Catro docentes do CPI Virxe da Cela visitaron o CPI Ardán, en Marín, o mércores 31 maio 2023. Esta visita forma parte das segunda fase intercentros "Acolle" do Programa Observa-Acción da Xunta de Galicia. Foi unha xornada moi enriquecedora na que se produciu un intercambio de ideas e de impresións que axudarán a mellorar as prácticas docentes en ambos centros educativos. Contamos tamén coa presencia dos Asesores dos CFR de Ferrol e Pontevedra.
UNHA OLLADA PARA O ARDÁN by veracruces on Scribd
Compartimos con toda a comunidade educativa este agasallo que será entregado ás profesoras do CEIP Ardán (Marín) que visitarán o noso centro na xornada de "Acollida" que terá lugar o luns 29 de maio de 2023. Este maletín, elaborado minuciosamente e con moito cariño polo profesorado do CPI Virxe da Cela contén un mundo en miniatura do que é o noso centro e ten a apariencia de maletín de xogo, con diferentes elementos: bloques de edificio, pista de xogos, planos, fichas, avatares dos profesores/ras participantes no programa Observa-Acción, e outros moitos pequenos detalles a descubrir polos nosos invitados, que lle axudarán como material de apoio ou complementario á súa visita. Por iso, un dos elementos claves contidos neste maletín é un pequeno caderno ilustrado en cor co título "Descubrindo o CPI Virxe da Cela", que contén información detallada e actualizada sobre as instalacións do centro, as liñas de traballo e os proxectos que se levan a cabo. Existe tamén unha versión dixital do caderno, elaborada a través de Genial.ly, na que se pode consultar incluso información adicional a través de hipervínculos. Esperemos que vos guste!!
Impresións Cpi Virxe Da Cela by veracruces on Scribd
O pasado sábado 23 de maio estivemos na Federació de Moviments de Renovació Pedagògica de Catalunya falando sobre los #institutescola e compartindo experiencias e inquietudes . Nela, presentamos o modelo organizativo dos CPI galegos e os proxectos e programas que contribúen á mellora da calidade educativa en contextos rurais. Un dos exemplos é o Programa Obseva-Acción que favorece a calidade da actuación docente.
Ademais, vimos o importante que é coordinar iniciativas a través da participación cidadá. Grazas Eduard Trepat. Educació. Generalitat de Catalunya. Cultura Diputació de Barcelona ARCA Desenvolupament Rural e a FMRPC por esta incrible experiencia de aprendizaxe.
