50 PRIMAVEIRAS XUNTAS

Xesteira Films, en colaboración con VirxedacelaSoundStudio, vén de lanzar o videoclip 50 Primaveras Xuntas, un producto audiovisual promovido polo Departamento de Música do CPI Virxe da Cela. A canción foi creada pola alumna U.T.M. de 3º da ESO utilizando a ferramenta de IA Suno, coma unha homenaxe ao centro educativo no seu 50 Aniversario. Contamos coa fermosa voz da alumna L.F.V. de 4º da ESO, gravada e editada no estudo VirxedacelaSoundStudio no espazo Ferraganchos. O videoclip foi gravado no patio da escola e nos espazos naturais dos arredores, tendo como protagonistas ao alumnado de 4º da ESO, utilizando a idea da graduación como mapa visual e narrativo. Gravación e edición corre a cargo de Xesteira Films, que promove o audiovisual en galego desde o CPI Virxe da Cela. 

REVISTA FESTIVAL MAIOS E LETRAS GALEGAS 2026

Revista Maios e Letras Galegas 2026 by veracruces

TEEN SIDE: REVISTA PARA A MOCIDADE

 Xa falta menos. A poucos días de rematar este curso 2025-2026 un novo exemplar da revista Teen Side sairá á luz. O alumnado de 2º da ESO, xunto coas colaboracións dalgúns alumnos de 4º da ESO, prepararon esta divertida e colorida revista para a mocidade, escrita en lingua galega. Poderedes atopar un montón de artigos, crónicas, divididas en variadas seccións, para poder encher o voso tempo de lecer nas vacacións. 

25-26 TEEN SIDE by veracruces

INTERCAMBIO CULTURAL E LINGÜÍSTICO

John Niko, o noso auxiliar de conversa, está no tramo final da súa estadía no noso centro educativo. Foron meses de intercambio non so lingüístico, senón cultural. Agora Niko poderá espallar a lingua e cultura galegas alén dos mares, no seu país de procedencia, Filipinas.  

O programa de auxiliares de conversación da Xunta de Galicia busca potenciar a competencia lingüística do alumnado en linguas estranxeiras e fomentar o intercambio cultural. Os asistentes nativos colaboran co profesorado dos centros plurilingües e seccións bilingües para mellorar a expresión e comprensión oral dos estudantes galegos. Este programa está xestionado principalmente a través das convocatorias nacionais do Ministerio de Educación, en coordinación coa Xunta de Galicia para centros bilingües e plurilingües. 

FESTIVAL DOS MAIOS E DAS LETRAS GALEGAS 2026

Hoxe foi un día moi especial no CPI Virxe da Cela. Letras, música e tradición da nosa terra, nunha festa popular ao aire libre. Alumnado das diferentes etapas educativas xuntámonos no exterior, nunha sesión vermú a base de empanada, tortilla e moita auga para combatir as altas temperaturas. Non faltou a música, o baile, e a literatura. Cultura enxebre a golpe de calor tropical. Contamos con Richi Casás como pregoeiro desta celebración, e numerosas persoas convidadas achegáronse a presentar a figura de Begoña Camaño, así como a amenizar con música a xornada.

Un escenario de luxo, decorado especialmente para a ocasión: unha fermosa alfobra floral, típica dos Maios, que homenaxeaba á vez ao CPI Virxe da Cela no seu 50 aniversario. Parabéns a este centro do rural por ter sobrevivido por cinco décadas ás ameazas da despoboación. Ogallá que sigades camiñando outros moitos anos. 

Os Maios, xunto coas Letras Galegas, foron o outro fío conductor da celebración. Todas as clases pasaron polo escenario regalando ao público a súa arte no recitado de coplas, as danzas colectivas e os cantares populares.

Colorida alfombra floral con motivos de homenaxe ao 50 Aniversario do CPI Virxe da Cela

Richi Casás, dando o pregón e transmitindo o legado 

de Rosa e Adolfina Casás, homenaxeadas nas letras Galegas 2025 a Begoña Camaño. 

