Radio escolar: Mergulla desde a clase

Este curso o alumnado do 3º curso da Ed. Primaria dentro do programa de Radio escolar, co que contamos en colaboración coa Fundación Ayuda en acción,  está a investigar sobre o mar, centrando a súa atención sobre  as especies mariñas de Galicia e sobre os efectos que nelas teñen a degradación medioambiental.  Dentro deste proceso de investigación contaron cun obradoiro da Cooperativa 13 grados (Sara Carrasco e Silvia Iglesias) cuxa finalidade e divulgar e sensibilizar sobre a importancia de coidar o medio mariño, centrándose en Galicia. 

Así, mergullámonos desde o cole no mundo mariño a través dunha experiencia inmersiva empregando a realidade virtual. Toda unha experiencia sensitiva de aprendizaxe.  

Imaxes recollidas durante a actividade. 

"ENRAIZADAS"

 O alumnado de 5º da Ed. primaria volveu contar cunha nova sesión de Enraizadas, programa de Ed. Social na escola en colaboración coas asociación Euroeume da que participan algunha das nosas familias. 

Nesta ocasión, entrevistaron a unha das nosas nais, Cristina. Muller emprendedora, exemplo dun desenvolvemeto endóxeno xusto e sustentable propio do territorio.

TEEN SIDE: NOVA REVISTA ESCOLAR PARA MOCIDADE

Chegou o tan esperado lanzamento da nova revista escolar Teen Side, dirixida para a mocidade do CPI Virxe da Cela, e realizada con moita ilusión polo alumnado de 3º da ESO que cursa a materia de Proxecto Competencial, co apoio do Equipo de Dinamización Lingüística e a Biblioteca Castelao. Xa podes ter nas vosas mans o primeiro número desta nova revista, que contén variadas e interesantes reportaxes. 

TEEN SIDE 1 by veracruces on Scribd

REUNIÓN PROFESORADO PARTICIPANTE 3ª FASE OBSERVA-ACCIÓN

O martes 19 decembro 2023 tivo lugar no espazo de Usos Múltiples unha reunión do profesorado participante na 3ª Fase do programa "Observa-Acción". Nesta terceira fase contamos con dúas incorporacións ao programa de dúas novas profesoras do noso centro, por tanto agora xa estamos as tres etapas educativas representadas: EI, EP e ESO. Nesta reunión, ademais de darlles a benvida a estas dúas docentes e poñerlles ao día de todo o experiementado nas fases anteriores (1ª e 2ª fase, que se desenvolveron no pasado curso académico 2022-2023), tratamos as liñas de actuación para dar inicio ao intercambio de ideas e prácticas docentes co centro madrileño co que estamos emparellados: o Centro Público Pintor Rosales, da Comunidade de Madrid. 

Compartimos convosco esta postal de felicitacións equipo Mentoreactúa, o programa equivalente a Observa-Acción da Comunidade de Madrid:  Buenos días a todos: Desde la Subdirección General de Programas de Innovación y Formación del Profesorado de la Comunidad de Madrid, os hacemos llegar a todos los participantes en los programas asociados a Mentoractúa, nuestro deseo de salud y felicidad para estas fiestas y lo mejor para el Año Nuevo 2024. Un cordial saludo. Equipo Mentoractúa 

AS IMAXES DO PATRIMONIO

 

As Imaxes Do Patrimonio Bases_GAL by veracruces on Scribd

IV Festival Escolar do Camiño Inglés

 Esta semana o noso alumnado de Educación Primaria foi convidado ao IV Festival Escolar do Camiño Inglés, que ten como base a promoción do Camiño Inglés entre os máis novos e, ademais, busca que se vaian coñecendo as diferentes localidades polas que transcurre.

Neste caso o noso alumnado desfrutou dunha obra de teatro na que Ignatius, un peregrino algo perdido, que coa axuda dunha meiga foi percorrendo e coñecendo Ferrol, así como as súas costumes, festas, patrimonio... Dende as Meninas de Canido, o propio Racing ou o arroz con leite (postre co que fomos posteriormente agasallados). 

