CHARLA SOBRE O LOBO. ADEGA

A Asociación para a Defensa Ecolóxica de Galiza (ADEGA) visitou o noso centro para impartir unha interesante e controvertida charla sobre o lobo o mércores 16 de decembro 2020 (1ª quenda : 10:35-12:15 2ª quenda : 12:35-14:05), organizada polo departamento de Ciencias Naturais. O punto de partida desta asociación é a necesidade de reformular o Plan de Xestión da Xunta de Galicia coa finalidade de establecer medidas de control máis severas para a protección do lobo en territorio galego.N esta charla achegámonos un pouco máis a este mamífero co que convivimos e asúa situación actual en Galicia: a súa distribución, os seus hábitos, como identificar as súas pegadas, falsas crenzas e “fake news”, etc.   Foron moitas as preguntas e intervencións do alumnado da ESO. 

AULA STEAM. Programa educativo itinerante Afundación

Este curso tivemos a Aula Steam itinerante no centro.

Con ela o alumnado dos primeiros cursos da Ed, Primaria experimentou coa robótica básica dando valor a creatividade. Pincel e lapis entrelazados coa potencia dun pequeno robot fixeron que a creatividade escape das nosas mans.

Nos cursos de 5º e 6º coñecemos una nova aplicación da programación con Scratch:  programación electrónica con microbit.

Se queres coñecelos na páxina web de Afundación tes toda a información: https://www.afundacion.org/es/agenda/evento/aula-steam-afundacion

O contacontos Caxoto visitounos no día internacional da eliminación da violencia contra a muller

   O 25 de novembro é o día internacional da eliminación da violencia contra a muller, dende a Biblioteca Castelao  e o EDLG, invitamos a visitarnos ao contacontos Caxoto que nos ofreceu dúas actuacións con esta temática. Primeiramente actuou para a ESO cunha proposta titulada: "Machista eu?", despois actuou para 3º, 4º, 5º e 6º de Educación Primaria ca proposta: "Contos vellos novos finais".

Caxoto fai unha recuperación de contos tradicionais e relatos da nosa historia que lle serviron para falarnos  do machismo que está intrincado nos nosos costumes de tal maneira que moitas veces nin tan sequera somos conscientes. Falounos dos micromachismos, que como nos dixo, de "micro", non teñen nada, pasan máis desapercibidos pero son tan daniños como a propia violencia contra a muller.

FONDO DE PROXECTOS CULTURAIS XACOBEO 2021

No Portal da Lingua Galega dispoñedes de recursos procedentes do Fondo de proxectos culturais Xacobeo 2021, moi útiles tanto dentro como fóra das aulas. Podedes ver desde curtametraxes, documentais ou teatro ata videotitoriais sobre xoguetes tradicionais ou Toupiconsellos para os máis pequenos. Atoparédelos en:

 https://www.lingua.gal/o-galego/promovelo/rede-de-dinamizacion-linguistica/programas/contido_0152/.

XI DÍA DA CIENCIA EN GALEGO

     Desde que, no ano 2001, a UNESCO declarou o 10 de Santos como Día Mundial da Ciencia para a Paz e o  Desenvolvemento, novembro pasou a ser para todos nós o Mes da Ciencia. En consonancia con isto, desde hai once anos o profesorado de Galicia comezou a celebrar en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para facer pescuda, ensino e divulgación científica.

     Este mes en que conmemoramos o Día da Ciencia en Galego tamén vos pode interesar a recompilación de materiais específicos relacionados con este ámbito que se divulgan desde o web da SXPL: https://www.lingua.gal/o-galego/promovelo/conmemoracions/ciencia-en-galego. Non esquezades tampouco que, tal e como vos indicamos anteriormente, se vos apetece asistir á videoconferencia da investigadora galega Sonia Villapol debedes anotarvos en: http://www.igaciencia.eu/index.php/gl/node/350, e quen non poida conectarse terá a posibilidade de seguila en streaming na canle de You Tube do CAFI: https://youtu.be/AOCeGlHdlDk.

XXII EDICIÓN DOS ENCONTROS PARA A NORMALIZACIÓN LINGÜÍSTICA

 

Logo do aprazamento do pasado mes de abril, o Consello da Cultura Galega (CCG), co apoio da Secretaría Xeral de Política Lingüística (SXPL), retoma, do 13 ao 19 de novembro, a XXII edición dos Encontros para a normalización lingüística, centrados, nesta ocasión, na integración lingüística dos colectivos non galegofalantes de orixe. As gravacións dos relatorios estarán á vosa disposición desde este venres no web do CCG http://consello dacultura.gal/ e na súa canle de You Tube e, a partir do próximo luns, podedes asistir de xeito virtual aos debates correspondentes. O programa e toda a información atópase na seguinte ligazón: http://consellodacultura.gal/evento.php?id=200981.

