“Dinamización e socialización nunha contorna rural” é o título do relatorio impartido no Curso de Galego para o Funcionariado en Prácticas no CFORE de Ferrol. A través desta ponencia divulgamos a práctica dinamizadora que o EDLG está levando a cabo no CPI Virxe da Cela, en Monfero (A Coruña).
Dinamización e socialización nunha contorna rural
sábado, 3 de diciembre de 2011
jueves, 24 de noviembre de 2011
MONOGRÁFICO PARA O NADAL
Por segundo ano consecutivo, a CGENDL pon á disposición da comunidade educativa un monografico para o Nadal . Deste modo, dende a Coordinadora ofrece a súa páxina como unha plataforma web colaborativa que recolle recursos e materiais elaborados nos propios centros escolares. Os monográficos de Nadal, Entroido, Letras Galegas, etc. completan o espazo de recursos xeral ( http://ir.gl/8b9eb4 ), de acceso para os membros do colectivo, que na actualidade conta cunhas 200 entradas. No especial de Nadal podedes atopar:
1.- Recursos para traballar nas aulas: escolma de recursos elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, modelos de cartas para enviar aos Reis Magos e o Apalpador, o refraneiro, bases de concursos, etc.
Enderezo: http://www.coordinadoraendl.org/nadal2011/recursos/index.php
2.- Postais elaboradas polo alumnado: espazo destinado a recoller as felicitacións feitas polo alumnado que, unha vez dixitalizadas, poden ser enviadas, a través da rede e de modo moi sinxelo, polo propio alumnado e as súas familias para felicitar as festas e o novo ano. O prazo de recepción de postais continuará aberto ata o 19 de decembro.
Enderezo: http://www.coordinadoraendl.org/nadal2011/index11.php
1.- Recursos para traballar nas aulas: escolma de recursos elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, modelos de cartas para enviar aos Reis Magos e o Apalpador, o refraneiro, bases de concursos, etc.
Enderezo: http://www.coordinadoraendl.org/nadal2011/recursos/index.php
2.- Postais elaboradas polo alumnado: espazo destinado a recoller as felicitacións feitas polo alumnado que, unha vez dixitalizadas, poden ser enviadas, a través da rede e de modo moi sinxelo, polo propio alumnado e as súas familias para felicitar as festas e o novo ano. O prazo de recepción de postais continuará aberto ata o 19 de decembro.
Enderezo: http://www.coordinadoraendl.org/nadal2011/index11.php
lunes, 14 de noviembre de 2011
CONCURSO DE PRESENTACIÓNS ELECTRÓNICAS PARA FELICITAR O NADAL
A Secretaría Xeral de Política Lingüística convoca un concurso de presentacións electrónicas para felicitar o Nadal en lingua galega. Logo da ampla participación acadada na primeira edición da iniciativa, en 2010, con máis dun cento de propostas recibidas, a secretaría xeral pon de novo en marcha este concurso, co que busca promover a presenza do galego na comunicación propia das festas de Nadal e tamén no ámbito das tecnoloxías.
Os traballos que participen no concurso deben facer referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Ademais do tema, valorarase o enxeño e o coidado estético e lingüístico das propostas. A extensión máxima das presentacións é de 10 diapositivas e o peso non deberá exceder os 10 Mb, para favorecer o seu envío por medios electrónicos comúns.
Os traballos que participen no concurso deben facer referencia a un tema vinculado con estas datas, para felicitar o Aninovo, o Día de Reis ou as festas de Nadal en xeral. Ademais do tema, valorarase o enxeño e o coidado estético e lingüístico das propostas. A extensión máxima das presentacións é de 10 diapositivas e o peso non deberá exceder os 10 Mb, para favorecer o seu envío por medios electrónicos comúns.
lunes, 7 de noviembre de 2011
CONCURSO DE PEÓNS
POLO SAN MARTIÑO PEÓNS Ó CAMIÑO!!!
O día 8 de novembro os nenos e nenas de Educación Primaria e Infantil do noso centro fixeron unha exhibición de baile de peóns e posteriormente realizaron unha exposición de todos os peóns que eles mesmos decoraron.
Se queredes coñecer mais a fondo o mundo dos peóns, picade enriba da imaxe.
SAMAÍN 2011
Mouchos, curuxas, sapos, bruxas e cabazas...