MUSEO DO HUMOR XAQUÍN MARÍN

Compartimos información sobre o Museo do Humor Xaquín Marín, museo de humor gráfico único en Galicia e un dos poucos que existen no mundo.

Folleto Museo Humor Xaquín Marín by veracruces on Scribd

II CONCURSO AUDIOVISUAL: ANPAS GALEGAS SOMOS RURAL

Dende a Confederación ANPAS GALEGAS organizamos o “ II CONCURSO AUDIOVISUAL - ANPAS GALEGAS SOMOS RURAL” para todo o alumnado dos centros de ensino público galegos. 

A nosa intención é contribuír á difusión, coñecemento e posta en valor do incríbel patrimonio cultural e paisaxístico do noso rural; e para iso, consideramos que a mellor forma de poder acadar eses obxectivos é traballándoos coa nosa mocidade. 

Por este motivo, queremos convidarvos a participar nesta segunda edición. Para participar é preciso que fagades unha pre-inscripción a través da nosa páxina web https://somosrural.anpasgalegas.gal/concurso/ e que dará comezo este venres 10 de novembro. 

Unha vez aceptemos a vosa solicitude, cousa que vos comunicaremos o máis rápido posíbel, tedes até o 30 de marzo para presentar os vosos proxectos. Achegámosvos as bases para participar e agardamos que teñades tanto interese coma nós en mostrarnos a todos o precioso país que temos. 

 Tedes toda a información na nosa web: https://somosrural.anpasgalegas.gal/concurso/ 

MÚSICA GALEGA ACTUAL E CANTANTES DA NOSA TERRA

 

Despois de escoitar o fabuloso podcast do alumnado do CPI As Mirandas de Ares titulado "Somos un pobo de artistas", a rapazada do CPI Virxe da Cela tamén quixo dar a súa réplica. Neste caso, en lugar dun proxecto coral, realizado colaborativamente entre varios rapaces e rapazas e cunha incrible postprodución, igualmente válida é esta proposta de autor realizada por un alumno de 3º da ESO. Esperamos que Marcos Garabana sega animándose a utilizar a radio como ferramenta para a difusión da nosa cultura e do noso patrimonio, nunha nova canle, Radio Muni-Fero FM! Completamos esta entrada coa proposta visual de realizada polo alumno de 2º da ESO Nuno González Pérez, abordando contidos similares. 

 

Música Galega Actual by veracruces on Scribd

INICIAMOS A IIIª FASE OBSERVA ACCIÓN

Reunión online. Mércores 29 novembro 2023. Formato online (ferramenta BigBlueButton da aula virtual Moodle do Servizo de Programas de Formación da Xunta de Galicia).

Nesta terceira fase o programa Observa-Acción da comunidade autónoma de Galicia fai o seu hermanamento co programa Mentor-Actúa da comunicade autónoma de Madrid. En concreto, ao noso centro, o CPI Virxe da Cela, asignóuselle o CEIP Pintor Rosales. centro madrileño onde se imparten os niveis de educación infantil e educación primaria e que comparte connosco o seu máximo sinal de identidade: a educación en valores e o respecto. Seguro que vai ser unha experiencia moi enriquecedora para ambos centros e que revertirá positivamente, sen dúbida, nas nosas prácticas educativas e na nosas nosas comunidades educativas.

Nesta primeira reunión de toma de contacto abordáronse unha serie de puntos introdutorios para dar a coñecer aos centros participantes tanto a estructura cronolóxica do programa como a plataforma virtual moodle que servirá de guía para o mesmo. E aínda que de xeito moi breve, un/unha representante de cada un dos centros galegos e madrileños participantes tivo a oportunidade de expoñer de maneira breve as características máis salientables dos seus centros e que expectativas teñen do programa. Esperemos que se vexan cumplidas!

Productos de proximidade e ecolóxicos para aprender a aprender.