Ccg ac 2020_xxii-encontros_normalizacion de satelite1

CHARLAS SOBRE AS FRAGAS DO EUME. SESIÓN 2

Martes 10 de novembro 2020. Sala UUMM. Impartida por Ángel Prieto (CEIDA) O alumnado de 4º, 5º e 6º EP, nos meses de novembro e decembro, realizarán diferentes roteiros polas Fragas do Eume e pola Costa de Dexo, organizadas polo CEIDA. Nestas saídas coñecerán a flora e a fauna, gozarán da paisaxe e coñecerán a maxia que envolve estes lugares. Antes de que cheguen os días, xa se están preparando para as actividades con charlas informativas que teñen lugar no colexio. Sen dúbida será unha experiencia moi gratificante!

Contextualización Educación Ambiental by veracruces on Scribd

MÓVETE XA! REVISTA DE EDUCACIÓN FÍSICA DO CPIP VIRXE DA CELA

Acaba de saír o primeiro número da revista Móvete Xa!, iniciativa da mestra de educación física Ruth Varela Mateos. Podedes consultala na súa versión papel (exposición diante da biblioteca Castelao) ou na súa versión dixital. Esta revista está escrita en lingua galega e conta con diversas seccións (entrevistas, debuxos, xogos, receitas saudables, etc) e lanzarase mensualmente. Aínda que é un proxecto realizado polo alumnado de educación primaria, contará tamén coas colaboracións de alumnado de infantil e da ESO, de  profesores/as, das familias e de deportistas profesionais. 

1 revista ef movete xa de satelite1

MONFERO ABRE O COLEXIO AOS MOVEMENTOS CIDADÁNS DE RECUPERACIÓN DA CULTURA

Hoxe no xornal La Voz de Galicia, na sección "La Voz de la Escuela", publícase o resultado de meses de investigación do alumnado da ESO e de varios departamentos, que a través da participación no programa "Prensa Escola", traballaron para recuperar a nosa cultura e as nosas tradicións. Desde o EDLG animámosvos a ler as reportaxes (foto con ligazón) e a votar ao noso centro para que pase á seguinte fase do concurso.

 

Para acceder á versión dixital  e á votación preme a seguinte imaxe: 

O grelo como sinal de identidade la voz galicia 4 nov 20 (1) de satelite1

CHARLA SOBRE AS FRAGAS DO EUME

Martes 3 novembro 2020. Alumnado 5º e 6º EP. UUMM

Actividades CEIDA: Saída as Fragas do Eume e Mariña terras coruñesas O programa 'Para unha Transición Ecolóxica', desenvolvido co apoio da Deputación da Coruña, pretende poñer en valor nos centros educativos da provincia da Coruña a importancia e valores destes espazos naturais protexidos, mediante actividades que permiten aos participantes enmarcados na súa contorna xeográfica, establecer vínculos afectivos co medio, reforzar a visión respectuosa co entorno e adquirir actitudes e comportamentos cara á conservación.   

SAMAÍN NO CPIP VIRXE DA CELA

A falta dunha celebración conxunta do Samaín de todo o centro, este año traballarase con propostas a nivel de aula, e deste xeito seguir apostando pola recuperación de festas de carácter popular ou tradicional. Os pequenos/nas de infantil participarán nunha terrorífica Festa do Medo, nas aulas de primaria realizaranse debuxos e recollida da tradición oral, a biblioteca escolar ambientarase coas aportacións da proposta "Palabras que dan Medo". Estas son entre outras as actividades que se están a celebrar no CPI Virxe da Cela.

Festa do Medo. EI. Venres 30 outubro 2020.

RECURSOS DIDÁCTICOS SAMAÍN E MAGOSTO

 

Achégamos unidades didácticas para infantil e primaria de Samaín 2020 e do Magosto 2020, elaboradas polos EDLG de varios centros de ensino da Coruña, con diferentes textos, actividades e manualidades por se vos son de utilidade para celebrar estas dúas festas. Saúdos

Magosto 2020 from satelite1

SAMAÍN 2020 by veracruces on Scribd

SAMAÍN NA BIBLIOTECA CASTELAO

 

 Un ano máis, chega a primeira festa do curso, unha festa que nos atrapa a todos polo misterio e a fantasía que a acompañan: O Samaín. 🎃👿👻

Máis este curso a celebración vai ser un pouco diferente xa que o maldito COVID-19 💀está a conseguir que non poidamos  reunirnos para facer as actividades que tanto nos gustaban, como a decoración de portas de medo, o concurso de cabazas…Aínda así, non deixamos de argallar cousas para celebrar esta data.