O alumnado de Educación Primaria e Educación Infantil realizou con motivo do Samaín unha exposición de cabazas decoradas e elaboradas polos rapaces e rapazas. Tamén pintáronse a cara con maquillaxe , pero como di o refrán… “unha imaxe vale mais que mil verbas”. Así que aquí vos deixamos un vídeo feito pola profe Camino no que podedes ver as espectaculares cabazas feitas polo alumnado e a sesión de maquillaxe dos nenos e nenas. A verdade é que algúns daban medo de verdade!!!
O alumnado de 4º da ESO decorou a súa aula para recrear a ambientación do Samaín utilizando cabazas, teas de araña e outros elementos decorativos.
APLICACIÓNS DA INVESTIGACIÓN XENÉTICA
"Aplicacións da investigación xenética: o seu uso na práctica policial" é o título da segunda videoconferencia organizada pola CGEDLG con motivo da celebración do II Día da Ciencia en Galego, impartida por Ángel Carracedo, Catedrático de Medicina Legal e director do Instituto de Medicina Legal e do Grupo de Medicina Xenómica da USC.Esta segunda videoconferencia tivo lugar de 12:30 a 13:30 horas o venres 4 de novembro de 2011, e a ela asistiron o alumnado da ESO. Unha introdución sobre o ADN foi o punto de partida para achegar as aplicacións da xenética no campo da investigación forense, área no que os grupos de investigadores liderados por Ángel Carracedo lideran a produción científica mundial. Os departamentos de CCNN e Matemáticas mostraron grande interese na participación no esta actividade, que ao igual que a primeira videoconferencia dirixida para o alumnado de 2º e 3º ciclo de primaria, foi todo un éxito. De novo, tras a conferencia, o alumnado tivo a oportunidade de lanzar a súas preguntas a través dun chat.
ANO INTERNACIONAL DAS ÁRBORES
"Sabes por que 2011 é o Ano Internacional dos Bosques?" é a pregunta a través da cal Mª Isabel Fraga Vila, profesora e membro da cátedra de Botánica da USC e directora do Museo de Historia Natural da universidade, introduciu a súa ponencia, enmarcada dentro das actividades promovidas pola CGEDLG para celebrar o II Día da Ciencia en Galego. O alumnado de 2º e 3º ciclo de EP asistiron a esta videoconferencia que tivo lugar entre as 10:30 e 11:30 da mañá do venres 4 de novembro de 2011. Tras a interesante charla sobre os bosques como parte integrante do desenvolvemento sostible do planeta e os seus beneficios económicos, socioculturais e ambientais, o alumnado tivo a oportunidade de interactuar formulando preguntas a través dun chat, que Mª Isabel Fraga Vila foi respondendo dunha maneira moi didáctica. Tanto o alumnado como o profesorado participante nesta actividade mostrou o seu interese por repetir. Os nosos parabéns á CGEDLG!!!
sábado, 5 de noviembre de 2011
miércoles, 26 de octubre de 2011
II DÍA DA CIENCIA EN GALEGO.
ESTE ANO A QUÍMICA FALA GALEGO.
II DÍA DA CIENCIA EN GALEGO
O día 4 de novembro de 2011 celebraremos o II Día da Ciencia en Galego adicado a exaltar o papel da Ciencia e da Tecnoloxía na creación e profusión da Cultura Galega. A actividade realízase en toda Galicia o mesmo día.
Este ano celébrase o Ano Internacional da Química. Conmemórase o premio Nobel de Química concedido a Marie Curie no 1911 polos seus descubrimentos dos novos elementos Radio e Polonio. Marie Curie é a primeira persoa que recibe dous premios nobeis (de Física e Química); posteriormente só houbo outra persoa. É a primeira muller que recibe un premio Nobel, é a primeira muller que dá clases na Universidade da Sorbona,... fai os seus descubrimentos estando fóra da Universidade, antes de que sexa nomeada profesora, e tendo dúas fillas (unha delas premio Nobel, tamén). Razóns de sobra para homenaxeala neste día Galego da Ciencia.
Así, o 4 de novembro homenaxéase a Marie Curie e á matemática galega Mª Wonenburger, facendo tamén unha homenaxe ás primeiras mulleres que dan clase, fan ciencia, e cambian para sempre a maneira de ver o papel da muller na ciencia.