Este curso escolar formamos parte da campaña “Come Local”  da  Axencia Galega da Calidade Alimentaria (Agacal) e xestionada por  Slow Food Compostela. A través dela, comedores escolares de varios centros educativos poderán acceder  a produtos galegos con certificado de calidade: DOP, IXP e Ecolóxicos de proximidade. A mesma,  inclúe formación e asesoramento tanto para o persoal de cociña como para os equipos directivos e ademais, obradoiros para o alumnado. Neste caso, o alumnado do 3º ciclo da Ed. Primaria veu a importancia da biodiversidade agrícola e o papel que xogan os produtos certificados á hora de conservala, así coma a importancia de comer de xeito local.

Toda unha actividade de valoración do medio natural que ven acompañada de materiais explicativos das  froitas e verduras que temos en cada tempada en Galicia para o comedor.

Imaxe do obradoiro realizado co alumnado do 3º ciclo da Ed. Primaria

A GABETA DO MUPEGA

O Museo Pedagóxico de Galicia pon a disposición dos centros e do profesorado distintos recursos dixitais agrupados na “Gabeta do MUPEGA”, xa dispoñible para este curso 2023/24 e totalmente gratuíta. 

A Gabeta do MUPEGA é un compendio de materiais didácticos en distintos formatos (interactivos, vídeos, presentacións...) cos que traballar na aula contidos relacionados coa historia da educación e do mundo da infancia en Galicia. Este materia está dirixiado a centros e profesorado de Educación Primaria e Secundaria, e a maior parte dos recursos que contén a Gabeta poden ser empregados nas aulas como complemento á visita ao museo ou independentemente dela. 

Na web do museo pódense consultar os contidos dispoñibles: https://mupega.edu.xunta.gal/visitas-e-actividades/recursos-dixitais-para-aula 

Para solicitala hai que cumplimentar o formulario online dispoñible na web do Museo: https://mupega.edu.xunta.gal/solicitude-de-recursos-dixitais-para-aula

Contidos 2023-24 - Educación Primaria by veracruces on Scribd

Contidos 2023-24 - Educación Secundaria by veracruces on Scribd

SEMENTEIRAS

Hoxe tivemos no centro a actividade PAISAXES BIBLIOGRÁFICAS  deseñada para favorecer o gusto pola lectura e dar valor a súa relación co medio natural.

Desta forma, a  través dunha selección de títulos de literatura infantil e xuvenil especialmente pensados con esta fin  e relacionados co noso territorio descubrimos novas formas de ver o mundo, a través das metáforas, dos recursos poéticos, da ilustración, da identificación coas personaxes e os mundos que a habitan.

A actividade tivo lugar na biblioteca e a persoa que  a realiza á actividade, Sonia Hermida,  Al otro lado Asociación de familias lectoras empregou  material de refugallo (folios xa usados, anacos de papel, botóns, cartón, chapas, cordeis, lazos, envoltorios de paquetes...) e tamén, elementos naturais da nosa contorna recollidos nun paseo que se realizou en familia polo alumnado de 3º e 4º curso, destinatarios da actividade. 

 Luns 13 novembro 2023, na Biblioteca Castelao. Dúas quendas (3º EP de 09:45 a 11:30 e 4º EP de 12:00 a 13.50). 

Sementeira, Proxecto Terra. 

                                                       Imaxes propias da actividade.

PATRIMONIO CULTURAL INMATERIAL E EDUCACIÓN

No mes de novembro celebrarase en Outrense o Congreso Internacional PATRIMONIO CULTURAL INMATERIAL E EDUCACIÓN: PONTE ENTRE ESCOLA E SOCIEDADE.  En paralelo ao congreso, haberá 2 exposicións na Facultade de Educación e Traballo Social (Edificio de Ferro) de Ourense,  visitables durante o mes de novembro:

* Bens do patrimonio cultural inmaterial  de España inscritos na UNESCO

* Memoria e patrimonio: 25 traballos do Certame "As imaxes do patrimonio"

* Na Praza Maior, o 16 de novembro (Día Internacional do Patrimonio), xogos tradicionais. 

Progr Galego Web by veracruces on Scribd

ESPECTÁCULO DE MAXIA

Mago Martín. EI e EP. Galego e inglés. Ás 13 horas haberá un espectáculo, realizado polo ilusionista Martín Varela, para o alumnado das etapas de infantil e primaria no pavillón.

