O alumnado de 2º de EP fixemos un obradoiro de cociña o último día deste curso onde elaboramos varias receitas:
- Vasos bonecos de neve recheos de flocos de millo.
- Árbores de nadal de crema de cacao.
- Árbores de nadal de uvas e queixo.
- Bonecos de neve de plátano e paus de chocolate.
O xoves día 19 de decembro o alumnado de 2º de EP fixemos un obradoiro de reciclaxe e coñecimos un pouco máis sobre a fauna e flora das Fragas do Eume. Velaquí vos deixamos unhas imaxes!
Video obradoiro Fragas do EumeNeste último obradoiro reflexionamos sobre os contidos traballados e creamos o noso propio fanzine.
Os fanzines son revistas de escasa tirada e distribución, feita con poucos medios por persoas aficinonadas a distintos temas.
A través desta publicación caseira, o alumnado de 5º curso da Ed. Primaria creou de forma colaborativo dos diferentes centros participantes na actividade unha publicación que repartiremos nos diferentes centros da iniciativa.
Creatividade a partir dunha idea e a través de debuxos, collage, fotos, textos, comic da que pronto teremos o resultado.
Imaxes do obradoiro no centro.
Alumnado de 3º da ESO do CPI Plurilingüe Virxe da Cela organizando colaboracións coa Asociación Cultural Pesquedellas, de Betanzos. Proxecto desenvolvido nas materias de Proxecto Competencial e Música.
A Asociación Cultural Prestadora de Servizos á Xuventude "Pesquedellas" (A.C. Pesquedellas) é unha asociación sen ánimo de lucro que busca investigar e logo divulgar a través das súas redes sociais o patrimonio inmaterial galego, tendo como vehículo transmisor a lingua galega.
Esta asociación nace en Betanzos en 2019, froito da inquedanza dos seus 8 creadoras por investigar pola súa conta sobre a música e o baile tradicionais, e por extensión o patrimonio inmaterial da cultura galega. Os formantes saen da Escola Municipal de Folclore de Betanzos, máis concretamente do Grupo Azougue, onde recibiron formación en música e baile tradicionais, e onde foron desenvolvendo as súas inquedanzas sobre o patrimonio inmaterial galego, máis alá da música e do baile.
O pasado martes 26 de novembro o alumnado de 1º e 2º de EP asistiron á representación da obra de teatro"Rob" chegada dende Valencia no Pazo da Cultura de Narón, aproveitando que estaba bo día aproveitaron para almorzar no parque.
Un grupo de mestres visitamos Split en Croacia e as escolas de Pujanke dentro do programa Observa-Acción en colaboración co CFR de Ferrol. Alí puidemos ver como funciona o sistema educativo deste país e este colexio en particular: asistimos a unhas charlas sobre CLIL (aprendizaxe integrado de contidos e linguas estranxeiras), fomos partícipes dun obradoiro de cociña e tecnoloxía, vimos contacontos na biblioteca e fixemos outras actividades relacionadas coa competencia emprendendora. Ademais compartimos tempos con mestres doutras etapas e centros o que enriqueceu a nosa participación neste programa que rematamos este curso.
|
A
provincia da Coruña conta con dous parques naturais: o Parque Natural Fragas
do Eume e o Parque Natural Complexo Dunas de Corrubedo e Lagoas de Carregal e
Vixán, e unha Reserva da Biosfera, a Reserva de Biosfera Mariñas Coruñas e
Terras do Mandeo. Estes espazos a meirande parte das veces son descoñecidos
pola poboación da mesma provincia, incluso polas persoas que viven en
Concellos situados no seu interior. O
programa 'Para unha Transición Ecolóxica', desenvolvido desde o CEIDA co apoio da
Deputación da Coruña, posibilita poñer en valor nos centros educativos da
provincia da Coruña a importancia e valores destes espazos naturais
protexidos, mediante actividades que permiten aos participantes enmarcados na
súa contorna xeográfica, establecer vínculos afectivos co medio, reforzar a
visión respectuosa co entorno e adquirir actitudes e comportamentos cara á
súa protección e conservación. Desta forma, o alumnado do 3º ciclo conta neste curso escolar con dúas propostas:
|
|
Este ano festexamos o Samaín con 5 obradoiros simultáneos, nos que o alumnado de secundaria participou como monitores. Os obradoiros foron: creación de contos terroríficos, creación de máscaras, decoración de cabazas, elaboración de colares de castañas e un específico de inglés.
