NOITEBOA

Noiteboa teatro from satelite1

RIFA DE CORES

OS XOGUETES MÁIS ADECUADOS

As festas do Nadal están á volta da esquina, e, con elas, o apalpador, Papá Noel, e os Reis Magos entran nos fogares cheos de agasallos para os máis pequenos...

Por iso, dendo o CPI VIrxe da Cela, gustaríanos ofrecer unhas pautas ás familias para que poidades axudar aos pequenos a facer unha boa petición nas cartas a cada un deles.

Agardamos que sexan de utilidade!

ASESORAMENTO NA ELECCIÓN DE XOGUETES

Asesorando nos xoguetes 2015 from Veronica DEL Rio

Boas Festas!

APOIANDO ÁS FAMILIAS DO COLE

O último día de cole é, para moitos, motivo de moita alegría. Sen embargo, para outros, supón unha preocupación e tristeza, ao ver que os resultados non son todo o bos que desexaron. Nos fogares, isto produce tensións e disgustos que non sempre xestionamos do mellor xeito. 

Por iso, nesta ocasión, queremos compartir con vós un boletín no que ofrecemos unha serie de pautas para o mellor tratamento das notas cando non son positivas.

PAUTAS PARA ENFRONTARNOS AOS SUSPENSOS DOS NOSOS FILLOS

Dende o centro, queremos felicitar o todo o alumnado que obtivo unhas cualificacións tal e como agardaban...e, ao resto, animámosvos a que sigades traballando. Lembrade que é este só o comezo do curso, e non hai ningunha decisión tomada aínda. O equipo educativo ao completo ofrecerá, coma sempre, todo o apoio que precisedes para rematar o curso do mellor xeito. Animo!

Felices Festas para todos e todas!

postal

CONTACONTOS NO DÍA DOS DEREITOS HUMANOS

O 10 de decembro celebrouse o Día dos Dereitos Humanos, e para conmemorar esta data tan importante os alumnos e alumnas da ESO realizaron unha actividade de contacontos para os nenos e nenas de infantil e primaria.

A través do conto “Antón, o neno que non quería ir á escola”,  descubrimos á importancia do Dereito á Educación, o que supón non saber ler nin escribir e a sorte que temos de poder ter uns mestres e mestras que nos ensinan tantas cousas. Tamén nos axuda a comprender que debemos  aproveitar a oportunidade que temos de ir á escola e esforzármonos por aprender para ter un futuro mellor, non como Antón, o protagonista do noso conto, que non tiña ningún interese en aprender ata que descubríu o importante que era saber ler.

Hoxe en día a pesar de que o dereito á educación está ampliamente recoñecido en numerosas Convencións e Tratados Internacionales, hay 57 millóns de nenos  e nenas en todo o mundo que non van á escola e outros  tantos reciben unha educación discontinua ou deficiente.

Nós temos garantido este dereito, en outros países non o teñen. Aproveitemos a oportunidade que temos de poder aprender e denunciemos  ao mesmo tempo o incumplimento do Dereito á Educación que se está a dar en tantas partes do mundo.

E para rematar a actividade os rapaces e rapazas da ESO agasallaron a cada unha das aulas cunha  pequena semente que simboliza á Educación, e explicaron aos nenos/as que esta semente, despois de cuidala e abonala, dará o seu froito, como o fará a educación que recibamos cada un de nós.

                   Aquí vos deixamos o conto de Antón, o neno que non quería ir á escola.

          


     

Dar as grazas as alumnas de 4º ESO do CPI Conde de Fenosa (Ana Martínez, Mayolla Martínez, Paola Toribio, Alba Teijeiro e Lara Rey) que foron as que crearon e ilustraron o conto de Antón e o compartiron con nós.

O CPI Virxe da Cela e o CPI Conde de Fenosa colaboran no intercambio de materiais, recursos e actividades, así como na realización de actividades dinamizadoras.

    
     CONTACONTOS POLO DEREITO DOS NENOS Á EDUCACIÓN - Kizoa Movie Maker

CONCURSO DE FOTOGRAFÍA "GALICIA: AUGA E LITERATURA"

Dicen que no hablan las plantas, ni las fuentes, ni los pájaros... Rosalía de Castro 

Tras el éxito del año pasado, os anticipamos la próxima convocatoria de la II edición del concurso de fotografía“GALICIA, AUGA E LITERATURA”, patrocinado por Viaqua. De nuevo, el objetivo de este certamen es acercar la literatura gallega a los escolares de Educación Primaria y Secundaria a través del agua. Para ello, deberán elegir un poema o verso determinado e ilustrarlo con una fotografía. El trabajo es de los jóvenes pero tu colaboración es muy importante, de ahí que haya premios tanto para los alumnos como para los profesores. Ayuda a tus alumnos a descubrir los placeres de la literatura así como los lugares y elementos de la naturaleza que les sirvan de inspiración y apoyo a la hora de realizar la actividad. ¿Qué te parece? ¿Os animáis a empezar a trabajar ya en ello? En breve, publicaremos las bases del concurso y el plazo de participación. Desde o meu río da alegría contemplo o recorrer de cada hora... 

Darío Xohán Cabana. 

UNHA ESPECTACULAR VIAXE POLO FONDO DO MAR.........SEN AUGA

A PALABRA XUSTA: UNHA DEFENSA APAIXOADA DO OFICIO DE MESTRE

Hoxe queremos compartir con vós o trailer do documental A Palabra Xusta. Unha película na que Antía Cal fai unha defensa apaixoada do oficio de mestre. Nas palabras desta muller de 92 anos está a sabedoría dos que se enfrontan todos os días á educación e á formación dos nenos e mozos.