Pica nas imaxes para saber mais destas científicas
viernes, 21 de octubre de 2011
MAGO RAFA
O pasado martes, 11 de outubro de 2011, no pavillón polideportivo do Xestal, tivemos unha visita un tanto especial... O mago Rafa viría por primeira vez actuar á escola. O espectáculo constou de diversos e variados números (con cordas, naipes e outros obxetos). Requeriu a colaboración dalgúns alumnos (como Álex, de quinto de Primaria) e de profesores. A maioría dos números, explicábaos e, a miúdo, sorprendíanos. Foi unha xornada moi amena.O mago Rafa concedeunos unha breve entrevista para saber máis sobre el:
*****
P.: Dende onde vides?
R.: Vimos dende Lugo.
P.: Cómo comezache no mundo da maxia?
R.: Sempre me gustou moito, dende moi pequeniño.
P.: Por onde adoitas actuar?
R.: En colexios, na rúa ou, coma neste caso, contratado polos concellos.
miércoles, 21 de septiembre de 2011
CIRKOTE
O luns 19 de setembro de 2011 todo o alumnado do CPI Virxe da Cela asistiu a un divertido espectáculo de maxia e malabares a cargo da compañía Cirkote.
viernes, 24 de junio de 2011
APRENDENDO DOS NOSOS MAIORES
O pasado xoves 23 de xuño o alumnado da ESO asistiron a unha animada charla impartida polo cura de Xestoso, acompañado por varios homes e mulleres que pertencen ao Consello de Maiores de Xestoso. Esta charla estaba centrada nos "Oficios antigos". Tras a proxección dun vídeo explicando varios oficios tradicionais: ferreiro, tecelá, panadeiro, etc, iniciuse unha animada charla na que os maiores explicaron aos máis novos todos os seus coñecementos. Tamén amosaron varios obxectos de
miércoles, 15 de junio de 2011
MICROTOPONIMIA
Esta actividade foi realizada polo alumnado de 1º de ESO na materia Proxecto Interdisciplinar. Cada alumno/a levou para a casa unha ficha de recollida de datos e indagou no seu contorno familiar sobre os microtopónimos dos arredores da súa casa. Con esta ficha feita, buscaron imaxes do satélite da súa zona, usando para iso o Sixpac ou Google Maps. Unha vez atopada a zona de recollida gardaron as fotos e escribiron os microtopónimos na foto para situalos xeograficamente. Toda a información recollida configurou una exposición con paneis que incluían os mapas da zona situando os topónimos recollidos polo alumnado, que está situada na entrada do edificio de Secundaria.
Os topónimos son os nomes dos lugares. Por exemplo son topónimos: A Coruña, Lugo, Monfero, ou O Xestal. Os microtopónimos son o mesmo pero para os lugares pequenos: fincas, leiras, camiños, outeiros, fontes, pedras, árbores, casas… teñen nomes propios que son os chamados microtopónimos.A función dos topónimos é dobre, primeiro teñen a función de nomear os lugares, e segundo teñen a función de localizar estes lugares nunha posición xeográfica con exactitude.
Moitos nomes dos lugares, sobre todo de lugares pequenos non teñen presenza nos mapas nin nos carteis das estradas, pero tamén forman parte da nosa cultura, do noso patrimonio, aínda que inmaterial, e está en perigo de extinción cando desaparezan as persoas maiores que os coñecen e os usan. Por iso pensamos que é importante recollelos, estudalos, conservalos, respectalos e trasmitilos como calquera monumento ou espazo natural e que as parcelarias ou a memoria non nos priven desa riqueza que no noso país é máis abondosa que en calquera outra parte do mundo.
Microtoponimia cpi virxe da cela
View more presentations from satelite1.
lunes, 30 de mayo de 2011
OS MAIOS: A FESTA DAS FLORES
Como xa vén sendo toda unha tradición no noso centro dende hai catro anos, o pasado venres 27 de maio celebramos a festa das flores, tratando de recuperar a tradición dos maios que xa estaba a desaparecer nesta zona. O alumnado de educación infantil, primaria e secundaria reuniuse no patio cuberto para participar nunha festa adornada con frores e amenizada por música e danzas. Xa desde primeiras horas da mañá un grupo de mozos e mozas de secundaria, axudados por un grupiño de nenos e nenas de infantil, elaboraron un fermoso maio a base de pétalos e ramas, todo un festival de cores que vestiu o chan do patio. O alumnado de primaria tamén estivo realizando un maio en formato bidimensional coa mestra de educación artística, que está situado na entrada do edificio de primaria. Non faltou a música, empapando a atmósfera con melodías tradicionais ao ritmo do tamboril, o bombo, a pandeireta, e cálida melodía das frautas e o acordeón. E, como non, o baile grupal, con estructuras de danza a base de rodas e filas enfrentadas, do xeito máis tradicional.
