RTVENXEBRE. RADIO XESTEIRA, A RADIO DO CPI VIRXE DA CELA

RTVEnxebre é un proxecto de Ayuda en Acción co apoio da Xunta de Galicia. Desenvolve: AGARESO, Asociación Galega de Comunicación para o Cambio Social.

Fomentar a participación infantil, favorecer a inclusión e o desenvolvemento socio educativo da infancia rural e a posta en valor da cultura rural galega son os obxectivos que a Fundación Ayuda en Acción marcouse xa no ano 2018 para dar inicio a este proxecto, a través da creación de tres radios rurales escolares nas localidades coruñesas de Mazaricos, Zas e Monfero. 

Contamos co apoio de profesionais que visitan o noso centro quincenalmente para ofrecer formación ao alumnado de educación primaria, e así permitir alzar a voz e participar activamente aos escolares, falando dos temas que lles preocupan. Neste curso 2023-2024 realizáronse variados podcast que queremos compartir coa comunidade educativa.

Preme a imaxe ou ligazón para acceder a Radio Xesteira en Ivoox

https://www.ivoox.com/podcast-radio-xesteira-a-radio-do-cpi-virxe-da_sq_f11267344_1.html

O mar: Programa completo realizado polo alumnado de 3ºEP. Programa con todos os contidos realizados durante o curso polos nenos e nenas de 3º de primaria na súa investigación sobre o mar.

O abandono animal: Programa completo realizado polo alumando de 4ºEP con todos os contidos realizados durante o curso polos nenos e nenas de 4º de primaria na súa investigación sobre o abandono animal.

A muller no rural: Programa completo do alumando de 5ºEP, con todos os contidos realizados durante o curso polos nenos e nenas de 5º de primaria na súa investigación sobre a Muller no rural.

Os deportes: Programa completo do alumnado de 6ºEP con todos os contidos que realizaron durante o curso os mozos e mozas de 6º de primaria no seu proceso de investigación sobre os deportes.

Entrevista a Mikel Pasabant, campión de vela, polo alumnado de 6º. O alumnado de 6º centrou a súa investigación nos deportes, e quen mellor para falar dun deles, que un campión! Mikel Pasabant que ademáis de ser profe de inglés no cole é tamén campión de vela! e moito máis, xa veredes!!

Entrevista a Dolores Porto, Granxas Lousada: Doleres, nai de Antón e propietaria da granxa Lousada en Irixoa responde a un montón de interesantes preguntas que lle fan os nenos e nenas de 5º de primaria.

Entrevista a Sandra Amezaga de Mulleres Salgadas. A que sabe o peixe? quen son e que fan as Mulleres Salgadas? que podemos facer os nenos e nenas para reducir a contaminación dos mares? Estas son só algunhas das cuestións que o alumnado de 3º de primaria decidiu preguntarlle a Sandra Amezada, secretaria da Asociación Mulleres Salgadas, que se pasou pola nosa radio nestes días. Grazas Sandra!!

O alumnado de 4ºEP entrevista a Marisé da protectora de animais de Irixoa. Cales son as principais causas do abandono animal? Que hai que facer cando atopas un animal abandonado? Marisé, da protectora de animais Francisco de Asis de Irixoa responde tódalas dúbidas plantexadas polo alumnado de 4º...e foron moitas!!!

Os deportes preferidos dos mozos e mozas de 6º. Queres coñecer cales son os deportes preferidos do alumnado de 6º ? e por que? Pois non perdas esta pequena peza onde nolo contan!

Pasapalabras sobre o mar con 3ºEP. Canto sabes sobre os animais mariños? Xoga co alumnado de 3º a un Pasapalabras radiofónico moi especial

Faladoiro sobre a muller no rural con 5ºEP. Os nenos e nenas de 5ºEP participan nestes interesantes faladoiros onde dan a súa opinión sobre a imaxe que se ten do rural dende as cidades, os traballos que realizan mulleres no rural ou se hai verdadeira igualdade entre os homes e as mulleres, entre outros temas. Moi recomendable escoitar o que teñen que dicir!

