Aproveitando o acto de clausura do curso académico 2011-2012, o alumnado e profesorado do centro reuniuse na aula de UUMM o venres 22 de xuño. A biblioteca escolar, Monferosolidario e o Equipo de Dinamización da Lingua Galega quixemos agradecer a todos e todas por colaborar activamente nas nosas propostas e poder así dinamizar ao noso centro.
-O EDLG entregou diplomas ao alumnado e á titora de 3º de primaria pola súa participación no certame "Nós tamén creamos", e tamén quixemos obsequiar a todos eles cun dvd da curtametraxe "A tartaruga que non podía durmir", obra que presentaron ao certame.
-Tamén entregamos un diploma de agradecemento a Antonio González López, alumno de 3º da ESO, que por segundo ano consecutivo está a realizar tarefas de xornalista para Xesteira, o blogue-xornal do EDLG.
-En colaboración coa biblioteca escolar entregamos diplomas a todos/as os/as participantes no concurso O Preguntón, así como premios para os finalistas e os gañadores deste concurso.
No hay comentarios:
Publicar un comentario