miércoles, 25 de mayo de 2011
ZOOLOXÍAS DOMÉSTICAS
"Zooloxías domésticas" é o atractivo título do obradoiro impartido por Alberto Barreiro ao alumnado de 5º e 6º de primaria o pasado martes 24 de maio en horario de 15:00 a 16:15 horas. A biblioteca escolar foi o espazo ideal para desenvolver este obradoiro de escritura creativa e ilustración proposto pola Editorial Kalandraka, baseándose no libro "Imaxina animais", de Xosé Ballesteros e Juan Vidaurre.
Alberto amosou aos rapaces e rapazas as claves para convertir un simple obxecto (un abrelatas, unha lámpada, unha trompeta, unhas tesouras) nun ser vivo único e peculiar, e bautizalo co nome que ilustre tanto os seus rasgos materiais como animais, e inventar unha descrición do mesmo que aporte datos sobre o seu modo de vida, o seu hábitat, a súa alimentación... deixando en todo momento voar a imaxinación. Os resultados foron espectaculares, acadando una coleción de curiosos seres: gaivofón, palur, canchán, pimbo, cuchamari, cuchipé, tartacás, peixabre, galixés, etc...
No blogue "PALABRAS NO AR"podedes consultar orientacións didácticas para facer obradoiros de ilustración e escritura creativa.
PALABRAS NO AR é unha campaña de dinamización lingüística deseñada por KALANDRAKA EDITORA para a Secretaría Xeral de Política Lingüística no marco do seu programa BOCABERTA,
Alberto amosou aos rapaces e rapazas as claves para convertir un simple obxecto (un abrelatas, unha lámpada, unha trompeta, unhas tesouras) nun ser vivo único e peculiar, e bautizalo co nome que ilustre tanto os seus rasgos materiais como animais, e inventar unha descrición do mesmo que aporte datos sobre o seu modo de vida, o seu hábitat, a súa alimentación... deixando en todo momento voar a imaxinación. Os resultados foron espectaculares, acadando una coleción de curiosos seres: gaivofón, palur, canchán, pimbo, cuchamari, cuchipé, tartacás, peixabre, galixés, etc...
No blogue "PALABRAS NO AR"podedes consultar orientacións didácticas para facer obradoiros de ilustración e escritura creativa.
viernes, 20 de mayo de 2011
OLLOBOI: III CONCURSO AUDIOVISUAL GALEGO
Varias das propostas audiovisuais de Xesteira Films (Produtora do EDLG do CPI Virxe da Cela)participarán no certame OLLOBOI. Podedes visitar a páxina que contén os traballos que foron pasando o proceso de preselección, entre elas "Os trece anos de Branca", "Os dereitos humanos" ou "A taberna de Antonio", protagonizados polo alumnado do noso centro.
OLLOBOI
O grupo Rodaxe (GT Obradoiro Audiovisual) convoca o III Concurso Audiovisual Galego “OlloBoi” que se rexerá polas seguintes
BASES
A modalidade de participación é a video-edición, xa sexa en formato documental ou en curtametraxe (de duración non superior aos 20 minutos).
O produto final deberá aloxarse nun servidor web, como por exemplo Vimeo, Youtube, DailyMotion, etc.
A temática e lingua dos traballos será libre, aínda que se valorará o uso ou referencia ao idioma galego.
Aceptaranse traballos realizados nos últimos 3 anos que non se presentaran en edición anteriores do concurso.
Poderase participar individualmente ou en grupo, con ou sen tutela do profesorado. O xurado terá en conta que a autoría do traballo sexa non profesional.
Os alumnos menores de idade que participen deberán contar co consentimento paterno para seren gravados ou fotografados, así como para a promoción do traballo realizado.
A entidade organizadora poderá divulgar os traballos presentados nas súas páxinas na rede.
PARTICIPACIÓN: Vías e prazos
Os traballos deberán pendurarse nun portal web antes do 10 de xuño, incluído, indicando no formulario de inscrición (aínda non dispoñible) a dirección (URL) onde están albergados.
