Falamos + contamos coa actuación de Cé Orquestra Pantasma. Unha xornada de diversión compartida chea de música e participación na mesma.

Imaxe autoeditada da actuación de Cé Orquestra Pantasma.

O desenvolvemento de esta e do resto de actuacións do programa están recollidas no blog da iniciativa, fío condutor das propostas.

Todo un privilexio ser parte desta iniciativa!!!

Programa Falamos +: aprendizaxe compartida de forma lúdica

 Somos dez centros educativos os que participamos nesta iniciativa e os que crean as propostas para achegarnos  ao patrimonio cultural galego tradicional e especialmente a aquel máis moderno e descoñecido para a maior parte do alumnado no tempo de lecer.

A organización destas actividades durante a quincena do seu desenvolvemento queda organizada así;

Táboa organizativa das actividades deseñadas.

O desenvolvemento das mesmas estan recollidas no blog da iniciativa, fío condutor das propostas.

Imaxe autoeditada das actividades no centro.

Toda unha oportunidade para crear, aprender e dinamizar o noso patrimonío cultural!!!

‘GALICIA SABE AMAR’ NO CPI VIRXE DA CELA

Hoxe queremos compartir  unha experiencia deliciosa e educativa que tivo lugar no noso colexio: a chegada da campaña ‘GALICIA SABE AMAR’. Esta iniciativa, impulsada pola Consellería do Mar, brindounos a oportunidade de coñecer e gozar da riqueza dos produtos do mar galegos, todo mentres aprendiamos sobre a importancia da sustentabilidade e a alimentación saudable.

Desde primeiras horas da mañá os alumnos de infantil, primaria e ESO organizáronse en grupos para visitar a foodtruck que se instalou no patio do colexio. E que gran sorpresa nos esperaba! Ao chegar, recibíronnos cunha variedade de petiscos que fixeron as delicias de todos e todas.  Entre os sabores que puidemos degustar, destacaron a tosta de mexillón con paté de faba de Lourenza e a croqueta de choco. Cada bocado era unha explosión de sabor que nos facía apreciar aínda máis a riqueza dos nosos mares e da nosa terra.

A campaña ‘GALICIA SABE AMAR’ ademais axudounos a reflexionar sobre a importancia de levar unha alimentación saudable e a valorar as propiedades gastronómicas dos alimentos do mar. A xestión sostible dos recursos mariños e a seguridade alimentaria foron temas que se abordaron durante a xornada, lembrándonos que cada elección que facemos na nosa alimentación ten un impacto no medio ambiente.

Esperamos con ansia futuras actividades que nos sigan achegando á riqueza da nosa terra e do noso mar!

Coñecer e degustar: profesionais comprometidos co seu traballo e coa calidade dos nosos alimentos. 

Programa Alimentes: VISITA GADIS 2º CICLO

 Os días 11 e 20 de marzo, o alumnado do 2º ciclo  de Educación Primaria desprazouse a Pontedeume para visitar un supermercado Gadis. Esta actividade está enmarcada dentro da proposta ALIMENTES coa que Gadis queren fomentar a alimentación saudable, o consumo responsable e a actividade física dende a infancia e da que o centro participa. 

Toda unha iniciativa para coñecer e comprender as etiquetas dos produtos e a cádea alimentaria,

Imaxe autoeditada da visita.

Traballamos pola igualdade: SAÍDA CULTURAL A BETANZOS

 A rapazada de 2º, 3º e 4º de ESO gozou dunha xornada cultural na vila brigantina. Para comezar a mañá, asistiron á representación “A Nai”, da compañía Amorodio Teatro, un espectáculo teatral multidisciplinar que emprega ferramentas do teatro documento e da autoficción, sen perder nunca o sentido do humor. O espectáculo explora, a través das figuras das irmás Lola, Julia e Amparo Touza, e as súas fazañas como salvadoras dunha cantidade estimada de 500 persoas durante o Holocausto, a posibilidade de sermos mellores persoas en tempos de degradación moral. 