Xantar popular a base de empanada e tortilla

Alumnado de 4ª EI e 5º EP recitando coplas do Maio

Alumnado de 5º EI recitando coplas

Alumnado de 4º EP cantando A Saia de Carolina, acompañamento frautas e acordeón

6º EP cantando coplas "Celebramos este maio no colexio do Xestal"

Danza de Fitas 1º EP, ao son da Muiñeira de Chantada

2º EP cantando coplas de Maio "Chega a Primavera"

Alumnado de 6º EI e 6º EP bailando "Tataravoa" co acompañamento das pandereiteiras

Danza de Fitas 2º EP ao son da Muiñeira da Grelada, acompados por gaitas e pandeiretas

Músicos do Grupo de Folclore Virxe da Cela

Danza das Fitas 2º ESO

Grupo de pandereiteiras do CPI Virxe da Cela

Músicos convidados. De esquerda a dereita:

Alberto Barreiro "Warren", Dani Vidal, Mónica Maceiras, Lucía Vázquez e Cristina Sánchez

Fin de festa. De esquerda a dereita: 

Niko (auxiliar conversa), Lucía Vázquez, Dani Vidal, Mónica Maceiras, Alberto Barreiro "Warren ", Cristina Sánchez (músicos convidados),  Ismael e Álvaro (mestres en prácticas) e  Richi  Casás (pregoeiro).

TEATRO: COSER E CANTAR

Dentro da programación de igualdade, a ANPA do CPI Plurilingüe Virxe da Cela organizou un espectáculo de teatro titulado Coser e Cantar, da man de Marta Ortiz, para alumnado de EI e EP.

 

A FIGURA DE BEGOÑA CAAMAÑO NO CLUB DE LECTURA

 

Todos os mércores, en semanas alternas, un grupiño de rapaces e rapazas da ESO reúnense na biblioteca escolar non so para falar dos libros e da lectura, senón para defender ideas, escoitar puntos de vista e respectar opinións diverxentes. Forman parte do Club de Lectura Larpacontos da ESO, un club que xa ten unha longa traxectoria no noso centro educativo. Ademais da casi decena de alumnos/as, deste club tamén forman parte varias profesoras da ESO, que exercen o rol de mediadoras. O pasado mércores 13 de maio a profesora de lingua galega, Laura Pensado, aproveitou para presentar a figura de Begoña Caamaño, homenaxeada o Día das Letras Galegas 2026. Precisamente o vindeiro venres 22 de maio o noso centro celebrará un festival cultural onde se mesturarán as letras (Día das Letras Galegas) e a tradición (Festa dos Maios), e varios membros/as do club farán a lectura de diferentes textos en torno a Begoña Caamaño.

A Revolución dos Caraveis

O luns 27 de abril realizamos unha actividade conmemorativa da Revoluçao dos Cravos en Portugal, que rematou coa ditadura inicial de Salazar e culminada na persoa de Oliveira no ano 1974.

O alumnado de 4º da ESO estudou a evolución histórica deste movemento autoritario e realizou un marcapáxinas co Grândola. O día 27 (ante a imposibilidade de facelo o propio día por caer en sábado) pasaron polas distintas aulas de 5º e 6º de Educación Primaria e 1º, 2º e 3º da ESO, para explicarlles aos seus compañeiros a evolución da ditadura e, sobre todo, a súa fin, coa anécdota dos caraveis. 

Ao rematar a exposición entregáronlles a cada un dos oíntes un marcapáxinas e un caravel.

Participación na xornada Fai Memoria! co proxecto Voces Silenciadas. Lugares de Memoria

O sábado 25 de abril, coincidindo co 51º aniversario da Revolución dos Cravos en Portugal, tivo lugar a xornada Fai Memoria! organizada pola Deputación de A Coruña no Centro Sociocultural Maruxa e Coralia de Santiago de Compostela e presentada por Sol Agra e Eva Mejuto. O seu obxectivo é a formación dos docentes de Educación Primaria e Secundaria en relación ao tema da Memoria Democrática.

O noso centro, representado pola docente de Xeografía e Historia Paula Cadaveira, participou expoñendo o proxecto Voces Silenciadas. Lugares de Memoria. Violencia e represión en Monfero, Irixoa, Aranga e Vilarmaior durante a Guerra Civil e a posguerra (1936-1949) no que o alumnado de 4º da ESO leva traballando dende setembro na materia de Xeografía e Historia.

Na presentación explicouse o contexto de traballo, a metodoloxía e os recursos empregados, as actividades complementarias realizadas e os produtos finais resultantes da investigación, así como as novas perspectivas que agardamos poder levar a cabo nos próximos meses. 