CELEBRAMOS O SAMAÍN

 Martes 31 outubro 2023.

Entrega de premios Concurso Decoración de Portas. Degustación de castañas cocidas.

Ás 15:30 todo alumnado comerá castañas para celebrar o Magosto e tamén se entregarán os diplomas polo concurso de decoración de portas do Samaín e pola participación na exposición de cabazas.

*Educación Infantil: cada curso levou un diploma por participar.

*Educación primaria

- 1ºporta gañadora EP.

- 2º porta máis famtasmagórica

- 3º porta máis aterradora

- 4º porta máis maléfica

- 5º porta máis orixinal

- 6 porta máis espeluznante

*ESO: 4º porta gañadora ESO.

CONCURSO DE RELATO CURTO: HISTORIAS DE MEDO

Queridas familias: Invitámosvos a participar no terrorífico concurso de relato curto organizado polo EDLG (Equipo de Dinamización da Lingua Galega) en colaboración coa Biblioteca Escolar Castelao con motivo do Samaín 2023. BASES: 

- Emprega a plantilla que figura no reverso deste folio 

-A historia ten que estar ambientada no Mosteiro de Monfero 

-Deben figurar datos do alumno/a e a familia participante 

-O relato será entregado ás titoras/es antes do venres 10 de novembro de 2023. 

-O fallo do concurso anunciarase a través da páxina web do centro e os blogs. 

 Animádevos a participar!!! Haberá premios arrepiantes!!!

DÍA DO ORGULLO NEOFALANTE: SOMOS UN POBO DE ARTISTAS

Compartimos este fantástico podcast radiofónico realizado polo alumnado de 1º da ESO do CPI As Mirandas de Ares con motivo do Día do Orgullo Neofalante. 

Tal como comenta Yolanda Castro, coordinadora do EDLG no CPI As Mirandas e tamén docente no CPI Virxe da Cela "esta actividade foi coordinada dende o noso centro polo Equipo de Dinamización Lingüística e o departamento de Lingua Galega e impulsada pola Concellería de Cultura de Ares, en colaboración co Servizo de Normalización Lingüística da Mancomunidade. Despois do obradoiro de formación (impartido por Andrea Rico Adega, que pertence a asociación Rexenerando) e da fase de investigación realizada no cole, na que o alumnado afondou na enorme variedade da escena musical galega, esta estupenda rapazada plasmou todo o seu traballo neste magnífico programa de radio. Parabéns a todo o alumnado de 1º de ESO polo ben que o fixeron e mención especial a Manu Ramil (alumno de 1º A) que realizou a gravación, edición e montaxe do mesmo. Sodes uns cracks!.

 Aquí tedes o podcast “Somos un pobo de artistas”. Non deixedes de escoitalo.

 SOMOS UN POBO DE ARTISTAS. Día do Orgullo Neofalante. CPI As Mirandas

 

 

EXPOSICIÓN DE CABAZAS 2023

Nos días previos á celebración do Samaín un ano máis o alumnado do CPI Virxe da Cela anímase a deixar voar a imaxinación e amosar a súa creatividade participando nunha actividade que xa ten unha longa traxectoria no noso cento educativo:  Exposición de Cabazas. Nos vindeiros días veremos encherse este espazo dedicado á exhibición destas cabazas decoradas, nunhas mesas próximas á entrada da Biblioteca Castelao. 

CONCURSO DE DECORACIÓN DE PORTAS SAMAÍN 2023

 

CIBERXESTEIRA FM

 Ciberxesteira FM é unha emisora de radio escolar que da o seu inicio neste curso 2023-2024 da man e nas voces dos rapaces e rapazas de 3º da ESO na materia de Educación Dixital. O seu obxectivo é comentar, debatir e divulgar contidos educativos sobre unha boa hixiene dixital, algo que é moi importante nos/nas adolescentes e que lles pode server para afrontar situacións de risco, optimizar o seu ocio, potenciar o seu rendemento educativo, etc. 