Ao remate da función tiveron ocasión de realizar un roteiro guiado grazas a Elena, responsable da oficina de Turismo de Betanzos, que lles ensinou algúns dos lugares máis representativos da vila e da súa historia.

Fantástica xornada a de hoxe!!!

UNIDADES DIDÁCTICAS SOBRE AS HOMENAXEADAS NAS LETRAS GALEGAS 2025

O Día das Letras Galegas 2025 está dedicado á poesía popular oral, personificado en Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica).  Por este motivo, desde a Dirección Xeral de Promoción da Igualdade, ofrecémosvos como ferramenta de traballo  as unidades didácticas de As cantareiras e  de Dorothé Schubarth, coa finalidade última de axudar na posta en valor destas mulleres  que son referentes na preservación e transmisión da cultura galega. Estas unidades didácticas forman parte da serie "Aprende coas mulleres galegas" que está ao voso dipor neste enlace https://igualdade.xunta.gal/gl/campanas/aprende-coas-mulleres-galegas

 

Cantareiras Aprende Coas Mulleres Galegas by veracruces

Dorothe Schubarth Aprendecoasmulleresgalegas 34 by veracruces

PRIMAVERA DAS LETRAS 2025

Xa está dispoñible na páxina web de Primavera das Letras o texto teatral As Ferreñas (en vivo e en directo), a achega de Paula Carballeira á última edición do proxecto da Real Academia Galega para o público máis novo co gallo do Día das Letras Galegas que lles dedica ás cantareiras e á poesía popular oral. A obra da escritora pode descargarse nunha edición ilustrada por Nuria Díaz. Na mesma páxina están tamén dispoñibles as primeiras actividades interactivas, fichas para colorear e os deseños das chapas e marcapáxinas das cantareiras que creou a ilustradora. Nas vindeiras semanas iranse estreando novos contidos.

Grazas, Candela!

Co gallo do 8 M tivemos unha convidada moi especial na clase de 1º de Educación Primaria. Veu visitarnos Candela Pérez que en decembro quedou subcampiona de Europa de surf na categoría SUB-10.

Explicounos moitas cousas sobre este deporte que a apaixoa, trouxo a súa táboa, vimos vídeos de como se collías as ondas e comentounos sobre as correntes, os distintos campionatos sos que irá proximamente e sobre o seu club.

Moita sorte esta finde! Foi un auténtico pracer terte con nós! 

Graciñas!

SEMANA DA PRENSA E DÍA INTERNACIONAL DA MULLER

 

Para conmemorar a Semana da Prensa e o Día Internacional da Muller o alumnado fixo unha actividade conxunta.

A proposta dividiuse en dúas partes:

- Do 3 ó 26 de febreiro o alumnado das tres etapas educativas crearon unha nova relacionada coas mulleres e a igualdade. Unhas eran verdadeiras e outras falsas.

- Na semana do 10 de marzo, cada día, o profesorado encargado lía as novas correspondentes. Durante a lectura o alumnado tiña que votar se crían que era verdade ou mentira o que se dicía.

No seguinte enlace poden ver as novas feitas polos nenos e nenas. 

NOVAS MONFERO

Obradoiro con Laboratorio de radio (Radio na Biblio)

Radio na biblio é un programa impulsado por Bibliotecas Escolares que incide na alfabetización mediática e computacional do alumnado con propostas que promovan o coñecemento e un uso responsable da información en múltiples formatos.

Nesta ocasión contamos cun obradoiro de formación para o alumnado de 1º de ESO e 5º de EP a cargo de Sergio, un dos responsables da empresa Laboratorio de radio, que xa coñece este centro por proxectos anteriores co noso alumnado.

Sergio lembrounos a importancia de saber escoitar na radio (e na vida) e, sobre todo, da escoita activa para acadar unha mellor comunicación. Durante a sesión realizamos varias dinámicas que deron como resultado dous relatos curtos realizados coa técnica creativa do “cadáver exquisito” que gravamos na radio.

Aprendemos e divertímonos!