PREPARANDO OS MAIOS

 

Auxiliar de conversa achegando a visión cultural da celebración dos Maios no seu país de orixe, Filipinas

Comeza a primavera, deixamos atrás os fríos e húmidos días de inverno, así que aproveitamos para dar as aulas no exterior poñéndonos a punto para o Festival dos Maios. Quedan unhas semanas de traballo para practicar os bailes e perfeccionar a práctica instrumental para poder amosar estas manifestacións culturais no vindeiro festival dos Maios, que tará lugar o venres 22 de maio de 2026. Ademais destos expresións artísticas musicais que todavía conservamos, poidemos aprender tamén doutras manifestacións paralelas que se realizan noutras partes da xeografía. De feito, o noso auxiliar de conversa, Niko, aproveitou as clases de música cos diferentes grupos da ESO para falarnos da famosa festa "Flores de Maio" que tan arraigada está no seu país de orixe, Filipinas. 

23 DE FEBREIRO: DÍA DE ROSALÍA

Hoxe, luns 23 de febreiro de 2026, desde o CPI Plurilingüe Virxe da Cela queremos querer en valor a obra e o legado da autora  Rosalía de Castro, unha galega universal. A través de investigacións recentes sábese que a escritora naceu ou 23 de febreiro de 1837, por iso o 23 de febreiro é unha data clave para celebrar a súa figura como piar dá literatura galega e símbolo cultural. 

Rosalía ten unha importante relevancia cultural, xa que é a autora máis universal e influente da cultura e literatura galega, sendo unha das figuras centrais da literatura no século XIX. En canto á valoración da lingua, estaca o papel de Rosalía no rescate e dignificación da lingua galega a través da súa poesía, nun tempo no que estaba marxinada.

Nos corredores deste edificio de secundaria podedes visitar unha pequena exposición con fondos bibliograficos da autora e visualizar un fermoso panel co retrato de Rosalía de Castro e información sobre ela.

O alumnado da ESO traballo utilizando ferramentas dixitais na composición de cancións adicadas a Rosalía e creadas grazas á intelixencia artificial. Unha delas é a elaborada pola nosa compañeira Alejandra Souto, de 4º da ESO, titulada Rosalía no Vento, que será interpretada con moito sentemento pola nosa compañeira Lola Flores, tamén de 4º da ESO. Esperemos que vos guste e moitas grazas por acompañarnos hoxe eiquí, na Biblioteca Castelao, formando parte desta homenaxe a Rosalía e axudando a difundir o seu legado. Un forte aplauso……

 Rosalía no Vento, Rosalía no Mar...

ANTROIDO 2026 NO CPI VIRXE DA CELA

 Venres 13 de febreiro 2026

VOCES SILENCIADAS. LUGARES DE MEMORIA

 

 

 O sábado 17 de xaneiro de 2026, ás 11:30 h, no Teatro Alfonsetti de Betanzos levouse a cabo a presentación do proxecto “Voces silenciadas. Lugares de memoria". Este proxecto está centrado na represión vivida durante a Guerra Civil e a posguerra , entre os anos 1936 e 1949, nos concellos de Monfero, Irixoa, Aranga e Vilarmaior. Os alumnos/as de 4º da ESO do CPI Virxe da Cela realizamos entrevistas orais aos nosos avós/as e bisavós/as, pero tamén a coñecidos/as e descoñecidos/as, para recadar información deses anos que logo contrastramos con fontes escritas.  

Na presentación tamén formaron parte o arquiveiro de Betanzos, Ángel Arcay, a profesora de Xeografía e Historia, Paula Cadaveira, e o catedrático Emilio Grandío. Este tipo de actividades buscan recuperar e dar visibilidade a historias e persoas que quedaron silenciadas no pasado por motivos políticos ou sociais, e reivindicar os lugares de memoria como espazos que axudan a lembrar o vivido e a aprender del para construír unha sociedade máis xusta. 

O Teatro Alfonsetti é un espazo cultural histórico de Betanzos que ao longo do tempo acolleu cine, teatro e eventos importantes para a cultura do pobo. Estar nun evento así o 17 de xaneiro no Teatro Alfonsetti foi moi impactante. Sentín que non era só memorizar datos: era aprender a escoitar as voces que quedaran na sombra da historia. Ver como diferentes persoas, desde especialistas ata compañeiros da clase, compartíamos reflexións sobre feitos reais do pasado fíxome entender que a memoria histórica non é aburrida, afecta directamente ao noso xeito de ver o presente. Creo que actividades coma esta nos animan a interesarnos pola historia real da nosa contorna e a valorar a importancia de recordar xuntos o que aconteceu para que non se volva a repetir. Marcos Garabana (4º ESO).