martes, 30 de junio de 2015

O PROXECTO DRAGAL NO CURSO 2014-2015

Xulia Marqués Valea vén de publicar unha memoria do desenvolvemento do Proxecto Dragal no presente curso académico 2014-2015. O CPI Virxe da Cela participou por vez primeira neste proxecto, que xa leva dous anos de andaina. Nas palabras da autora deste texto publicado na Revista Galega do Ensino Eduga nº 68: 

 O Proxecto Dragal é un proxecto de dinamización multimedia e multidisciplinar que anima o alumnado a ler, a crear e a investigar en galego e que ten a súa base na triloxía homónima da escritora Elena Gallego Abad. Este curso, Dragal chegou a 659 alumnos e alumnas de 1.º e 2.º curso da ESO de once centros das catro provincias galegas. Nel estiveron directamente implicados máis de 55 docentes coordinados polos EDLG dos centros educativos e pola Secretaría Xeral de Política Lingüística da Consellería de Cultura, Educación e Ordenación Universitaria a través da súa coordinación central técnica. O Proxecto Dragal contou cun wiki de acceso restrinxido aos dragaliños, ou alumnos e alumnas participantes no proxecto, e mais aos seus profesores. Alí puideron atopar xogos en liña relacionados coa temática da triloxía, propostas de traballo e materiais para abordalas. Ademais, o wiki do proxecto, onde os rapaces e rapazas realizaron e compartiron traballos, renovouse con novas funcionalidades.

Se queres ler o resto do texto preme no seguinte enlace:

http://www.edu.xunta.es/eduga/846/experiencias/o-proxecto-dragal-no-curso-2014-15

 http://www.edu.xunta.es/eduga/print/846/experiencias/o-proxecto-dragal-no-curso-2014-15

No hay comentarios:

Publicar un comentario