Como foi a visita da asociación 13 GRADOS? O alumnado de3 º EP cóntanos como foi a visita que tiveron no colexio da Asociación 13 GRADOS que se encarga entre outras cousas de gravar os fondos mariños de Galicia.

1º Conto sobre o abandono animal por 4º de EP. O alumnado de 4º EP, presenta o primeiro dos contos que realizaron sobre o abandono animal...pero estade pendentes porque hai máis!

2º conto sobre o abandono animal por 4ºEP. O alumnado de 4º EP, presenta o segundo dos contos que realizaron sobre o abandono animal.

3º Conto sobre o abandono animal cos nenos e nenas de 4º EP. Cun ton moi distinto aos dous contos anteriores, o terceiro grupo de 4º propón esta historia que ben podía estar sacada dunha lenda de Samaín...que medo!!

Faladoiro sobre o abandono animal con 4ºEP. Tes animais na casa? que farías se algún se perdera? que sinten os animais cando se abandonan? O alumnado de 4ºEP danos a súa opinión sobre a temática que traballaron durante todo o curso: o abandono animal.

O alumnado de 3º EP cóntanos o que aprendeu durante o proxecto. Queres saber o que aprenderon os nenos e nenas de terceiro? pois eles e elas mesmas no lo contan nesta peza!!

Recomendacións do alumnado de 3º EP. Os nenos e nenas de terceiro de primaria investigaron sobre o mar durante todo o curso. Despois de todo este traballo, atoparedes nestras tres pezas radiofónicas as súas principais recomendacións.

Aprendizaxes e recomendacións do alumnado de 4º EP. Tras todo un curso investigando sobre o abandono animal, aquí podedes escoitar as aprendizaxes e tamén as recomendacións que nos fan os nenos e nenas de cuarto de primaria.

Aprendizaxes e recomendacións do alumnado de 5º EP. Os nenos e nenas de quinto de primaria cóntannos nestas tres cuñas as súas reivincicacións e aprendizaxes sobre "A Muller no rural", a temática que escolleron e traballaron durante todo o curso.

Aprendizaxes e recomendacións do alumnado de 6º EP. Despois de todo un curso investigando sobre os deportes aquí están as principais aprendizaxes e as recomendacións que nos fai o alumnado de 6º de primaria. Escoitade que hai cousas ben interesantes!

A experiencia en RadioTVEnxebre-Radio Xesteira do alumnado de 3ºEP. Os nenos e nenas de 3º de primaria fan un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 4ºEP. Neste pequeno programa o alumnado de 4º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 5ºEP. O alumnado de 5º de primaria fai un balance da súa experiencia radiofónica e de participación infantil en RTVEnxebre-Radio Xesteira este ano.

A experiencia en RadioTVEnxebre-Radio Xesteira do alumnado de 6ºEP. Neste pequeno programa o alumnado de 6º de primaria fai un pequeno resumo da súa experiencia radiofónica e de participación infantil en RTVEnxebre-Radio Xesteira este ano.

RADIO XESTEIRA NOVOS EPISODIOS

Desde o EDLG queremos compartir con toda a comunidade educativa algún dos produtos radiofónicos realizados durante este curso grazas ao Laboratorio Radiofónico. 

 

Programa especial NON AOS EÓLICOS por 3º de Primaria. Sabedes que significa a palabra eólico? Esa palabra refírese a Aeolos. Eolo na mitoloxía greco–romana era o deus dos ventos. Ahhh! Entón xa sabemos que eólico está relacionado co vento. Hoxe imos falar en Radio Xesteira de todo aquilo que necesita a forza do vento para funcionar, como os barcos de vela, os cataventos, anemómetros... Porén, ímonos centrar nos muíños de vento, que aportan enerxía eólica. A enerxía eólica xérase coa forza do vento que é capaz de mover as aspas dos aereoxeneradores. Esa electricidade viaxa rapidísimo por uns camiños que chamamos redes eléctricas e chega a millóns de fogares. E agora ben, como imos afondar neste tema en canto a como se fai, que beneficio aporta, que prexuízos ou inconvenientes; queremos darlle a benvida a Vanesa Castro da Plataforma Veciñal Monfero Di Non aos Macroeólicos, que nos vai axudar a resolver estas dúbidas. 