CONCURSO EXPOSICIÓN LETRAS GALEGAS 2024

A Secretaría Xeral de Política Lingüística convoca un concurso para elaborar unha exposición sobre a obra, época e lingua de Luísa Villalta, a autora homenaxeada en 2024 no Día das Letras Galegas, e/ou sobre a situación sociolingüística da etapa histórica en que esta viviu. Poderán participar os centros docentes de ensino público non universitario dependentes da Consellería de Cultura, Educación, Formación Profesional e Universidades. Concederanse dous premios, un para cada unha das dúas categorías de participación. 

 Categoría A: educación infantil e primaria 

Categoría B: educación secundaria obrigatoria, bacharelato, formación profesional e ensinanzas de réxime especial 

Convocatoria Concurso Exposicion Letras Galegas 2024 by veracruces on Scribd

MULLERES EMPRENDEDORAS DO RURAL

O domingo 15 de outubro, Día da Muller Rural, ás 17:00 horas, a área de Igualdade da Deputación da Coruña realizará no Concello da Baña a presentación do proxecto audiovisual "Mulleres emprendedoras do rural". 

O proxecto consta de 5 entrevistas en formato audiovisual  con mulleres que desenvolven a súa actividade produtiva no rural. Teñen como obxectivo amosar referentes de mulleres emprendedoras coa finalidade de visibilizar o seu traballo e por en valor a actividade que desenvolven.

 As protagonistas destes vídeos son Leticia Iglesias (Neda), coa súa empresa de venta de produtos de horta "Na Horta da Avoa María"; Carme Pampín (Touro), cofundadora de Galchimia, centro de excelencia para a investigación química; Sonia Ares (Rois), artesá traballadora de prata e vidro; María Fandiño (Curtis), enxeñeira industrial e gandeira; e Rocío Picado (A Baña), xerente do Fogar Residencial e Centro de Día Fogar de Ceilán.

Este proxecto achegarase tamén durante o mes de outubro a outros 4 concellos da provincia da Coruña en datas que se van anunciar nos vindeiros días na web. Os vídeos colgaranse na canle de youtube da Deputación a partir do luns 16 de outubro.

PREVISIÓN METEREOLÓXICA

Queres saber que tempo vai facer estas minivacacións da ponte do 12 de outubro?? Pois aquí vai a previsión do noso colaborador MG. Vai haber de todo... toma nota por si vas de viaxe!!

VI PREMIOS DE PODCASTS XOSÉ MOSQUERA PÉREZ "O VELLO DOS CONTOS"

 O IES Rosalía de Castro e Arraianos Producións, en colaboración coa Secretaría Xeral de Política Lingüística da Xunta de Galicia, convocan os VI Premios de Podcasts en galego e portugués Xosé Mosquera Pérez, “O Vello dos Contos”. 

Bases 6ovdc 1 by veracruces on Scribd

PARABÉNS AO CPI VIRXE DA CELA: PASAMOS Á 3ª FASE DO PROGRAMA OBSERVA-ACCIÓN

 

Parabéns a todo o profesorado do CPI Virxe da Cela participante no Programa Observa-Acción, xa que... pasamos á terceira fase!! Sodes un grande equipo!! Moito ánimo e esperemos que a través desta nova fase podades formarvos como profesionais docentes e implementar todo o que aprendedes no noso centro para que poda repercutir na mellora en xeral, tanto do funcionamento do centro como da práctica docente!

RESOLUCIÓN do 26 de outubro de 2022, da Dirección Xeral de Centros e Recursos Humanos, pola que se convoca a participación no programa de formación “Observa_Acción: Desenvolvemento competencial desde a observación e o intercambio entre iguais”, durante os cursos escolares 2022/23 e 2023/24, que se levará a cabo a nivel autonómico, nacional e internacional.

Resolucion Definitiva Centros Fase 3 by veracruces on Scribd

CONGRESO INTERNACIONAL OBSERVA-ACCIÓN

 Dúas docentes do CPI Virxe da Cela que forman parte do equipo de docentes que participa no programa  Observa-Acción, asistiron o pasado mércores 4 outubro 2023 ao Encontro Internacional "Observa-Acción" que tivo lugar na Cidade da Cultura, Santiago de Compostela. 