Segundo obradoiro desta proposta da Asociación EuroEume que en colaboración coa oficina para a igualdade de xénero da UDC contamos coa presenza de ........que adica a súa vida profesional a investigar sobre distintas temáticas vencelladas á soberanía alimentaria, a custodia do territorio ou os coidados e comunidade.
Imaxes da conversa con:................
Nos visitan da Cruz Vermella de Betanzos para iniciar ao alumnado do 3º ciclo en primeiros auxilios.
Unha actividade na que teoría e práctica van da man para aportar prevención e confianza ante posibles situacións e riscos que nos poden afectar.
Toda unha experiencia vital!!!!
Imaxes da actividade.
Hoxe contamos cos obradoiros sobre accesibilidade para o alumnado dea ESO e do 3º ciclo da Ed. Primaria.
Están organizados desde o programa de Educación social na escola (Asociación EuroEume) e con eles queremos achegar á rapazada a importancia da accesibilidade na nosa contorna, para que todas as persoas poidan moverse con total autonomía pola comunidade.
Tamén, sensibilizar e dar a coñecer o termo de accesibilidade e os seus diferentes clasificacións, así como aprender a identificar elementos que axudan á mobilidade de forma accesible, na súa propia contorna.
Neste caso, destacamos a importancia dá accesibilidade cognitiva, en concreto a sinalización a través de pictogramas, xa que é o elemento que imos implementar no centro educativo para facelo un pouco máis accesible.
O obxectivo principal, é concienciar a importancia de crear espazos inclusivos e accesibles, onde todas as persoas poidan participar de forma activa e independente na comunidade.
Imaxes autoeditadas do desenvolvemento dos obradoiros.
Este martes, 19 de novembro o alumnado os cursos 4º, 5º e 6º da Ed. Primaria participou na Celebración do Día da Infancia no Palacio de Exposicións e Congresos (Palexco) da Coruña.
Este é un día de celebración onde os Consellos escolares da Infancia dos centros participantes (no noso centro grazas ao bo facer da asociación EuroEume) expoñen o seu traballo. Neste curso escolar, a proposta é tratar competencias e recursos que permitan mellorar o benestar da infancia e da adolescencia.
Unha tarefa na que xa
está o noso alumnado tras que no curso anterior, o seu traballo estivese centrado na
mellora dos espazos do centro para que estes sexan lugares de convivencia.
Ademais, nesta Celebración nos acompañaron a Conselleira
de Política Social e Igualdade da Xunta de Galicia, a Concelleira de Benestar
Social do Concello da Coruña e presidenta da Plataforma de Organizacións de
Infancia.
Ao final contamos cun
pequeno aperitivo para que o alumnado, tras o acto, compartisen experiencias.
Imaxes da actividade e do posterior tempo de
asueto.
Enraizadas nace coa necesidade de visibilizar e poñer en valor as estratexias de sostemento da vida que se levan a cabo no rural e, máis concretamente, o papel das mulleres neste proceso. Este proxecto educativo de educación social na escola da man da Asociación EuroEume, busca contribuír á visibilización e o recoñecemento das mulleres na sociedade, incidindo nun cambio de mentalidade no que os traballos reproductivos e as persoas que os sustentan se convertan en referentes. Buscando asi mesmo, espallar os valores e reflexións do ecofeminismo, contribuíndo ao desenvolvemento rural, reflexionando sobre a soberanía alimentaria, a custodia do territorio e os coidados e comunidade. Nesta nova edición de 2024, a temática son os coidados e comunidade, onde de maneira transversal, traballaremos valores como a igualdade, a creatividade e a sustentabilidade. Nesta primeira sesión o alumnado de 5º curso traballamos sobre as nosas referentes e outras cunha perspectiva máis global para identificar a conversa que queremos desenvolver nos seguintes obradoiros da actividade. Imaxes das dinámicas da actividade. |
Beatriz Riaño, terapeuta ocupacional, visitou o noso centro o venres 15 de novembro de 2024 para impartir obradoiros sobre accesibilidade. Foron realizados en tres quendas, ao longo do día: dúas quendas para 1º ciclo de EP e 2º ciclo de EP no horario de mañá, e xa pola tarde a quenda do alumnado de educación infantil.
