BLOGUE DO LABORATORIO RADIFÓNICO

Son varias as sesións que o alumnado de 5º e 6º de primaria e os de 4º da ESO están a realizar dentro do proxecto "Laboratorio Radiofónico". Nesta entrada facilitamos o acceso ao blogue Radio Itinerante Creativa, onde están pendurados os podcast cos traballos efectuados no CPI Virxe da Cela. Se premedes a seguinte imaxe atoparedes o enlace directo

http://radioitinerantecreativa.blogspot.com.es/p/radio-cpi-virxe-da-cela.html

LABORATORIO RADIOFÓNICO

Durante os meses de febreiro e marzo de 2014, o alumnado de 3º ciclo de primaria e de 4º da ESO realizarán un obradoiro de radio, para descubrir todas as posibilidades deste importante medio de comunicación e para potenciar a oralidade. Durante estes dous meses, e cunha duración de 50 minutos, estableceranse una secuenciación de actividades para alcanzar os obxectivos deste proxecto. 

O venres 7 de febreiro deu inicio esta iniciativa, cunha sesión adicada a presentacións e unha pequena práctica centrada na elaboración dunha entrevista creativa a partires de frases célebres de grandes personaxes da historia. Foi toda unha experiencia, sentíndonos auténticos profesionais entre micrófonos, cableado, ordenadores, etc. Será cuestión de irnos familiarizando co medio e irnos sentindo máis preto da nosa propia voz, que en cuestión de semanas estará xa no aire, enchendo os nosos fogares.

OBRADOIRO DE CONTAR CONTOS

Atrapacontos

O pasado Venres 15 de Abril de 2011 o alumnado e o profesorado da ESO aprenderon das técnicas de creación e narración de contos a través dun divertido obradoiro impartido por Anxo Moure. Misturando a dramatización, o recitado, a improvisación e deixando voar a imaxinación conseguimos inventar e transmitir historias agrupadas cun mesmo denominador común: a Paz e a Solidariedade. A través das técnicas de narración oral podemos contribuír á transmisión de valores como a igualdade, o respecto, a amizade, o amor, etc. Este obradoiro estivo enmarcado na xornada da SAME (Semana de Acción Mundial pola Educación) celebrada no noso centro, acompañando a outras actividades como a celebración dun rastro solidario e a presentación da campaña da SAME polos técnicos de Entreculturas e de Educación sen Fronteiras en Galicia.

VERBAS DESDE O CORAZÓN

"Verbas desde o corazón" é unha iniciativa dun grupo de alumnas de 3º da E.S.O. do C.P.I. Virxe da Cela para celebrar o día de San Valentín. O E.D.L.G., en estreita colaboración co proxecto Monferosolidario, quixemos dar outra dimensión a esta data, ampliando as fronteiras para construír un concepto máis universal do amor. Co lema "Regala amor... e recibirás moito a cambio" trataremos de transmitir a toda a nosa comunidade educativa a importancia do amor máis puro, desinteresado, altruísta... dirixido non soamente ás nosas parellas, senón aos amigos e amigas, compañeiros e compañeiras, familias, prantas, animais e outros seres vivos que conviven no noso planeta.

Esta iniciativa está formada por diferentes actividades: concurso de declaración de amor, venta de flores, corazóns e outros pequenos obxectos elaborados polo propio alumnado, visita ás aulas promocionando o lema "Regala amor... e recibiriás moito a cambio" a través do reparto de pegatinas e carteis que ilustren o mesmo, etc.

BASES PARA O CONCURSO DE DECLARACIÓNS DE AMOR "VERBAS DESDE O CORAZÓN"

1.- Poderá participar o alumnado da E.S.O. en dous grandes modalidades, a escrita e a oral. Poden ser propostas individuais o en grupo. Un xurado premiará as mellores propostas, tendo en conta a creatividade, a calidade estética e artística, e a riqueza da mensaxe.
2.- Modalidade escrita: co obxectivo de fomentar o uso das novas tecnoloxías, os traballos presentaranse a modo de "comentarios" nesta propia entrada do blog Xesteira. Poderán ser declaracións, poemas, disertacións, reflexións, pequenas narracións, etc... que versen sobre un amplo concepto do "amor"
3.- Modalidade oral: co obxectivo de fomentar o uso das novas tecnoloxías, os traballos presentaranse en formato audiovisual. Os participantes inscritos nesta modalidade marcarán un día co E.D.L.G. para efectuar as gravacións en video, que consistirán en expoñer a mensaxe amorosa oralmente diante dunha cámara. Admitiranse poemas, reflexións, monólogos, dramatizacións, e outras formas de manifestacións orais.