Poñemos á disposición da comunidade educativa esta iniciativa do Ministerio de Ciencia e Innovación. Trátase da edición dun calendario científico escolar 2021 e a correspondente guía didáctica.
miércoles, 27 de enero de 2021
martes, 19 de enero de 2021
O NOSO PATRIMONIO: OS CASTROS
O alumnado de educación primaria tivo a oportunidade de asistir o martes 19 de xaneiro a un obradoiro impartido a través do Proxecto Educativo do Parque Arqueolóxico da Cultura Castrexa. Tomando punto de partida o Castro de San Cibrao de Las, na provincia de Ourense, un xacemento arqueolóxico único, os nenos/as poideron descubrir como foi evolucionando a sociedade na Idade de Ferro, así como adquirir actitudes e valores de respecto, valoración e custodia do noso patrimonio. Esta charla obradoiro estivo acomapañada dunha mostra expositiva con obxectos e maquetas.
viernes, 15 de enero de 2021
O PATRIMONIO NATURAL: VISITA AO SEIXO BRANCO
O Mércores 13 de Xaneiro o alumnado de 5º e 6º de EP gozou dunha saída pola costa de Dexo (Oleiros).
Xunto coas súas profesoras, Chus e Ruth, pasaron unha marabillosa mañá facendo un roteiro, coñecendo a flora e a fauna, mariña e terrestre, do lugar.
Na metade do traxecto, fixeron unha parada para recargar as pilas e gozar das fermosas vistas dos acantilados do Seixo Branco.
Esta saída está organizada polo CEIDA, e foi precedida por charlas informativas que tiveron lugar no mes de novembro. Próximamente realizarase un roteiro pola Fragas do Eume.
jueves, 14 de enero de 2021
CONCURSO EXPOSICIÓN LETRAS GALEGAS 2021 XELA ARIAS
A Secretaría Xeral de Política Lingüística (SXPL) fixo pública onte, luns, 11 de xaneiro, a convocatoria do Concurso-Exposición sobre Xela Arias, a autora escollida pola Real Academia Galega (RAG) para festexar o Día das Letras Galegas do ano 2021. A unidade didáctica e os carteis que a compoñen darán a coñecer os aspectos máis significativos da vida e obra da escritora así como o momento histórico e a situación sociolingüística na que viviu.
O profesorado participante na elaboración das exposicións gañadoras recibirá unha certificación de premio de innovación educativa (20 horas de formación permanente para o profesorado e 30 para o coordinador ou coordinadora). O prazo para enviar os traballos remata o día 1 de marzo (incluído).
miércoles, 13 de enero de 2021
miércoles, 16 de diciembre de 2020
CHARLA SOBRE O LOBO. ADEGA
A Asociación para a Defensa Ecolóxica de Galiza (ADEGA) visitou o noso centro para impartir unha interesante e controvertida charla sobre o lobo o mércores 16 de decembro 2020 (1ª quenda : 10:35-12:15 2ª quenda : 12:35-14:05), organizada polo departamento de Ciencias Naturais. O punto de partida desta asociación é a necesidade de reformular o Plan de Xestión da Xunta de Galicia coa finalidade de establecer medidas de control máis severas para a protección do lobo en territorio galego.N esta charla achegámonos un pouco máis a este mamífero co que convivimos e asúa situación actual en Galicia: a súa distribución, os seus hábitos, como identificar as súas pegadas, falsas crenzas e “fake news”, etc. Foron moitas as preguntas e intervencións do alumnado da ESO.
Suscribirse a:
Comentarios (Atom)