Desde a biblioteca Castelao propuxémosvos a creación de ilustracións con palabras que dan medo para facer unha exposición na biblioteca. E aquí tedes as imaxes na porta de entrada, como antesala ao ceo de pantasmas devoradores de libros que pululan pola biblio.👻👻👻

Ahhhh!, e lembrade que tedes na biblio un montón de lecturas e libros de medo....medo???, quen dixo medo???. Atrévete a descubrilos!!

MUSICANDO CARVALHO CALERO

Animámosvos a que participedes nunha iniciativa promovida pola AGAL en colaboración coa SXPL: - "Musicando Carvalho Calero", un concurso de votación en liña no que hai que escoller tres das dez cancións finalistas. O prazo para votar remata o 30 de outubro. Podedees acceder premendo a seguinte imaxe:

EXPOSICIÓN HOMO SAPIENS NO MUPEGA

 

Neste momento no que se achega a conmemoración do Día da Ciencia en Galego 2020, pódevos interesar especialmente a exposición do Mupega Homo Sapiens, transmisor do coñecemento. A mostra inclúe unidades didácticas adaptadas aos distintos niveis. Pulsa a seguinte imaxe para acceder:

PALABRAS QUE DAN MEDO

Iniciativa da Bibliteca Castelao para celebrar o Samaín. "Palabras que dan medo" é unha actividade que consiste en imprimir creacións sobre o Samaín e expoñelas na biblioteca. Trátase de crear unha imaxe segundo estas instrucións: Nun folio ou nunha lámina DIN A4, escribir unha palabra ou frase curta que provoque medo e acompañala cunha ilustración ao respecto. A ilustración pode ocupar toda a lámina e superpoñer o texto. Tamén pode tratarse, simplemente, de unha imaxe que acompaña ao texto. Pódese facer en sentido vertical ou horizontal. Pódese aplicar calquera tipo de técnica, tamén se pode facer enteira por ordenador. 

MOC MOC

 

Venres 9 outubro 2020

UNHA MANDA DE PEZAS PARA ISAAC

Este ano 2020 conmemórase o centenario do nacemento de Isaac Díaz Pardo e Alento Esbravexo convoca un concurso onde cadaquén pode inspirarse en algo relacionado coa figura de Isaac Díaz Pardo (un acontecemento concreto da súa vida, un debuxo, unha pintura, unha tipografía, un cartaz, unha peza cerámica, etc.), tamén se poderá inspirar na súa escola (empresas que formou, artistas discípulos de Isaac,...) ou mesmo se pode facer algo totalmente novo, xa for reinterpretando calquera destes eidos artístico-vitais indicados e crear un debuxo, unha pintura, un tipo de letra, un deseño, grafiti, xoia, danza, música, etc. con total liberdade.

O prazo de presentación das obras remata o 13 de agosto de 2020.

Para participar deberase enviar un correo a: alentoesbravexo@gmail.com

Con todo o material recibido tentarase facer un libro, unha exposición,...(sempre dependendo da situación vírica actual).

 Preme aquí para consultar as BASES

Máis información no seguinte enlace: https://axendacultural.aelg.gal/2020/06/30/proposta-unha-manda-de-pezas-para-isaac/

XOGO INFANTIL TURISTEANDO COS MIÚD@S

TURISTEANDO COS MIÚD@S, é o primeiro xogo infantil interactivo para que os miúdos e miúdas descubran a riqueza cultural e turística da provincia da Coruña. Un xogo realizado para o fondo de Proxectos Culturais do Xacobeo 2021 co que podedes xogar en calquera momento, no colexio ou na casa.

Se queredes xogar e acceder a el, só tedes que clikar na imaxe que tedes a continuación.

 

PREMIOS YOUTUBEIR@S

Os premios Youtubeir@s teñen como finalidade animar a creación de vídeos con temáticas e formatos diversos e sumar visibilidade á produción en galego e á comunidade youtubeira. Poden optar a estes premios todas as persoas maiores de 14 anos con vídeos autoproducidos subidos a Youtube. Pódese participar cun vídeo, con varios vídeos e/ou cunha canle. No caso de que a persoa participante sexa menor de idade, esta inscrición irá acompañada da autorización do/a pai/nai ou titor/a legal mediante o documento que se facilita no formulario de inscrición.

https://youtubeiras.gal/Bases/ 

RECORDANDO A ROSALÍA

Celebramos o cabodano de Rosalía de Castro na voz do alumnado de Primaria do CPI Virxe da Cela (Monfero).

