CAMIÑO DE SANTIAGO

     Dende o Equipo de Dinamización da Lingua Galega do CPI Virxe da Cela (Monfero) queremos recomendar a todo o alumnado e profesorado do centro a que visiten esta fabulosa exposición sobre o Camiño de Santiago. Está situada no segundo andar do edificio de secundaria, xunto diante da aula de informática. Neste espazo coidadosamente acondicionado e “tuneado” poderedes atopar un inmenso mapa que ilustra o itinerario do Camiño Francés por terras do norte da península, destacando os diferentes puntos de interese relixioso-artístico, así como unha mesa con gran cantidade e variedade de materiais explicativos (libros, folletos, revistas, etc). Incluso poderedes facer máis real a vosa “inmersión” polo Camiño de Santiago probando unha auténtica capa de peregrino, así como outros "accesorios": o sombreiro, o bastón ou báculo, a cuncha de vieira, a cabaza. Animádesvos?? 

      Queremos dar os máis sinceros parabéns a Teresa Losada, profesora de CCSS na ESO, promotora desta iniciativa, e tamén a Yolanda Castro, profesora de Relixión na ESO, que tamén puxo o seu esforzo e interese, aportando diferentes materiais expostos e axudando á montaxe da exposición, para levar a cabo este proxecto.

Crónica camiño santiago from satelite1

PREMIOS CURUXO DO HUMOR

Tríptico curuxa galego (1) from satelite1

XOGOS DA NOSA COMARCA

A profesora Lucía Tríllo (educación física en EP) elaborou co seu alumnado este traballo de recollida do patrimonio inmaterial da nosa comarca: os xogos populares. Para isto os rapaces e rapazas tiveron que preguntar aos seus avós e avoas, veciños, etc. Son xogos moi sinxelos, xa que non precisan moita "infraestrutura", pero á vez moi divertidos porque supoñen unha actividade colectiva e con grande dinamismo. Ogallá que xeración tras xeración podamos ir transmitindo estes divertimentos que xa están a desaparecer en moitas zonas (especialmente os núcleos urbanos). 

Xogos da nosa comarca from satelite1

PROXECTO "GÚSTAME DE ONDE SON". ESCOLAS EN ACCIÓN (REDE NATURA)

           

Con este proxecto pretendese acadar a implicación do alumnado, do profesorado e do conxunto da comunidade educativa no deseño e desenvolvemento dunha serie de actuacións, que supoñan a posta en valor do patrimonio natural imprescindible para o desenvolvemento, tanto social, económico como cultural da contorna. Centrase este proxecto nas Fragas do Eume, que presenta unhas características singulares que forman parte da identidade cultural de tódolos veciños. Realizaranse actividades nas aulas que permitan identificar as peculiaridades deste espazo e outras para desenvolver no entorno familiar que permita identificar a riqueza natural, patrimonial, económica, … deste espazo natural. Tamén se estudarán as problemáticas ambientais deste espazo e a súa repercusión no medio.

PRESENTACIÓN TRABALLOS DE RECOLLIDA DE TRADICIÓN ORAL DA ZONA

     O Departamento de Música do CPI Virxe da Cela leva case unha década recollendo a tradición oral da zona. Todos os anos os alumnos e alumnas de 2º da ESO teñen que facer este traballo “obligatorio”, así que xa vén sendo toda unha tradición… Son moitísimos os materiais que temos almacenados no disco duro do noso ordenador… e esperamos, nun futuro non moi lonxano, que todos estes documentos podan ver a luz e ter unha ampla difusión. Polo de pronto nos conformamos cunha presentación pública dos traballos desenvolvidos durante este presente curso académico 2014-2015 a través dunhas xornadas abertas ás que convidamos ao alumnado de 1º da ESO e 6º de primaria, que deste xeito xa se vai familiarizando coa tarefa que van ter que facer proximamente… 

      O alumnado de 2º da ESO optou por facer este traballo tanto de maneira individual como en grupo, así que nestas imaxes podedes observar como se van explicando os traballos axudados de presentación power point e de vídeos montados para a ocasión. Moitos dos informantes elixidos por estes rapaces/zas son un auténtico tesouro en sabedoría, e quedamos abraiados coa súa riqueza en léxico, a súa expresividade e a súa memoria!!! Temos que rescatar estas auténticas bibliotecas do saber popular. E quedounos máis que claro que todos estes avós e avoas, veciños/as, e xentes maiores están encantados cada vez que nos achegamos a eles a preguntarlles polo pasado, etapa que lembran con todo detalle e moita nostalxia…

Presentación recollida da tradición oral da zona from satelite1

DRAGÓNS E OUTROS ANIMAIS FANTÁSTICOS NA ARTE

O alumnado de 2º da ESO elaborou na materia de Ciencias Sociais este interesante catálogo de animais fantásticos, un xeito de abordar de maneira interdisciplinar a lectura do libro "Dragal, a herdanza do dragón", de Elena Gallego Abad (Proxecto Dragal). 

Dragal ccss 2º eso from satelite1

Poster dragal 2º eso from satelite1

VIAXE A UN PASADO MILAGREIRO

Enmarcado no Proxecto Dragal, imos realizar unha viaxe ao pasado a través da arquitectura do espírito e da paisaxe natural que a envolve, trazando unha liña recta que nos obrigue a atravesar vales e ríos; e a ascender os montes de Monfero, Aranga, Sobrado e Toques. Son lugares tan fermosos como ocultos. Están entre o misterio da néboa, das lendas e do silencio roto pola canción das árbores onde se pousan os paxaros cantores. Departamento Relixión. 

Viaxe a un pasado milagreiro from satelite1

Poster pasado milagreiro from satelite1