PODCAST XELA ARIAS

O alumnado de 5º e 6º de Primaria do CPI Virxe da Cela de Monfero reflexiona sobre a importancia de lembrar as persoas que xa non están. Teñen que responder ás seguintes preguntas: Por que temos que recordar as persoas que xa non están? Que podemos facer para que nos recorden? Despedir a unha poeta, despedir a Xela Arias...como o fariades? Inspirámonos no libro de Emma Pedreira e Laura Romero,‘Xelarias, Palabra a intemperie’ (Baía Edicións) e as preguntas que lanzan sobre como despedir a Xela Arias. Unha produción de RTV Enxebre, un proxecto de Ayuda en Acción, co apoio de Fundación Repsol e Fundación La Caixa e desenvolvido por Laboratorio de Radio.

 

O alumnado de 3º de Primaria do CPI Virxe da Cela celebran o Día das Letras Galegas 2021 cun concurso sobre a homenaxeada: Xela Arias. Un xeito de aprender divertido, traballando en equipo e que nos achegou a figura da poeta, tradutora e editora que foi Xela Arias. RTV Enxebre é un proxecto de Ayuda en Acción, co apoio de Fundación Repsol e Fundación la Caixa. Desenvolve Laboratorio de Radio.

EXPOSICIÓN SOBRE XELA ARIAS NO CPIP VIRXE DA CELA

O luns 17 de maio de 2021 festaxamos o Día das Letras Galegas, adicado este ano á figura de Xela Arias. Se visitades os corredores do noso cole poderedes ver gran cantidade de traballos que os rapaces e rapazas de educación infantil e educación primaria prepararon en torno a autora homenaxeada. 

MATERIAL LETRAS GALEGAS 2021 SEMINARIO GALÁN

Xa tedes á vosa disposición o material das Letras Galegas 2021 para infantil e primaria elaborado polo Seminario Galán. Este material, na actualidade, está publicado na web da SXPL da Xunta de Galicia, www.lingua.gal/o-galego/promovelo/dia-das-letras-galegas e dentro duns días estará na nova web do Seminario Galán, www.seminariogalan.org Nestas web poderedes atopar actividades interactivas sobre Xela Arias, en formato genially, actividades en PDF, cartel, exposición e cuestionario, díptico, marcapáxinas, biografía, textos, fotos, videos.. Ligazón: 

PRIMAVERA DAS LETRAS: XELA ARIAS

A Real Academia Galega puxo en marcha neste mes de marzo unha nova edición do proxecto Primavera das Letras, dedicado nesta ocasión a Xela Arias, protagonista do Día das Letras Galegas 2021. A institución fornecerá a comunidade educativa de infantil e primaria, a través da páxina primaveradasletras.gal, de recursos lúdicos e didácticos relacionados coa figura e a obra da autora, e tamén con diversos contidos transversais do currículo. As primeiras fichas e actividades interactivas xa están dispoñibles neste espazo no que a Real Academia Galega irá compartindo novos contidos ao longo das vindeiras semanas. Podedes acceder ao espazo a trav'es da seguinte ligaz'on 

CONCURSO EXPOSICIÓN LETRAS GALEGAS 2021 XELA ARIAS

 

A Secretaría Xeral de Política Lingüística (SXPL) fixo pública onte, luns, 11 de xaneiro, a convocatoria do Concurso-Exposición sobre Xela Arias, a autora escollida pola Real Academia Galega (RAG) para festexar o Día das Letras Galegas do ano 2021. A unidade didáctica e os carteis que a compoñen darán a coñecer os aspectos máis significativos da vida e obra da escritora así como o momento histórico e a situación sociolingüística na que viviu. O profesorado participante na elaboración das exposicións gañadoras recibirá unha certificación de premio de innovación educativa (20 horas de formación permanente para o profesorado e 30 para o coordinador ou coordinadora). O prazo para enviar os traballos remata o día 1 de marzo (incluído).

Convocatoria concurso-letras-galegas-2021 from satelite1