   

  Programa Especial Pais, Nais, Avós...XOGADE MÁIS CON NÓS! por 4º de Primaria. Os nosos pais xogan o suficiente con nós? O alumnado do colexio CPI Virxe da Cela... Imos investigar este tema que realmente nos preocupa... TODOS – A nosa investigación, hoxe, en Radio Xesteira! Para falar deste tema, hoxe en Radio Xesteira, Laura Couce. Participa na nosa enquisa dando a túa opinión a esta pregunta: Cres que os pais/nais xogan cos seus fillos?

   

  Programa especial As clases frías por 6º de Primaria con Florin. Sabedes a quen vin?vA quen? A Florin. E quen e Florin? O NOSO ANTIGO CONSERXE! Que vos parece se lle facemos algunhas preguntas? SIII!! A ver que nos conta. Benvido a Radio Xesteira, Florin.

   

  Programa especial Clases Frías con Marcos por 6º de Primaria. Eu vou xunto o radiador, que teño moito frío. Eh! Non marches, que imos entrevistar a Marcos. Si! Marcos é fontaneiro e chamámolo desde Radio Xesteira para que despexe as nosas dúbidas sobre o sistema de calefacción que hai implantado no noso colexio. 

 

As historias de paxaros. O alumnado de 2º de Primaria sacou moito partido imaxinativo a tódolos paxaros que aprendeu ao longo do curso. Para mostra, unhas cantas historias na que as aves son protagonistas. Escoitade, escoitade.

RADIO XESTEIRA

Radio Xesteira é o novo canle de difusión de produtos rafiofónicos de RTV Enxebre (un proxecto de Ayuda en Acción, co apoio de Fundación La Caixa e Fundación Repsol), desenvolvido por Laboratorio de Radio no CPIP Virxe da Cela.Podedes visitar os diferentes podcast en ivoox:

https://www.ivoox.com/podcast-radio-xesteira-a-radio-do-cpi-virxe-da_sq_f11267344_1.html 

A continuación difundimos os últimos traballos realizados polo alumnado de EP:  

Todo sobre as vacas. O alumnado de 2º de Primaria tráenos un programa sobre un ser que habita con gran parte do lugar: as vacas. Como son? Que comen? Que tipos hai? Todas estas preguntas e algunha máis respondida polo alumnado e tamén polo director de Boaga (Federación de Razas Autóctonas de Galicia, José Ramón Justo).

 

 

O xogo das aves das Fragas do Eume. O alumnado de 1º de Primaria do CPI Virxe da Cela creou este xogo para coñecer aos paxaros que se poden ver nun dos espazos máis fermosos da zona: as Fragas do Eume. Xoga con eles e adiviña, a través dos seus sons, as aves que soan.

 

O podcast do Camiño_Episodio 0. O alumnado de 4º de Primaria do CPI Virxe da Cela e a súa titora, Carmen Espiñeira, teñen un obxectivo: facer do Camiño Santiago un xogo da oca. Preguntas, recomendacións, lendas...e moito máis nesta aventura que presentamos. O vindeiro curso chegarán os seguintes episodios/etapas deste Camiño tan especial.

  

Os dereitos da cidadanía. Tódalas persoas teñen os mesmos dereitos? E, antes desa pregunta, cales son eses dereitos? O alumnado de 3º de Primaria do CPI Virxe da Cela reflexiona e enuncia todos os Obxectivos de Desenvolvemento Sostible.

 

 

Entrevista a Mario Cotelo, experto en arte e párroco. A radio do CPI Virxe da Cela conversou cun convidado moi especial.Experto en arte e cura de varias parroquias e responsable de patrimonio da Diócese de Santiago. El é Mario Cotelo. Escoita esta interesante entrevista do alumnado de 4º de Primaria.

