23 DE ABRIL: DÍA DO LIBRO

       O 23 de abril de 1616 foi data do falecemento de dúas grandes figuras da literatura mundial: o español Miguel de Cervantes e o británico William Shakespeare. Esta data foi elixidas para celebrar o Día Internacional do Libro, unha conmemoración internacional promovida pola UNESCO desde o ano 1995. Tamén se supón o 23 de abril como o día da morte de San Xurxo (no ano 303), un santo que foi moi venerado na idade media como un símbolo do triunfo do ben sobre o mal. Existen moitas lendas que asocian a San Xurxo montado sobre un cabalo branco e dando morte a un dragón. 

       O CPI Virxe da Cela quixo sumarse a esta conmemoración levando a cabo un acto simbólico o pasado xoves 23 de abril de 2015, convocando a todo o alumnado e profesorado do centro para facer a entrega de premios de diplomas do “Concurso de dragóns” (organizado polo departamento de plástica en relación ao proxecto Dragal, do Equipo de Dinamización da Lingua Galega) e uns fermosos marcapáxinas cun lema que potencia a lectura e unha representación de San Xurxo.

Crónica 23 de abril from satelite1

Diplo diplomasdragones from satelite1

CONCURSO DE RELATO ORAL "TÍRALLE DA LINGUA"

Lembrámosvos que o día 22 de abril, remata o prazo para inscribir ao voso centro no concurso de relato oral "Tíralle da lingua". Aínda estades a tempo de animar ao alumnado a participar neste concurso que pretende fomentar o uso oral do galego entre a xente moza. Para inscribirse, só é necesario mandar un e-mail a informacion@as-pg.com.

Af cartaz concurso from satelite1

Bases from satelite1

CERTAME DE POESÍA VICTORIANO TAIBO

Bases viii premio ok from satelite1

LENDAS DA PONTE DO PORCO

En pleno século XXI, época na que os humanos pasamos grande parte das nosas vidas relacionándonos e  interactuando con máquinas e dispositivos en lugar de facelo cos nosos iguais, César Cambeiro ensinou unha valiosísima lección ao alumnado de 1º e 2º da ESO do CPI Virxe da Cela: a importancia de saber falar, comunicarse e dominar a arte das palabras.

Partindo da historia que se narra no libro Dragal I: a herdanza do dragón, escrito por Elena Gallego Abad e que constitúe o fío condutor do Proxecto Dragal (coordinado polo Equipo de Dinamización Lingüística e no que participan diferentes departamentos), César Cambeiro mergullouse no fantástico mundo das lendas, da mitoloxía, dos seres fantásticos, das crenzas e supersticións, etc… Toda unha enciclopedia de saber, o noso patrimonio inmaterial, unha importante fonte de riqueza que debemos de valorar, respectar e axudar a transmitir para que siga viva nas vindeiras xeracións.

Un prato cociñado con moita retranca e humor galego e condimentado tamén con esencia poética, que puidemos saborear durante as dous sesións de tarde do xoves 16 de abril de 2015 nunha intensa actuación na que César Cambeiro puxo toda a carne no asador, e de que maneira…!  A intensidade da actuación subía e baixaba como unha montaña rusa, e mesmo o público retorcíase a gargalladas para pasar, ipso facto, a un estado de sutil encantamento  ollando sen palpebrar e escoitando con máxima atención os versos de amor de Roxín Roxal á súa amada Tereixa, protagonistas dunha fermosa lenda ambientada na Ponte do Porco, lugar onde o noso coñecido río Lambre únese á inmensidade da mar.  

Crónica lendas da ponte do porco from satelite1

MATERIAIS DIDÁCTICOS FILGUEIRA VALVERDE

Actividades 1º ciclo primaria filgueira valverde from satelite1

Actividades 2º ciclo primaria filgueira valverde from satelite1

Actividades 3º ciclo primaria filgueira valverde from satelite1

LETRAS GALEGAS 2015: FILGUEIRA VALVERDE

Cartel filgueira valverde from satelite1

Cuestionario filgueira valverde from satelite1

Díptico from satelite1

Marcapáxinas from satelite1

GALICIENCIA 2015

Dende o 1 de abril, e ata o 30 de xuño está aberto o prazo para a recepciónde propostas do deseño do que será a mascota oficial de Galiciencia 2015.Animádevos a participar, está aberto a todos os públicos, e o premio é unha cámara deportiva de vídeo e foto! Podedes ver as bases de participación napáxina web da Galiciencia www.galiciencia.com. Aquí podedes ver todas as actividades que terán lugar antes e durante a Galiciencia. Se clicades na imaxe inferior poderedes acceder directamente ás bases da convocatoria.