Afundación Obra Social ABANCA quere compartir con toda a comunidade educativa unha actividade interactiva das Letras Galegas 2024 dedicada a Luísa Villalta. Se premedes na imaxe poderedes acceder a catro categorías diferentes para que poidan participar os escolares de todas as idades e adultos.
Achégase o Día das Letras Galegas, adicado este ano a Luisa Villalta. Nos corredores do edificio de educación secundaria podedes visitar a exposición gañador do concurso Letras Galegas 2024, titulada "Viaxe polo metaverso con Luísa Villalta", e realizada polo centro de FP A Carballeira (Ourense). A proposta deste centro é innovadora, amosando a protagonista das Letras Galegas, Luísa Villalta, coma un avatar que convida a percorrer a súa traxectoria persoal e profesional a través do metaverso, unha realidade virtual na que se dispoñen imaxes, recursos e actividades educativas.
Por outra banda podedes visitar outro panel expositivo situado no patio cuberto, no que Luisa Villalta está retratada como poeta e como música, acompañada polo seu violín, e rodeada de versos poéticos e figuras musicais.
A Secretaría Xeral de Política Lingüística convoca un concurso para elaborar unha exposición sobre a obra, época e lingua de Luísa Villalta, a autora homenaxeada en 2024 no Día das Letras Galegas, e/ou sobre a situación sociolingüística da etapa histórica en que esta viviu. Poderán participar os centros docentes de ensino público non universitario dependentes da Consellería de Cultura, Educación, Formación Profesional e Universidades. Concederanse dous premios, un para cada unha das dúas categorías de participación.
Categoría A: educación infantil e primaria
Categoría B: educación secundaria obrigatoria, bacharelato, formación profesional e ensinanzas de réxime especial
Convocatoria Concurso Exposicion Letras Galegas 2024 by veracruces on Scribd