Programación e robótica: aprender a pensar, aprender a crear

Na actualidade un dos piares dos retos educativos actuais, que son apoiados por moitas investigacións e prácticas educativas, é a innovación. 

Dita innovación se debe asentar nas potencialidades e necesidades contextuais para que esta supoña un verdadeiro cambio na realidade educativa. 

De aquí parte o conxunto de actuacións que aquí presentamos, dentro do programa Introdución á robótica en Ed. Primaria e que queren ser nexo de unión entre realidade, inclusión e equidade para acadar procesos educativos de calidade que sexan quen de satisfacer as necesidades e demandas dun contexto educativo concreto. 

A través das mesmas, o alumnado coñece a súa realidade e é quen de intervir na mesma con capacidade de transformación e empregando para elo os recursos propios de medio e os que lles proporcionan as tecnoloxías da información e da comunicación. 

Estas últimas, ademais permiten que adquiran unha perspectiva global de mellora social. Empregalas para o aprendizaxe e o coñecemento supón crear coñecemento, pero tamén contar con capacidade para difundilo e para darlle valor. 

Todo isto dende a responsabilidade e a reflexión crítica do que podemos ser e o que queremos ser. Valores e competencias que axudan a crear comunidade. 

A VOZ DO XESTAL

Acabadiño de saír do forno, presentámosvos... o novo xornal do CPIP Virxe da Cela, "A Voz do Xestal". A pesares da situación actual (suspensión de clases COVID-19), grazas especialmente ao empeño de Laura Ferro (coordinadora do proxecto), e por suposto co traballo previo realizado por  docentes e alumnos/as, este xornal en lingua galega saíu adiante para deixar constancia dalgunhas das actividades que se levaron a cabo no presente curso no noso centro educativo.

A voz do xestal from satelite1

CARVALHO CALERO EN EDUCACIÓN INFANTIL

Para celebrar o día das letras galegas decidimos traballar co conto “As pitas baixo a choiva”. Primeiro coñecemos un pouco máis do autor eloxiado. E logo coñecemos máis sobre as pitas e o seu ciclo de vida. E para rematar, Dani, o profe que estivo de prácticas no cole o ano pasado fixo unha colaboración con nós: o video “Xogamos coas Letras Galegas”. Desta iniciativa saíu un tendal de palabras en galego.

XOGAMOS COAS LETRAS GALEGAS

Proposta realizada por Daniel Vidal (mestre en prácticas no CPIP Virxe da Cela durante o curso 2018-2019) para conmemorar o Día das Letras Galegas.

 

II ENCONTRO DAS FAMILIAS EN EDUACIÓN FÍSICA

Deixámovos este divertido vídeo realizado pola mestra de EF Ruth Varela coa colaboración do alumnado e familias con motivo da celebración do II Encontro das Familias en Educación Física (este ano tivo que ser de maneira telemática). 

PEQUENOS OLLOS, GRANDES OBRAS

O alumnado do CPI Virxe da Cela realiza un particular percorrido polas obras de diferentes mulleres artistas. Unha forma de mergullarse na arte e de debatir sobre diferentes obras, aportando a súa opinión e concienciando sobre a existencia de mulleres artistas. "Pequenos Ollos, Grandes Obras" pretende ser unha canle para achegar a arte e todas as súas implicacións á xente máis cativa. 👩‍🎨 Neste paseo audiovisual desfrutaremos de: 'Concorde' de Maruxa Mallo 'Ubi Girl from Tai Region' de Löis Mailou 'Sen título' de Lee Krasner 'Hacia acuario' de Remedios Varo. Unha produción do CPI Virxe da Cela coa colaboración do Laboratorio de Radio e o apoio de Ayuda en Acción e Fundación La Caixa. Que grandes os peques! E que gran traballo o de Sergio e Lucía!

RADIO NO CPI VIRXE DA CELA

Un ano máis o alumnado do CPI Virxe da Cela realizou os obradoiros do "Laboratorio Radiofónico" impartidos por Lucía Abarrategui e Sergio Pascual. 

