![](https://blogger.googleusercontent.com/img/b/R29vZ2xl/AVvXsEg5uSBcP7AeMh6JWEjWgxN5iGoIzeN_euhlrIwyBTx9vrP3ObeRFAu6l26N3bh1wT-OQcRRuDwkWehjUAXMSFD2jDW5YK7vZvbdClMlYfAxETpuVhnuf4CORuQzEgq0GWbSFdIsUWlWvgC5/s400/as+%25C3%25A1rbores+da+paz006.jpg)
O pasado Venres 15 de Abril de 2011 o alumnado e o profesorado da ESO aprenderon das técnicas de creación e narración de contos a través dun divertido obradoiro impartido por Anxo Moure. Misturando a dramatización, o recitado, a improvisación e deixando voar a imaxinación conseguimos inventar e transmitir historias agrupadas cun mesmo denominador común: a Paz e a Solidariedade. A través das técnicas de narración oral podemos contribuír á transmisión de valores como a igualdade, o respecto, a amizade, o amor, etc. Este obradoiro estivo enmarcado na xornada da SAME (Semana de Acción Mundial pola Educación) celebrada no noso centro, acompañando a outras actividades como a celebración dun rastro solidario e a presentación da campaña da SAME polos técnicos de Entreculturas e de Educación sen Fronteiras en Galicia.