TRIBUNAIS e PREMIOS
Os traballos de todos os participantes estarán enlazados dende o día 10 de xuño no sitio web http://rodaxe.info dende onde se poderá acceder a un formulario para votar online. A votación conlevará a participación no sorteo dun lote de camisetas.
Establécense as seguintes categorías con cadanseu tribunal e premio:
1º Premio Rodaxe (300 €) ao mellor traballo, concedido polo grupo Rodaxe Obradoiro Audiovisual.
2º Premio Rodaxe (100 €) ao segundo mellor traballo, concedido tamén polo grupo Rodaxe.
Premio Impinxidela (100 €) ao mellor traballo en lingua galega, concedido por Impinxidela, EDNL do IES Leliadoura de Ribeira.
Premio especial OlloBoi do público (100 €) de acordo cos votos recollidos online e en papeletas nas proxeccións previas á gala de entrega de premios.
Non se descarta a inclusión de novas categorías de premios en función dos posibles patrocinios conseguidos.
A organización resérvase o dereito a declarar deserta unha ou as dúas categorías.
A data e lugar de entrega de premios confirmaranse no mes de maio, na páxina http://rodaxe.info
jueves, 19 de mayo de 2011
A GASTRONOMÍA GALEGA
Coa charla e os obradoiros sobre a comidia india realizados o luns 23 de maio de 2011 no horario de 14:45 a 16:25, damos por finalizado a elaboración de actividades enmarcadas no proxecto School to School da Fundación Vicente Ferrer, que este curso académico 2010-2011 está centrado na temática da gastronomía. Por tanto o último paso consistirá no envío de todo o material gráfico e audiovisual que se realizou no noso centro á Pinnandari School, situada no distrito de Atmakur, (Anantapur, a India).
O alumnado de 3º da ESO foi o encargado de impartir tanto a charla como os obradoiros ao alumnado de 5º e 6º de primaria. En primeiro lugar, tivemos unha proxección de diapositivas sobre a alimentación e os hábitos alimenticios na India, explicada por varios alumnos/as de 3º da ESO. Posteriormente realizouse un pequeno obradoiro para aprender os nomes dos alimentos na lingua telegu, que é falada en Anantapur, a zona onde se desenvolve as accións da Fundación Vicente Ferrer. Tamén o alumnado de 3º da ESO dramatizou un pequeno diálogo para explicar frases básicas na lingua telegu. Xa na biblioteca escolar os rapaces e rapazas de 5º e 6º de primaria realizaron un divertido obradoiro no que tiñan que clasificar as diferentes especias, así como facer unhas fichas avaliativas sobre a información recibida durante a charla.
O alumnado de 3º da ESO foi o encargado de impartir tanto a charla como os obradoiros ao alumnado de 5º e 6º de primaria. En primeiro lugar, tivemos unha proxección de diapositivas sobre a alimentación e os hábitos alimenticios na India, explicada por varios alumnos/as de 3º da ESO. Posteriormente realizouse un pequeno obradoiro para aprender os nomes dos alimentos na lingua telegu, que é falada en Anantapur, a zona onde se desenvolve as accións da Fundación Vicente Ferrer. Tamén o alumnado de 3º da ESO dramatizou un pequeno diálogo para explicar frases básicas na lingua telegu. Xa na biblioteca escolar os rapaces e rapazas de 5º e 6º de primaria realizaron un divertido obradoiro no que tiñan que clasificar as diferentes especias, así como facer unhas fichas avaliativas sobre a información recibida durante a charla.
Circular profes as especias
Galician food
View more presentations from satelite1.
Lista alimentos en galego
View more presentations from satelite1.
Ficha especia
View more presentations from satelite1.
Queres aprender a lingua telegu
View more presentations from satelite1.
miércoles, 18 de mayo de 2011
XORNADA DAS LETRAS GALEGAS E INTERNET
A Secretaría Xeral de Política Lingüística infórmao de que a celebración da xornada Letras Galegas e Internet, terá lugar en Santiago de Compostela o vindeiro xoves, 19 de maio. Tamén colaboran a Secretaría Xeral de Modernización e Innovación Tecnolóxica e a Secretaría Xeral de Medios.