RTV ENXEBRE: PROGRAMA RADIOFÓNICO SOBRE OS DEREITOS DOS NENOS/AS

    Este venres 21 de maio celebrarase na Casa de Cultura de Vimianzo o programa especial de RTV Enxebre, a rede de radio e televión que dá voz a infancia. Este proxecto de Ayuda en Acción reunira ao tres colexios participantes - CPI Plurilingüe Virxe da Cela (Monfero), CEIP Víctor Sáenz (Mazaricos) e CEIP Labarta Pose (Zas)- nunha experiencia que servira para poñer o ramo á formación en radio e televisión que recibiran dentro dunha iniciativa que procura dotar de máis e mellores ferramentas aos centros de ensino ubicados no rural. O programa, centrado nos dereitos dos nenos e nenas, contará coa partipación de Mónica Viqueira, vogal da POIG (Plataforma de organizacións de Infancia de Galicia), Beatriz Varela (Delegada de Ayuda en Acción en Galicia) e Alicia López, da Rede Galega de educación e desenvolvemento rural. RTV Enxebre conta co apoio de Fundación Repsol e Fundación La Caixa, desenvolvido por Laboratorio de Radio.

     En palabras de Camino Pereiro, directora do CPIP Virxe da Cela e participante no evento, "a experiencia estivo xenial, destacando os valores de cooperación e de solidariedade propios do medio rural. Ademais aprendemos que o importante é o respecto á dignidade das persoas e da infancia e que todos os nenos e nenas teñen dereito a ter identidade, educación e calidade de vida independentemente do seu lugar de nacemento. Ademais, do valor das ONG e de aquelas entidades que loitan pola responsabilide compartida na consecución destes dereitos. Neste senso, Mónica Viqueira, vogal da POIG (Plataforma de organizacións de Infancia de Galicia) e Beatriz Varela (Delegada de Ayuda en Acción en Galicia) amosaron o compromiso das entidades que representan para unha acción efectiva ante estas situacións. Por outra banda, Alicia López Pardo, en representación da Rede Galega de educación e desenvolvemento rural, fixo fincapé na necesidade de atender ás singularidades dos nenos e nenas do rural que precisan dunha igualdade de oportunidades efectiva para ser os e as futuras baluartes dun desenvolvemento endóxeno sustentable baseado na xustiza social que tanto precisa o rural galego. Tamén destacar a presenza na gravación da concelleira de cultura do concello de Vimianzo. Para o alumnado, a gravación deste programa, supuxo unha inxección de autoestima ao ver cómo son quen de participar ao mesmo nivel con nenos e nenas doutros colexios... foi de admirar o respecto que en todo momento mostraron polo traballo dos outros centros participantes. Todos eles deron un bo exemplo de responsabilidade e goce polo traballo ben feito. Grazas ás intervencións das diferentes convidadas o alumnado puido comprobar a importancia que ten cultivar e conservar a lingua galega e a cultura que se agocha nas pequenas aldeas espalladas por toda Galicia, porque esas costumes, esa cultura forman parte do máis íntimo do noso ser e confórmanos como pobo". Camino Pereiro

GRANXAS LOUSADA EN RTVENXEBRE

A RTVEnxebre, representada polo alumnado de 6º de Primaria, visita ás Granxas Lousada (Irixoa) para coñecer os seus productos ecolóxicos e o seu traballo a prol do rural. Xa sabedes... suscribídevos ao rural! Co apoio de Fundación La Caixa e Ayuda en Acción.

