CONEXIÓNS CPI VIRXE DA CELA (MONFERO) E CEIP ARDÁN (MARÍN)

Faltan poucos días para finalizar a fase II "Acolle" do Programa Observa-Acción, que nos levou a establecer relacións co CEIP Ardán (Marín). Despois das visitas efectuadas (un grupo de profesorado do CEIP Ardán ao noso centro en Monfero, e un grupo de profesorado do CPI Virxe da Cela no seu colexio en Ardán) e dun minucioso traballo reflexivo por ambas partes, somos conscientes da boa sintonía e conexión creada, e esperemos que de pé a futuras colaboracións. Son moi interesantes todas as impresións do profesorado participante, que nos levarán ademais a reformular a nosa práctica docente e a redirixir as liñas de acción dos nosos centros. Convidámosvos a que visualicedes esta presentación Genial.ly cun breve resumo. 

https://view.genial.ly/64955581d2e90c00134ddd10

GENIAL.LY MONFERO-ARDÁN by veracruces on Scribd

SESIÓN DE ACOLLIDA 2ª FASE PROGRAMA OBSERVA-ACCIÓN NO CEIP ARDÁN (MARÍN)

Catro docentes do CPI Virxe da Cela visitaron o CPI Ardán, en Marín, o mércores 31 maio 2023. Esta visita forma parte das segunda fase intercentros "Acolle" do Programa Observa-Acción da Xunta de Galicia. Foi unha xornada moi enriquecedora na que se produciu un intercambio de ideas e de impresións que axudarán a mellorar as prácticas docentes en ambos centros educativos. Contamos tamén coa presencia dos Asesores dos CFR de Ferrol e Pontevedra. 

UNHA OLLADA PARA O ARDÁN by veracruces on Scribd

DESCUBRINDO O CPI VIRXE DA CELA

Compartimos con toda a comunidade educativa este agasallo que será entregado ás profesoras do CEIP Ardán (Marín) que visitarán o noso centro na xornada de "Acollida" que terá lugar o luns 29 de maio de 2023. Este maletín, elaborado minuciosamente e con moito cariño polo profesorado do CPI Virxe da Cela contén un mundo en miniatura do que é o noso centro e ten a apariencia de maletín de xogo, con diferentes elementos: bloques de edificio, pista de xogos, planos, fichas, avatares dos profesores/ras participantes no programa Observa-Acción, e outros moitos pequenos detalles a descubrir polos nosos invitados, que lle axudarán como material de apoio ou complementario á súa visita. Por iso, un dos elementos claves contidos neste maletín é un pequeno caderno ilustrado en cor co título "Descubrindo o CPI Virxe da Cela", que contén información  detallada e actualizada sobre as instalacións do centro, as liñas de traballo e os proxectos que se levan a cabo. Existe tamén unha versión dixital do caderno, elaborada a través de Genial.ly, na que se pode consultar incluso información adicional a través de hipervínculos. Esperemos que vos guste!!

https://view.genial.ly/64683e7c02dab00012b115c6/learning-experience-didactic-unit-cpi-virxe-da-cela-acollida-observa-accion

XORNADA DE ACOLLIDA AO CEIP ARDÁN (MARÍN), 2ª FASE PROGRAMA "OBSERVA-ACCIÓN"

Chega o momento tan deseado: exercer de anfitrións e recibir ás 4 docentes do CEIP Ardán (Marín) que visitan o noso centro nesta xornada de acollida que tivo lugar o luns 29 Maio 2023 enmarcada na II Fase do Programa Observa-Acción. Foron moitas as horas de preparación previas para ter todos os espazos organizados e poder ir seguindo o cronograma establecido, mais valeu a pena, xa que tanto anfitrións como invitados saímos felices e satisfeitos coa experiencia. 

 

https://view.genial.ly/64683e7c02dab00012b115c6/learning-experience-didactic-unit-cpi-virxe-da-cela-acollida-observa-accion

Impresións Cpi Virxe Da Cela by veracruces on Scribd

PRÓXIMA VISITA DO CEIP ARDÁN (MARÍN). FASE "ACOLLE" (PROGRAMA OBSERVA-ACCIÓN)

Dentro das actuacións do Proxecto Observa-Acción (2ª fase) no que participa o centro o próximo luns 29 de maio contaremos coa presenza no centro de profesorado do CEIP de Ardán de Marín e dunha persoa asesora do CFR de Pontevedra (cinco persoas). Temos elaborado un programa de actividades para esta xornada na que daremos a coñecer actividades e espazos do centro (realizadas en diferentes aulas e na biblio e no espazo ferraganchos). Con elas, queremos xerar un espazo onde compartir experiencias e facer da xornada un día especial e ameno para o alumnado.