Tras a apertura institucional por parte do conselleiro Román Rodríguez, a conferencia inaugural corre a cargo de Matthew O’Leary, catedrático de Educación e director do centro de investigación CSPACE da Universidade de Birmingham, baixo o título Reimaxinando a observación como ferramenta para entender e mellorar a calidade do proceso ensino-aprendizaxe.

Ao longo da mañá sucedéronse as sesións de traballo coa exposición de experiencias de éxito do programa en Galicia coa participación dos colexios Martínez Alonso (Mos) e Plurilingüe Santa Lucía (Moraña), dos institutos Sofía Casanova (Ferrol), Plurilingüe A Cachada (Boiro), Carlos Casares (Viana do Bolo), Xograr Afonso Gómez (Sarria) e das escolas oficiais de idiomas da Coruña e de Pontevedra.

Na sesión de tarde levouse a cabo unha mesa redonda internacional coa participación de técnicos e asesores educativos dos gobernos autonómicos de Galicia, Castela e León, Aragón, Madrid, Estremadura, ademais de Portugal, así como relatorios con experiencias de éxito noutras comunidades autónomas.

PATRIMONIO INMATERIAL E EDUCACIÓN

 

Pci Galego by veracruces on Scribd

PONTE NAS ONDAS 2023-2024

 

Adianto Actividades 23_24 by veracruces on Scribd

Os fungos nos nosos bosques

Hoxe contamos cunha actividade moi especial: tres obradoiros para coñecer a importancia ecolóxica e ecosistémica dos fungos nos nosos bosques. O seu punto de partida foi a exposición “Wood Wide Web, a rede que dá vida a o planeta”. Desta forma, o alumnado de 4º, 5º e 6º curso da etapa da Ed. Primaria tivo a oportunidade de aprender dunha forma amena un montón de aspectos significativos dos fungos que nos rodean ao tempo que valoraban a súa importancia para o ecosistema. Tamén, as pautas básicas da súa recollida.

                               

                                            Imaxe autoeditada dun dos momentos do obradoiro (4º curso da Ed. Primaria)

                                          Imaxe autoeditada dun dos momentos do obradoiro (5º curso da Ed. Primaria)

                               

                                  Carteis da exposición que se poden consultar na páxina da asociación Amabul.

                                        Imaxes: autoeditadas a partir dos carteis da exposición da asociación Amabul.

Esta actividade forma parte das iniciativas da Aula Ambiental Ulla+23 e cuxa financiación corre a cargo da Deputación da Coruña.

UNHA ESCOLA NO MEDIO E PARA O MEDIO

 "Unha escola no medio e para o medio" é o título da presentación do CPI Virxe da Cela, por parte da súa directora María Camino Pereiro González, no Encontro-Seminario sobre a Educación no Rural que tivo lugar no noso centro educativo o pasado sábado 16 de setembro de 2023. A través desta exposición oral, xunto coa presentación gráfica que servía de apoio, os/as asistentes ao encontro poideron ter acceso a datos actualizados sobre este centro educativo situado no rural e coñecer as claves da súa pervivencia.

Cpi Plurilingüe Virxe Da Cela -Encontro Rede by veracruces on Scribd

O CPI VIRXE DA CELA ACOLLE O ENCONTRO- SEMINARIO SOBRE A EDUCACIÓN NO RURAL

O CPI Virxe da Cela (Monfero) foi o centro anfitrión para acoller o Encontro-Seminario sobre a Educación no Rural, o sábado 16 de setembro de 2023, promovido pola Rede do Rural. 

A Rede do Rural é unha comunidade diversa de persoas, colectivos, organizacións e entidades vencelladas polo fío transversal da defensa dun medio rural desenvolvido desde a sostibilidade ecosistémica como garante da sostibilidade socioeconómica.

A Rede Galega de Educación e Desenvolvemento Rural, abreviadamente chamada REDE DO RURAL, xorde como reacción ante a situación de xeral desfeita que sofre o mundo rural. Constitúese esta Rede, con vocación de funcionamento asembleario, dentro dunha conformación de pluralidade e coincidindo na inquedanza común de preservar e desenvolver o rural galego.

Encontro PEER en Monfero by veracruces on Scribd