RTVENXEBRE EN MADRID

Para pechar tempada, RTVEnxebre puxo o ramo do mellor xeito: visitando Madrid para facer unha reportaxe co alumnado de 5º de Primaria como protagonista. En primeiro lugar a redacción de 5º visitou as instalacións da Fundación La Caixa e entrevistou a Javier Verdasco, xestor territorial da Obra Social La Caixa en Madrid. Con esta entrevista puideron coñecer os diferentes proxectos sociais desenvoltos e o seu impacto. En segundo lugar, o alumnado coñeceu o traballo dunha redacción amiga, a Cadena SER e da emisora musical Los 40 principales. Dende os estudos da emisora nacional, o alumnado entrevistou ao subdirector de “La Ventana”, Roberto Sánchez, nunha entrevista moi especial. Ademais, coincidindo cunha emisión local, Marta González Novo entrevistou á directora do CPI Virxe da Cela, Camino Pereiro, ao cofundador do Laboratorio de Radio, Sergio Pascual, e a catro alumnos/as: Iria, Bruno P., Marcos e Diego. Pola tarde, o alumnado asistiu a unha parte do programa “La Ventana” no que o propio Sánchez entrevistou a Lucía e Bruno Caínzos, ademais de Beatriz Varela, promotora do proxecto dende Ayuda en Acción, e Lucía Abarrategui, de Laboratorio de Radio. Unha nova aventura para coñecer un novo medio pero sobre todo para valorar o noso, para valorar o rural e todas as oportunidades que nos ofrece. Xa sabedes...suscribídevos ao rural e á nosa canle de Youtube!

A VIAXE AUDIOVISUAL DE RTVENXEBRE

       Dende hai catro cursos, Laboratorio de Radio e CPI Virxe da Cela xuntaron esforzos para achegar os beneficios pedagóxicos da radio ao alumnado e o certo é que os resultados están sendo marabillosos. Isto é posible grazas a Ayuda en Acción e Fundación Repsol. Este curso, a radio permitiu ao alumnado seguir coñecendo a súa contorna (o entroido da zona, ou a vida dunha veciña, por exemplo) pero ademais, supuxo unha conexión con outras realidades. Lembremos un programa en directo dende o CHUAC de A Coruña para falar da doazón de órganos ou un programa interescolar co CEIP Baraouta para celebra o Día Mundial da Radio. 

     Ás potencialidades deste medio, sumouse outro: a creación dunha canle de televisión con emisión mundial en Youtube. Co apoio de Ayuda en Acción e Fundación la Caixa, naceu Radio Televisión Enxebre para que o alumnado sexa quen de producir, preprarar pezas audiovisuais que se suman ás radiofónicas. Isto reafirma, novamente, o compromiso do colexio coa innovación e o desenvolvemento das capacidades comunicativas e cívicas do alumnado. 

       Esta RTVEnxebre ten traballado con tódolos cursos de Primaria. O percorrido televisivo fixo que en 1º e 2º de Primaria realizaran contos sobre a igualdade ou describiran cadros de mulleres artistas. En 3º realizaron unha peza sobre as Letras Galegas pero só de autores e autoras vivas, dando as súas recomedacións para celebrar o grande día da nosa literatura. En canto a 4º de Primaria puideron entrevistar a Jacinto Mathe, un mozambicano que compartiu co alumnado a súa historia de loita e superación, sendo un fermoso exemplo para todas nós. Ademais, este curso coñeceu en persoa ‘La Radio de los Gatos’, a radio feita por persoas con parálise cerebral do centro ASPACE en Sada coas que realizaron unha serie de entrevistas. Outra das liñas que se traballaron foi a posta en valor do rural e da contorna. O grupo de 5º de Primaria entrevistou a Ana González, responsable de Casa Lourán e á mestra Mercedes Cachaza. Para rematar, o grupo de 6º de Primaria entrevistou ao antigo conserxe do cole, Álvaro e á cociñeira Pura, ademais de visitar as Granxas de Lousada. 

    Con todos estes contidos, o obxectivo principal deste proxecto é poñer en valor o rural para dar conta de todo o que se fai nel, as oportunidades que a xuventude poder atopar a través de entrevistas a persoas de referencia á axentes da contorna social, educativa ou económica de Monfero e, como defende RTVEnxebre, “suscribirse ó rural”.

RTV ENXEBRE CELEBRA AS LETRAS GALEGAS 2019

A RTVENXEBRE do CPI Virxe da Cela de Monfero celebra o Día das Letras Galegas 2019 cunha escolma de libros de autores e autoras galegas. Iso si, cunha excepción: só obras de autores/as vivo/as. Unha iniciativa de Laboratorio de Radio e o CPI Virxe da Cela co apoio de Ayuda en Acción e Fundación La Caixa.