Conto pola Paz: Celebramos a paz. Celebramos o día. A paz está nas pequenas cousas, non só nas grandes. A paz non é o contrario da guerra, tamén son lugares do cotián. Tamén somos nós. Tamén facemos a paz. Este conto é dunha alumnado de 2º da ESO do CPI Virxe da Cela, mais os sons veñen de 1º de primaria e a locución foi feita por 3º de primaria. Música Audionautix CC.

 

Terra, un poema de primaria: 1º de primaria. Palabras mesturadas. Creatividade e sonido. Velaí o resultado. Un podcast chamado terra, un poema con musicalidade. Coa música CCbynoncomercial de Chad_Crouch_-_Algorithms en freearchivemusic. 

Entrevista con Domingo Presas: Na radio do CPI Virxe da Cela, estamos a traballar sobre a discapacidade. Por iso, consideramos importante falar con aquelas asociacións que traballan a prol dos dereitos destas persoas. Por iso, convidamos a Domingo Presas. A música é de Audionautix, a voz, do alumnado de 4º de primaria.

   

Dicionario galego "besbellos": Na radio do CPI Virxe da Cela, creamos un dicionario sonoro de termos que aínda non coñecemos. A nosa primeira palabra é besbello, o alumnado pensa que significa unha cousa e, na realidade, significa o que ides escoitar. Besbellos, escoitade! A música é de Audionautix. 

A miña bisa no cole: Julia é a bisavoa de Iria, alumna de 5º de Primaria. Ela ten moitos anos de experiencia e moitas historias que compartir, por iso Iria conseguiu que a súa bisavoa viñera ao cole a contalas. O formato escollido foi unha conversa radiofónica na que o alumnado preparou unha serie de preguntas e curiosidades para coñecer unha desas historias: o entroido de Ambroa, unha parroquia de Monfero. Ademais, Carmen, a titora do grupo, participou como unha alumna máis na gravación do podcast xa que tamén é veciña da parroquia de Julia. Un proxecto de Laboratorio de Radio co apoio de Ayuda en Acción, Fundación Repsol e Fundación La Caixa 

5 XUÑO, DÍA MUNDIAL DO MEDIOAMBIENTE

Hoxé Día Mundial do Medioambiente queremos visibilizar a natureza das nosas parroquias, do medio rural, e das súas xentes a través destes vídeos realizados polos nenos e nenas do Xestal, proposta realizada por D. Luís Rodríguez Patiño, Coordinador do programa UNED Sénior no centro asociado de A Coruña e  sacerdote na parroquia de Xestoso. Neles amosan a vida nas súas aldeas, paraísos naturais que temos ao noso carón e que debemos valorar e coidar.

Parabéns pola iniciativa.

I CONCURSO DE ESCRITURA CREATIVA DE MICRORRELATOS

Dende a Biblioteca Castelao e o Equipo de Dinamización Lingüística lanzamos o I Concurso de escritura creativa de Microrrelatos.

A través del podedes  deixar voar a vosa imaxinación e trasladarnos  a vosa creatividade. 

Animádevos a crear!!!

      Aquí deixamos as BASES

Bases concurso microrrelatos de Yolanda Castro

CARBALLO CALERO. LETRAS GALEGAS 2020

                                                                             Ola a tod@s!!

Este ano teremos que esperar a outubro para celebrar a nosa gran festa... pero ben podemos ir tendo presente a Carballo Calero, o autor ao que están dedicadas as Letras Galegas este ano, non si?

Pois ben, se premedes nas seguintes imaxes poderedes acceder a diversas actividades interactivas para coñecer un pouco máis sobre o autor ferrolán homenaxeado .

Picade nas  imaxes.

 

 

E SE QUEREDES ACTIVIDADES OU DEBUXOS PARA DESCARGAR PREMEDE NA SEGUINTE IMAXE

AQUÍ TEDES UNHA MOREA DE ACTIVIDADES SUPER DIVERTIDAS 

COAS QUE APRENDEREDES MOITAS COUSAS DE  DON RICARDO
Para comezar a xogar so  tes que premer  no megáfono que se atopa ao lado do 2

AS PITAS BAIXO A CHOIVA: O CONTO , A MÚSICA E MOITO MÁIS....
Preme na imaxe

SERÁS  QUEN DE FACER ESTE CREBACABEZAS?

PREME NA IMAXE 

                                                       Teño unha dor.  Carballo Calero. 

Poema musicado 

Carballo Calero. Letras Galegas 2020 de Yolanda Castro

Carballo Calero. Letras Galegas 2020. Carteis secundaria de Yolanda Castro