A coincidencia no 17 de maio da celebración do Día das Letras Galegas e do Día de Internet constitúe unha boa oportunidade para facer dialogar estes dous elementos decisivos hoxe para o futuro dos galegos e das galegas. As novas tecnoloxías e a lingua son ferramentas básicas para o noso desenvolvemento social e persoal e, cada vez máis, forman parte da configuración da nosa identidade.
A información e as tecnoloxías derivadas das telecomunicacións e da informática como medio para transportala precisan do vehículo lingüístico para chegar ás persoas. A lingua galega, como elemento definitorio da comunidade humana que conformamos, constitúe un valor engadido para que esa chegada sexa efectiva, próxima, empática. Para a lingua galega, pola súa parte, a canle da Internet e das novas tecnoloxías ofrece un novo pulo para a súa difusión, para o seu prestixio, para a multiplicación das súas funcións sociais. Para os falantes, ese diálogo en marcha entre lingua galega e tecnoloxía abre as portas á posibilidade de facer vida en galego.
A Secretaría Xeral de Política Lingüística quere aproveitar esta data de festexo para contribuír a difundir entre a sociedade os novos recursos lingüísticos dispoñibles a través da Rede. Con este obxectivo organiza a xornada Letras Galegas e Internet, que terá lugar en Santiago de Compostela o vindeiro 19 de maio, na que tamén colaboran a Secretaría Xeral de Modernización e Innovación Tecnolóxica e a Secretaría Xeral de Medios. Boa parte destes recursos lingüísticos que se presentan na xornada son aplicacións nas que a secretaría xeral está a colaborar para contribuír á calidade da lingua e ao seu prestixio social, que lle ofrecerán á cidadanía novas oportunidades para sentirse máis segura traballando e comunicándose en galego no lecer e nas relacións a distancia.
A xornada poderase seguir por Internet en directo, de 10:30 a 13:30 h, en
www.cmg.xunta.es/emision/directo/directo.htm
A coincidencia no 17 de maio da celebración do Día das Letras Galegas e do Día de Internet constitúe unha boa oportunidade para facer dialogar estes dous elementos decisivos hoxe para o futuro dos galegos e das galegas. As novas tecnoloxías e a lingua son ferramentas básicas para o noso desenvolvemento social e persoal e, cada vez máis, forman parte da configuración da nosa identidade.
A información e as tecnoloxías derivadas das telecomunicacións e da informática como medio para transportala precisan do vehículo lingüístico para chegar ás persoas. A lingua galega, como elemento definitorio da comunidade humana que conformamos, constitúe un valor engadido para que esa chegada sexa efectiva, próxima, empática. Para a lingua galega, pola súa parte, a canle da Internet e das novas tecnoloxías ofrece un novo pulo para a súa difusión, para o seu prestixio, para a multiplicación das súas funcións sociais. Para os falantes, ese diálogo en marcha entre lingua galega e tecnoloxía abre as portas á posibilidade de facer vida en galego.
A Secretaría Xeral de Política Lingüística quere aproveitar esta data de festexo para contribuír a difundir entre a sociedade os novos recursos lingüísticos dispoñibles a través da Rede. Con este obxectivo organiza a xornada Letras Galegas e Internet, que terá lugar en Santiago de Compostela o vindeiro 19 de maio, na que tamén colaboran a Secretaría Xeral de Modernización e Innovación Tecnolóxica e a Secretaría Xeral de Medios. Boa parte destes recursos lingüísticos que se presentan na xornada son aplicacións nas que a secretaría xeral está a colaborar para contribuír á calidade da lingua e ao seu prestixio social, que lle ofrecerán á cidadanía novas oportunidades para sentirse máis segura traballando e comunicándose en galego no lecer e nas relacións a distancia.
A xornada poderase seguir por Internet en directo, de 10:30 a 13:30 h, en
www.cmg.xunta.es/emision/directo/directo.htm
jueves, 12 de mayo de 2011
A LECTURA, UNHA PORTA ABERTA AO MUNDO
Alumnado de 3º da ESO amosando o seu libro
Presentación do día das Letras Galegas na Biblioteca
Alumnado de 1º da ESO exhibindo o marcapáxinas
Co galo da celebración do Día das Letras Galegas 2011, o vindeiro Venres 13 de maio de 2011 realizarase unha actividade para o fomento da lectura en lingua galega. Todo o alumnado do centro será agasallado cun libro de contos en galego e un marcapáxinas conmemorativo. O acto terá lugar na Biblioteca Castelao, onde se realizará a entrega. Os grupos, acompañados polos seus titores/as visitarán a Biblioteca no seguinte horario:
•De 12:35 a 12:45: alumnado de 2º Ciclo de Educación Primaria.