                                                         Vale a pena ver a súa testemuña!!!

Picade na imaxe para velo.

h

NEIRA VILAS: SEMPRE NA MEMORIA

Morreu no día de onte, o último dos chamados "renovadores da prosa galega" (Fole, Blanco Amor, Cunqueiro e el), don Xosé Neira Vilas. Sempre entristece a morte, dolorosa lei de vida, dos bos e xenerosos, coma este autodefinido "xornaleiro da palabra e traballador das Letras". Reconforta, porén, a súa traxectoria vital e o seu legado. Afortunado foi o noso pobo con tódolos que no seu seo naceron, viviron, traballaron con dilixencia e dedicación e, finalmente, morreron merecedores do cariño e amor da terra.

"Eu só quería contar o que pasaba na aldea, fronte á visión idílica, bucólica e humorística que había". Sen máis. Así respondía Neira Vilas cando lle preguntaban por Memorias dun neno labrego e pola feliz excepción na nosa literatura que supoñen os seus 600.000 exemplares vendidos. Sobrábanlle as teorizacións. Só quixera -salientaba nas entrevistas- dicir a verdade. Fronte á visión chocalleira e folclórica do rural. Escoitalo a el, na súa casa de Gres, (Vila de Cruces), era, tamén, por momentos, como ouvir o seu personaxe, Balbino, décadas despois. “Coma quen dis, un ninguén”. Un “ninguén” que falou por todos os outros ninguén, que somos nós. Non só os rapaces de aldea. Anos despois, nos 70, chamáronlle literatura social-realista. Denuncia da opresión dos subalternos. Pero el xa o fixera. Coma Blanco-Amor, a quen citaba como referente. E non precisaba etiquetas.

Neira Vilas, sempre na memoria, e inmortalizado por Balbino, representante da súa obra por antonomasia.

              

PROGRAMACIÓN CULTURAL DECEMBRO DEPUTACIÓN CORUÑA

Cartel programacion decembro from satelite1

Folleto programacion decembro from satelite1

GALA DE ENTREGA DE PREMIOS DO VI FESTIVAL DE CINE OUFF ESCOLA DE OURENSE

O CPI Virxe da Cela entre os finalistas do VI Certame de Cinema OUFF Escola enmarcado dentro do festival de Cine Internacional de Ourense (OUFF).

O OUFF escola, é un concurso que ten como obxectivo o fomento da participación do alumnado en proxectos audiovisuais, impulsar a creatividade, o traballo en equipo e o uso do idioma galego. Tamén pretende potenciar   a utilización das tecnoloxías da información e comunicación nos centros de ensino e crear un espazo de referencia para a mostra audiovisual feito nas aulas.

Nesta edición do certamen   concurreron  124 traballos de centros de Enseñanza Primaria e Secundaria de toda Galicia. A entrega de premios tivo lugar no Auditorio Municipal de Ourense o luns  16 de Novembro de 2015.

Noraboa a todos e todas polo traballo realizado e aínda que non acadamos o premio final , xa somos uns gañadores por chegaren ata aquí.

 Parabéns a todos aos alumnos e alumnas que participáchedes no traballo, aos que estades no centro e aos que estabades o ano pasado en 4º ESO que  fuchedes  parte principal na realización deste proxecto. 

http://www.lavozdegalicia.es/noticia/ferrol/monfero/2015/11/18/premio-cine-cpi-virxe-da-cela/0003_201511F18C9996.htm

Certame de cinema ouff escola from satelite1

O PORTAL DA LINGUA GALEGA

Para acceder ao portal da lingua galega premede na imaxe inferior

PREMIOS SAMAÍN 2015

Non foi nada doado tomar a decisión dos gañadores no concurso de portas de Halloween/Samain. O traballo do noso alumnado, a implicación, actitude positiva, compañeirismo, e ilusión puxéronnos  as cousas realmente complicadas.
Afortunadamente, a colaboración de Álvaro, o noso conserxe, María Xosé como representante do profesorado de Primaria, Marta coma representante do de Secundaria, Verónica, orientadora, e a inestimable participación de Nina e Diego, representando ao alumnado do centro, todos eles membros do tribunal avaliador, posibilitaron a toma de decisións.
E.... os gañadores foron.....
DE INFANTIL E PRIMARIA... Os alumnos e alumnas de 6º! Pola magnífica e creativa representación do duro camiño cara a temida ESO

E, en Secundaria.... Os alumnos de 2º ESO! pola súa orixinalidade e minuciosidade no traballo...

A todos e cada un dos que participástedes cun sorriso, noraboa e agradecemento do profesorado.

CONCURSO LETRAS GALEGAS 2016

Pdf letras galegas_2016 from satelite1

ALGO TERRIBLE OCORRE NO CPI VIRXE DA CELA...

Este curso, con motivo do Samaín/Halloween, o alumnado do centro convertiu cada rincón, cada espazo.... nun horror... co obxecto de gañar un concurso no que se lles fará entrega dun recoñecemento escalofriante.
Nos corredores voan as pantasmas, na biblioteca resucitan  aos mortos... Qué máis pode ocorrer?
O xoves 29, dous maquivélicos tribunais avaliadores valorarán qué grupos serán os gañadores de tan dura batalla forxada con esqueletos, teas de araña, morcegos, cabazas, bruxas....




                  
Aquí deixamos os exemplos das grandes obras do noso alumnado!

E os pequeniños do cole? Vístedes o gran traballo do alumnado de Infantil? Impresionante!

En fin! Orgullos@s de ser profes! Grazas a todos os participantes