Partimos da necesidade de ofrecer un centros educativo comprensible, capaz de proporcionar contornas e espazos onde as persoas os comprendan dunha maneira fácil, segura e autónoma o que facilitará que toda a comunidade coñeza e comprendan os múltiples elementos cos que conta o centro desde un punto de vista accesible.
Na aula de 5º de educación infantil, os exploradores de Monfero están a investigar sobre os animais da súa contorna e para iso empregamos a biblioteca como fonte de recurso e as familias, as cales investigaron sobre isto empregando o caderno de campo que vos adxuntamos a continuación. Nestas ligazóns podedes escoitar varios podcast do alumnado reflexionando en ferraganchos sobre estes animais, narrando o que mais lles chamou a atención.
.HEIC)
Un curso máis participamos do Festival Escolar Camiño Inglés organizado pola Federación de ANPAS de centros públicos de Ferrolterra.
Nesta ocasión cunha actividade teatral na que o alumnado do 1º ciclo da Ed. Primaria participaron, interactuaron e desfrutaron dun espectáculo multiartístico baseado no Camiño mais tamén nos principais recursos do concello de Narón: patrimonio costumes, lendas, festas de interese, etc.
Despois percorreron en compañía doutros centros da bisbarra un tramo do Camiño Inglés desde o Torrente Ballester, ata a Ermida das Angustias. Estiveron acompañados cuns peregrinos/as moi especiais que contaron unha historia relacionada co Camiño.
Unha xornada na que compartir e na que experimentar a riqueza do noso patrimonío cultural. Ultreia!
Tarde de obradoiro para preparar a nosa participación na Conmeración do Día da Infancia.
Nela contamos coa presenza de Nerea e Bea que xa é parte activa da nosa comunidade.
Moitas grazas EuroEume!!!!
Imaxe do desenvolvemento do obradoiro.
O próximo martes, 12 de novembro contaremos coa visita de tres persoas docentes das localidades belgas de Maldegem e de Eeklo (situadas na provincia belga de Flandes Oriental).
Será unha xornada de intercambio e experiencias onde alumnado e profesorado amosaremos como se desenvolven as competencias do noso alumnado que na xornada de hoxe estamos a preparar.
Faremos especial fincapé na aprendizaxe matemática pero tamén amosaremos a importancia da conexión co medio natural na aprendizaxe e no desenvolvemento das competencias dixitais para a cidadanía.
Imaxe da reunión do profesorado participante na iniciativa.
O Equipo de Dinamización da Lingua Galega e o Departamento de Lingua e literatura galega organizaron un obradoiro de microrrelatos co gallo da conmemoración do Samaín no centro.
Hoxe reunímonos os mestres que imos ir de viaxe a Split para elaborar a presentación do noso centro que será enviada a Croacia a través do CFR de Ferrol.
Este
venres estivemos na entrega de premios do XII Concurso de “Boas Prácticas
Educativas”.
Grazas
a Mellora a túa Escola Pública pola excelente organización dunha xornada para
compartir experiencias e chea de novas aprendizaxes. Parabéns a todos os centro
premiados é unha honra estar entre os centros finalistas co noso proxecto MonferoSolidario.
Video resumo da iniciativa presentado polo centro.
Venres 18 outubro 2024. 14:00 horas. Biblioteca. Planificación da visita Job-Shadowing dun grupo de docentes belgas (prevista para o martes 12 de novembro 2024).
A finalidade desta actividade é aprender a realizar unha recollida selectiva dos residuos xerados no centro coa finalidade de xerar unha conciencia ecosocial das nosas responsabilidades persoais. Para isto contamos coa colaboración de Sogama que é encargada de impartir os tres obradoiros nos que participou o alumnado da etapa da Ed. Primaria.
A idea é que os contedores de separación do lixo cos que contamos no centro sexan aproveitados adecuadamente. Ademais, este curso queremos darlle pulo á compostaxe para que a horta escolar non careza dos nutrientes necesarios para que a mesma creza esplendorosa.
Desta forma, Cristina a monitora da actividade, acompañounos durante toda esta xornada escolar.
Moitas grazas!!!!
.JPG){kind=link}