•De 12:45 a 12: 55: alumnado de 3º Ciclo de Educación Primaria.
•De 13:00 a 13:05: alumnado de 1º ESO
•De 13:05 a 13:10: alumnado de 2º ESO
•De 13: 10 a 13:15: alumnado de 3º ESO
•De 13:15 a 13:20: alumnado de 4º ESO
O alumnado de Educación Infantil e 1º Ciclo de Educación Primaria recollerán os seus agasallos o mércores 18 de maio en horario de 12:35 a 13:00 (motivo: saída extraescolar o venres 13 de maio)
O alumnado de PCPI recibirá o agasallo a través do seu titor.
Agradecemos ao Concello de Monfero a doazón dos libros.
Esta actividade de fomento da lectura en lingua galega está promovida pola Biblioteca Escolar, o EDLG e o Departamento de AAEE.
martes, 3 de mayo de 2011
LETRAS GALEGAS 2011
Este ano o Día das Letras Galegas está adicado a Lois Pereiro.
Lois Pereiro, nado en Monforte de Lemos en febreiro de 1958, está considerado un mito da poesía galega contemporánea. Formou parte do denominado Grupo de Amor e Desamor, un conxunto de dez poetas da talla de Pilar Pallarés, Lino Braxe, Manuel Rivas, Mato Fondo, Xavier Seoane, Fenán-Vello... A súa obra fai del un autor de culto e representa a renovación e o achegamento aos lectores máis novos.
Para saber mais sobre Lois, tedes aquí unha serie de ligazóns coa súa biografía, recursos didácticos e demais. Só tedes que picar enriba deles.
Aquí vos deixameos unha presentación sobre a vida e obra de Lois Pereiro. Picade enriba dela para vela en grande.
jueves, 28 de abril de 2011
OBRADOIRO DE CONTAR CONTOS
AtrapacontosO pasado Venres 15 de Abril de 2011 o alumnado e o profesorado da ESO aprenderon das técnicas de creación e narración de contos a través dun divertido obradoiro impartido por Anxo Moure. Misturando a dramatización, o recitado, a improvisación e deixando voar a imaxinación conseguimos inventar e transmitir historias agrupadas cun mesmo denominador común: a Paz e a Solidariedade. A través das técnicas de narración oral podemos contribuír á transmisión de valores como a igualdade, o respecto, a amizade, o amor, etc. Este obradoiro estivo enmarcado na xornada da SAME (Semana de Acción Mundial pola Educación) celebrada no noso centro, acompañando a outras actividades como a celebración dun rastro solidario e a presentación da campaña da SAME polos técnicos de Entreculturas e de Educación sen Fronteiras en Galicia.
lunes, 28 de marzo de 2011
DANDO MOITO QUE FALAR...
Verónica Dopico e Yolanda Castro no CEFORE de Lugo 
“Dando moito que falar…” é o título da ponencia que tivo lugar o pasado luns 28 de Marzo de 2011 no CEFORE de Ferrol, enmarcada dentro do VI Seminario de Dinamización Lingüística no Ensino, na que as ponentes Verónica Dopico e Yolanda Castro divulgaron a práctica dinamizadora que o EDLG está levando a cabo no CPI Virxe da Cela, en Monfero (A Coruña).
Este título, "Dando moito que falar...", pretende ser un reflexo da nosa filosofía de traballo, xa que nós concibimos a escola coma como un lugar para a interrelación entre os individuos, e para iso é necesario un proceso de comunicación. Tratamos de potenciar unha comunicación fluída, directa, natural, case automática, a comunicación do día a día. Son diversas as actividades que engloban o noso “Proxecto de fomento do uso do galego”, pero é observable un predominio da oralidade, e gran parte das nosas actividades están encamiñadas á creación de situacións nas que o alumnado teña que comunicar, debater, dialogar, entrevistar, charlar, disertar, recitar, contar, manifestar, comentar, cuestionar, explicar, enunciar, propoñer, formular, opinar, isto, é, “dámoslles moito que falar…"
Suscribirse a:
Entradas (Atom)